Anihiburu 3:8 - IWE ỌNỊNỊ

⁸ asị ụ na mẹ ayọkatẹngụ nịnị anka óhiku awụ nịnị mẹ̀ mẹ ịnị ụmẹ ẹnẹ ẹ sị mẹ akamawụ hi Ohomorihi ịnị ụnọmị. Ẹnịnị ẹ rẹ zama a re.

Anihiburu 3:8 ပူးပေါင်းရင်းမြစ်များ

2 Ohinọyị 17:14

Ama ẹnịnị ẹ yị dọ ka ẹnị ẹ̀ saasa a. Ayị ẹnịnị vana katẹngụ anka ayị ohiku ẹnịnị ẹnẹ ẹ̀ yị sị ayị tụra Ẹnẹyịmavara Ohomorihi ẹnịnị.

2 Ịtọpa 30:8

Asị ẹ mẹ̀ ịrẹsụ ọkatẹngụ anka aza ẹnẹẹ ama ẹ ka ịrẹsụ hi yị Ẹnẹyịmavara. Ẹnịnị ẹ vẹ ịnị irehi Ohomorihi ana ya Ijerusarẹmị ọnị Ẹnẹyịmavara, Ohomorihi ẹnịnị nyị tụ́ irenyi yị ẹngụ anị pooro. Ẹnịnị àa hẹkẹ ẹ ịzọọ, ọ yị yaa du ayị hi wa.

2 Ịtọpa 36:13

Ịzẹdẹkaya ộ mè akamawụ hi Inebukadineza ana sị ụkata-ụkata za a sị Ohomorihi hị́ eku ka ọnị vaa wụ̀ chire e. Avọọ ọ́ mẹ rẹ sị ayị ọkatẹngụ yị ka ọnị e yi ro ịnẹ hụụnị odivi dị ọ vaka Ẹnẹyịmavara ana vị Ohomorihi Anisirẹrị nịnị vẹ.

Inehemaya 9:16

Ama ẹnịrị ohiku ẹnịnị ệ mẹ̀ akamawụ hị́ ịrẹyị anị. Ẹnịnị ệ si ẹngụ tụ ẹba, dị ẹ mẹ̀ ịrẹsụ ọkatẹngụ hi Ohomorihi nị.

Ijoovu 9:4

Ohomorihi ọ yẹ ịrẹyị dị ọ rẹ nyị ụkata ẹnẹmẹhị nị.

Ahẹ Ụgama 106:14

E mè hi ịnị ụnọmị ê nyima aa ha ọhọha ịsọyịrị, ê hi ịzọọ ẹ yaa zama Ohomorihi re.

Ahẹ Ụgama 78:18

Ẹnịnị ệ yẹ, dị ẹ yaa zama Ohomorihii re nị. Ẹ ka ẹngụ ịsọyịrị ẹnị ẹnị ee sì, Ohomorihi ọ̀ sị yị ẹnị.

Ahẹ Ụgama 78:56

Ama Anisirẹrị aa zama Ohomorihi re, ẹ yị zẹẹ ka ẹnị ẹ̀ dọ ịrẹyị Ohomorihi tụ́ ịzọọ. Ẹnịnị ẹ yị sị ụvọ za ọda anị.

Ọyịkụra 17:7

Di Imosiisi kụkụ aa hị́ ịzọọ Imasa ọnịrị Imeriba nị. Iruvo ọ vị ka ịzọọ Anisirẹrị yà zyaazị dị ẹ rẹ zama Ẹnẹyịmavara re nị, “Dị ẹ ka Ẹnẹyịmavara wáá vana yị yà ịnị akakana ẹnịnị à vị ọ yị yà ịzọọ?”

Ọyịkụra 8:15

Ama Ịjị Ihwarawo re ka ẹtẹ ọ sị rọ, dị ọ rẹ sị ayị anị kà geri-geri nị, Anka Ẹnẹyịmavara mẹ̀ vịdị kà a, Ihwarawo ọ yị dọ ịrẹyị Imosiisi ọnịrị Eerọnị tụ́ ịzọọ.

Ụhịrẹyị 28:14

Ịrẹsụ ọyịza ọ vị yị ọza ene hí angwa Ẹnẹyịmavara nị ama Anakamawụ vi ene vee vu.

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ijeremaya 7:26

Ama ẹ yị nyị ọza ana wụ́ ịrẹyị anị. Ayị awụ nịnị ộ katẹngụ, dị ahịka udivi ọnị waa mẹ nịnị o huna ohiku awụ nịnị nị.

Ịdanịyẹrị 5:20

Ama agụvị ka ô nyima aa sị ẹngụ tụ ẹba, ọza ẹ yị kụkụ zụ ka ịrẹyịị yọ, dị ọ ra a mẹ̀ ebira odivi nị, Ohomorihi ộ dụ ọ hụụnị ohinọyị anị nị, dị ọ rẹ dọ ọ ụbanyị anị nị.

Ịrịka 14:11

Dị Ẹnẹyịmavara kà a yị Imosiisi ka, aanị ka aanị aza ẹnẹnị me vee yi ọnị tịtẹ nị? Avaba ohyozirenu pọpọrọpọ ọnị ọnị mẹ̀ ẹyị ẹnịnị, ẹnịnị ẹ yị yị sị ayị tụra ọnị.

Imatiwu 13:15

Agụvị ka ụmatẹsị yà ịnị ayị aza ẹnẹnị. Ẹnịnị ẹ raà sị ịsa kú ụtọ ẹnịnị, di e re kú eyi ẹnịnị oku nị. Agụvị ka ẹ̀ yị vị avọọ, ẹ va sị eyi ẹnịnị re ẹtẹ, dị ẹ sị ụtọ ẹnịnị wụ́ ịrẹyị, dị ẹ sị yẹ ịnị ayị ẹnịnị, ịjọnọọ dị ẹ sị và ká Ohomorihi vẹ, dị Ohomorihi sị wa mẹ ụkụ.’

Odeyi 19:9

Aza ẹnyị ịnị aza ẹnẹẹ vị anayọkatẹngụ ọnịrị anakamawụ. Dị ẹyaa kà ịrẹyị odivii hi oze Ohomorihi ini eyi anịragụ nị. Agụvị avọọ, dị Ịpọọrụ hụụ ịzọọ yị wa, dị ọ rẹ kụ́ ezirẹma ene ịhị ịzọọ nị. Dị ọ kụkụ aa nọ ini isukuuru Ịtayịranọsị eyinị-eyinị, di ee pe azaa kà ịrẹyị ịzọọ nị.

Odeyi 7:36

Imosiisi ộ kụ́ Anisirẹrị nịnị hụrẹ ẹtẹ Ijipiti. Ộ mẹ̀ ụkọrọ ohyozirenu ọnịrị apọtẹrẹwa ịnị ẹtẹ Ijipiti ọnịrị ini Irehu Ovivi ọnịrị pooro mẹ ịrayị ẹbẹẹva ịnị ụnọmị.

1 Anịkọrịntị 10:9

Asị ị rẹ na zama Ananyị yị re, anka aza ẹnyị ịnị ẹnịnị mẹ̀ rẹ mẹ! Dị Ohomorihi tụ́ ẹwụ na jị wa ịrẹrụ, di e sú va ha nị.

Iwe Ọhụhị Imosiisi ana aa hị́ Ọyịvatụrọda 6:16

Asị ụ zama Ẹnẹyịmavara re anka ụ mẹ mẹ Umasa.

1 Ịsamụwẹrị 6:6

Dị ọga ori ẹnẹẹ ka asị Anihwirisiti nị nịnị na mẹ akamawụ anka Anijipiti ẹnịrị ohinọyị ẹnịnị mẹ̀ na mẹ ịyẹẹyẹ. Ẹ ka Ịjị Ohomorihi tana ụvọ za Anijipiti vị ẹ wụsẹ si oze yị Anisirẹrị ka ẹ̀ jịnẹ dị ẹ̀ẹ na nị.