Anihiburu 4:12 - IWE ỌNỊNỊ

¹² Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.

Anihiburu 4:12 ပူးပေါင်းရင်းမြစ်များ

Ahẹ Ụgama 110:2

Ẹnẹyịmavara vaa mẹ ka wa nyị ụkata. Ịzị ụ vaa rị ohinọyịị tụ́ vaa para Ịzayọnị hu. Ẹwa vaa rị ohinọyị tụra ọnịvị awụ ịrẹsụ nị.

Ahẹ Ụgama 119:130

Ịjị ịrẹyị awụ ọ̀ọ sị ngụ ịnị ayị ọza, eyi anị vee hweyi. Vị ọọ̄ mẹ ka obedu ọ̀ hyakụ yẹ ịrẹyị nị.

Ahẹ Ụgama 139:2

Wâ yẹ avaba ịsa ọnị maa mẹ̀. Ụ mẹ̀ yị yà ẹnẹẹnẹ, wâ yẹ ịsị mee ro.

Ahẹ Ụgama 149:6

Wee nowuu kụ́ Ohomorihi awụ avọ nịnị, di we tenyi ụhwọ ọ̀ nyị eyi ẹẹva awụ nịnị rị ụvọ.

Ahẹ Ụgama 45:3

Ohinọyị ana nyị ụkata, sị ụhwọ awụ hara kẹnẹ, ka ụbanyị ọ sị vị awụ da.

Ụhịrẹyị 5:4

Ama ẹngụkata anaā vatụra a, ọ̀ nyịrẹyị hu ẹchịpa, dị ọọ̄ tụ̀ ọza ụnava anka ụhwọ ọ nyị eyi ẹẹva avọọ nị.

Ịrẹyị Ọzwọzịsa 12:11

Ịrẹyị ana aza ana yẹ ịrẹyị kà vị ana sị mẹẹ anka ọchị ọnị oseratẹmẹ nịnị aa sị zụ atẹmẹ nịnị oze, dị ụhịrẹyị ana aa tọ̀ọ vabẹ aanị sị mẹ̀ ẹ anka iso ana a kanyị hi ịsa ẹtẹẹtẹrẹ avọọ nị. Ohomorihi ọ sị wa yị nị. Ọnị ịnyara ọ vị oseratẹmẹ avaba ayị nị.

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ayịsaya 49:2

Ộ mẹ ka ịrarẹ amị ọ rẹ anka ụhwọ ọ́za, a vị ọpa. Ẹnẹyịmavara ộ sị mị tẹ tụ ịnị ivoku anị.

Ayịsaya 55:11

Avọọ gẹdẹ-gẹdẹ ịrẹyị ọnị mị kà mẹ yà nị. Ẹ yị vaa vàa ka mịị vẹ osusu, ama ọ vaa mẹ ịsị mị mẹ eto anị; ọ vaa mẹ avaba ịsị mị tụ́ ọ ka ọ̀ na mẹ.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ijeremaya 23:29

Ọ kà ịrẹyị ọnị ọnị ka vị ana sị mẹ anka ịra avọọ, dị ọ rẹ sị mẹẹ anka ịhama ana sị chaka ịrẹta avọọ nị.

Iruuku 8:11

Di Ijeesu ka, “Iruvo ụhịrẹyị ọnọọ yị: Ịsa ọyịna ọnọọ vị ịrẹyị Ohomorihi

Ịjọọnụ 12:48

Ọza ene èe yi mi tịtẹ, dị ọ̀ yị dọ ịrẹyị amị nị, â nyị ịsị ẹ vaa mẹ̀ ọkarẹyị yọ. Ịrẹyị ọnị mị sị kà, ọnị gẹdẹ-gẹdẹ ọ vaa mẹ̀ ọkarẹyị yọ ịnị ẹkụhị ọdịrẹma nị.

Ịjọọnụ 6:51

Ẹma vị ịsọyịrị anaā mẹ ka ọza ọ̀ yàra booro nị. Ẹbẹẹba mị hụrẹ vẹ nị. Ọza ana àa rị ịsa ọnọọ, vaa yàra pooro zịna-zịna. Ọchẹngụ amị ọ vị ịsọyịrị ọnị mị vaa sị yị aza nị. Maa sịị yị anẹhẹ ka ẹ̀ zụ yàra obooro.”

Odeyi 2:37

Aza ẹnẹnị mẹ̀ wụ́ ịrẹyị ẹnẹnị, ayị ẹnịnị ẹ sị sụ̀ enyi. Dị ẹ kà a yị Ipita ọnịrị odeyi nịnị ana vọ, dị ẹ ka, “Ẹwụ nịnị ẹyịnyara amị, sị a vọrọ ka ya mẹ?”

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Odeyi 5:33

Ịjị anikootu maanị wụ́, ayị ẹnịnị ọ sị tụ̀, ana ahịka ẹnịnị ê sì ka ẹnị ẹ̀ wụ odeyi nịnị.

Odeyi 7:38

Ọnị ọnịrị Anisirẹrị nịnị yà ịnị ụnọmị, áda ayị nịnị mẹ̀ va gụ ịzọọ nị. Anggẹẹrị ọnọọ ộ kà ịrẹyịị yọ ị́rẹsụ ataba Ịsịnayị, dị ọ tụ́ ọọ hi ada ayị nịnị nị. Imosiisi ộ sị enube Ohomorihi ana aa mẹ ka ọza ọ̀ yàra pooro zịna-zịna va yị.

Aniroomi 1:16

Mẹ yị nyị ụhị agụvị enube ọyịza. Ụkata oni Ohomorihi aa sị dọ ọza ana dọ wụ́ụ há ọ vị nị. Aniju nịnị o vịdị tù, di o re ve tù Anigiriki u nịnị nị.

1 Anịkọrịntị 1:24

Ama aza oni Ohomorihi sị hị́ kẹnẹ, ẹ̀ẹ vị Aniju, ẹ̀ẹ vị Anigiriki, ẹ́ẹ yẹ ka Ikirisiti vị ụkata ọnịrị ịrẹyọyẹ Ohomorihi.

2 Anịkọrịntị 2:17

Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.

2 Anịkọrịntị 4:2

Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.

Anẹhwẹsọsị 5:13

Etohweyi ọ̀ọ raà sị avaba ịsa tụ́ ẹhẹ, ịjọnọọ a vaa yẹ ịsị ẹ vị gẹdẹ-gẹdẹ.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Anẹhwẹsọsị 6:17

Dọ ẹdọha oni Ohomorihiī sịị yị ọza nịnị! Ọnọọ vị ana rẹ sị mẹẹ anka amu enyusẹ-enyusẹ ene eē kú avọọ. Rẹ sị ịrẹyị Ohomorihi rị ụvọ. Ọnị vị ana rẹ sị mẹẹ anka ụhwọ ọnị. Ụhwẹ Ọnịnị sị wụ nịnị.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

1 Anịtẹsaronika 5:23

Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ.

Anihiburu 13:7

Tamayị ọdọvịdị awụ nịnị ana kà ịrẹyị Ohomorihi wụ nịnị! Zama ọdịrẹma ẹhẹ ẹnịnị re, dị ụ wa sị ayị tụra Ohomorihi anka ẹnịnị!

Anihiburu 6:5

Ẹ rẹ sị ịrẹyị Ohomorihi ene zoza dá ree ẹ rẹ yẹ ụkata ẹhẹ anaa vẹ.

Ijemiisi 1:18

Ô zé Ohomorihi eyi, dị ọ sị ịrẹyị anị ana vị ịzẹyịza, dị ọ sị mẹ ka ya yàra nị; ộ vavọọ mẹ, agụvị dị ya vị ọnịpaapa ịnị aza anị.

1Ipita 1:23

Ohomorihi ọ sị wụ nịnị tenyi ma ini oze ịrẹyị anị ana yára, dị ọ rẹ jẹẹ pooro. Ẹ́ yị vị ọza ana ahịka oō sú, o tenyi wụ nịnị ma, ama Ohomorihi ana yára zịna-zịna pooro yọ nị.

Ẹtore 1:16

Dị ọ sị ụzọmị ịhịmba tụ́ ịnị ụvọrị anị nị. Dị ụhwọ onyeyẹva jịnẹ hụụnị irenu anị vẹ nị. Eyirẹsụ anị vị ana aa za anka ọyị ana aa há gaa-gaa ụmẹ ọọdụ avọọ.

Ẹtore 19:15

Dị ụhwọ ọnya aanị ana rẹ ẹtẹẹtẹrẹ hụụnị irenu anị vẹ nị. Ọnị ọ vaa sị nyị ehuna anẹhẹ nịnị nị. Okutẹ enyusẹ-enyusẹ ọ vaa sị mẹ ịjọvaa tụra wa nị. Ọ vaa sị ahụụ kwọrọ aza ẹhịmịị há anka a mẹ̀ẹ kwọrọ asẹ ịnị ụkọ avọọ. Ọnọọ vị ana jẹẹ yị ọyịkụ Ohomorihi Ochẹtẹngụ.

Ẹtore 19:21

Dị ọza ana tụra umaata sị ụhwọ ana hụụnị irenu anị vẹ, dị ọ sị wụ̀ isoja nịnị ẹnịnị ana vọ nị. Dị inomi nịnị rị uye ẹnịnị, anka ẹ mẹ̀ zụ rị kẹnẹ nị.

Ẹtore 2:16

Ro ịnẹ varẹma nịnị, ka à yị vị avọọ, ọ yị jẹẹ dị ma vẹ ịdị awụ nịnị, dị ma sị ụhwọ ana yà amị irenu beri aza ẹnẹẹ kụ́ ịrẹkụ.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.

Ọdọvịdị 3:16

Ehudi ô tu ụhwọ ana gọdọ ahụ ọnya rị ẹjịjị. Dị ọ sị ọ chire achị eyi ụvọrị.