Anihiburu 3:9 - IWE ỌNỊNỊ

⁹ Ohomorihi ọ̀ kà a ka: Ohiku awụ nịnị ệ zama ọnị re ẹtẹẹtẹrẹ ịnị ụnọmị ịyẹẹyẹ, ẹnịnị ê re ịsị ọnị mẹ mẹ ịrayị ẹbẹẹva.

Anihiburu 3:9 ပူးပေါင်းရင်းမြစ်များ

Ahẹ Ụgama 95:9

Ohiku awụ nịnị ệ vịdị si o re ịsa oni Ohomorihi mẹ, ama ẹnịnị ẹ zị zama a re ịzọọ.

Ọyịkụra 19:4

Kà a ka ọnị ụvọta ê re ịsa ọnị mị mẹ Anijipiti nịnị, dị ahịka mị kụ́ ẹnị jịnẹ hụrẹ Ijipiti anka ukokoro mẹ̀ẹ kụ́ ezi anịị hi ịnị avaka di o hira avọọ nị. Dị mị vavọọ kụ́ wa va yị ẹngụ amị nị.

Ọyịkụra 20:22

Dị Ẹnẹyịmavara rẹ kà a yị Imosiisi dị ọ ka, “Ẹwụ nịnị ụvọta o si o re ka ẹbẹẹba mị yà kà ịrẹyịị wụ nịnị nị.

Emọsị 2:10

Avọọ ọnị mẹ dọ wa ha hụụnị ụvọ Anijipiti nịnị, dị ẹ ya ịnị ụnọmị ịrayị ẹbẹẹva nị. Dị ẹ dọ ẹtẹ Anamọnị nịnị nị.

Ịrịka 14:33

Ezi ewu nịnị vene vee sere atẹmẹ ịnị ụnọmị ịrayị ẹbẹẹva, ka we yị sị ayị tụra a nịnị, ezi ewu nịnị vaa rị ụya pooro dị avaba ẹnịnị e su ha saka-saka.

Iruuku 7:22

Dị ọ tụ́ ọnụtụ ẹnẹẹ ohi, dị ọ kà a yị wa ka, “Na kà a yị Ịjọọnụ nịnị ịsị u re ọnịrị ịsị ụ wụ́ nịnị! Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkwọbanyị nịnị ụkụ, ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu, dị a raa kà enube ọyịzaa yị onosiye nịnị nị.

Odeyi 13:8

Ịrẹha ọnịsẹ ireche ọnọọ ọ rị Erimasi ịnị ẹkụra Anigiriki nị; iruvo ịrẹha anị vị ọnịvọpa. Erimasi ọ yị zẹẹ Ịbanabasị ọnịrị Ịsọọrụ; ee sì ka ọnị ọ̀ vara ọnọba ọnọọ ayị ka asị ọ dọ Ohomorihi wụ́.

Odeyi 7:36

Imosiisi ộ kụ́ Anisirẹrị nịnị hụrẹ ẹtẹ Ijipiti. Ộ mẹ̀ ụkọrọ ohyozirenu ọnịrị apọtẹrẹwa ịnị ẹtẹ Ijipiti ọnịrị ini Irehu Ovivi ọnịrị pooro mẹ ịrayị ẹbẹẹva ịnị ụnọmị.

Iwe Ọhụhị Imosiisi ana aa hị́ Ọyịvatụrọda 11:7

Eyi awụ nịnị Ẹnẹyịmavara mẹ̀ avaba ịsị ẹdẹngụ ẹnịnị nị.

Iwe Ọhụhị Imosiisi ana aa hị́ Ọyịvatụrọda 29:2

Imosiisi ô hị́ Anisirẹrị nịnị gụ, dị ọ kà; Eyi ẹnịnị ê re ịsị ọnị Ẹnẹyịmavara mẹ ohinọyị Anijipiti ọnịrị ọdọvịdị ẹnịnị ne beri avaba Ẹkụra ọnọọ.

Iwe Ọhụhị Imosiisi ana aa hị́ Ọyịvatụrọda 4:3

Ẹwụnị ụvọta ò re ịsị ọnị Ẹnẹyịmavara mẹ̀ Ịbaarị-Ịpẹyọ. Avaba aza anaa mẹ̀ ori ịzọọ ô vú ẹtẹ nị.

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Iwe Ọhụhị Imosiisi ana aa hị́ Ọyịvatụrọda 8:4

Ịnị ịrayị ẹbẹẹva ọnọọ achị ẹnịnị yị re wu.

Ijosuwa 23:3

Ọ kà ẹnịnị è re Ẹnẹyịmavara Ohomorihi ẹnịnị mẹmẹ kú ịrẹkụ yị wa, dị ẹ nyị ẹbẹẹba avaba ọnịvị ẹnịnị.

Ijosuwa 24:7

Ịzọọ Anisirẹrị ya dị ẹ na owu na za Ẹnẹyịmavara, dị ọ sị etohozi jị ẹnịrị Anijipiti ịnẹ nị. Dị ọ ka enyi jẹẹ yị Anisirẹrị dị ẹ jịnẹ ịnị ẹtẹ ọyịwụ ama dị ẹnyị ọnọọ varẹma mụnẹ wa dị e su ẹyị awụ nịnị nị. Anisirẹrị nịnị ẹ̀ẹ ya ịnị ụnọmị ku pooro nị.

Ijosuwa 5:6

Anisirẹrị nịnị vị ana ngụ ụnọmị zịịzị ịrayị ẹbẹẹva dị avaba anọrụ ana hụ̀ ọ tu ịrẹkụ ana hụrẹ Ijipiti su ha ịnị ụnọmị. Ẹnịnị ẹ yị rẹ va zụ ngụ ẹtẹ ọyịza ọyịza ọnị Ẹnẹyịmavara kà ọnị aa sị yị wa agụvị akamawụ ẹngụ ẹnịnị.