Anihiburu 3:16 - IWE ỌNỊNỊ

¹⁶ Ẹnẹ vavọọ wụ́ ọngwẹ Ohomorihi dị ẹ mẹ akamawụ? Aanị ka ẹ yị vị aza oni Imosiisi kụ́ jịnẹ hụrị Ijipiti?

Anihiburu 3:16 ပူးပေါင်းရင်းမြစ်များ

Ahẹ Ụgama 78:17

Ịrẹma oni Ohomorihi maanị mị mẹ yị wa, ẹnịnị vị ana aa mịị mẹ̀ ebira odivii hi Ohomorihi. Ê hi ini ụnọmị ịzọọ, ẹ ka ẹnị ẹ yị kụkụ zụ dọ ịrẹyị Ohomorihi tụ́ ịzọọ.

Ahẹ Ụgama 78:40

Ọza ọ yị yẹ ụpẹ ịrịka yà ẹnị ẹ sị kwẹẹtẹ tù Ohomorihi ịnị ụnọmị, dị ẹ yaa mẹ ka ayị anị ò du.

Ijeremaya 32:29

dị ẹ jị ịra da a. Ẹnịnị vaa rị ọ ịra bẹrị avaba irehi ana aza ya mẹ ayị kụ ọnị. Aza ẹ ya ịrẹsụ irehi ẹnẹẹ aa rị eturare ịra yị ori ana aā hị́ Ịbaarị, dị ẹ́ rẹ yaa sị eche mẹ̀ ịsọvọ yị ori ana vọ nị.

Ijeremaya 44:3

Ka Anị ịzọọ ệ mẹ̀ ebira odivi, ọnịrị ka ẹnịnị ệ mẹ ayị kụ ọnị, ọnị vavọọ mẹ wa nị. Ẹnịnị ẹ naa mẹ̀ ịsọvọ hi ori, dị ẹyaa hẹkẹ ori ọnị ẹwụrị wa ne beri ohiku awụ nịnị ẹ̀ yị vịdị yẹ́ da nị.

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Ịrịka 14:11

Dị Ẹnẹyịmavara kà a yị Imosiisi ka, aanị ka aanị aza ẹnẹnị me vee yi ọnị tịtẹ nị? Avaba ohyozirenu pọpọrọpọ ọnị ọnị mẹ̀ ẹyị ẹnịnị, ẹnịnị ẹ yị yị sị ayị tụra ọnị.

Ịrịka 14:2

Dị ẹ yaa kụ ịrẹkaa hi Imosiisi ọnịrị Eerọnị ẹngụ ka sị ẹ vẹ dị ẹ yị navọ ẹnị dị ẹnị e su tụ́ Ijipiti, a vị ịnị ụnọmị?

Ịrịka 14:24

Ama ozi ahụ anị Ikarẹbị vị irenyi ya aza ana vọ, ọ wụ́ chire ọnị, avọọ ọnị vaa sị ọ na ngụ ịnị ẹtẹ ọnọọ. A rẹ vaa ga ẹtẹ tu evere anị.

Ịrịka 14:30

Ịrẹma Ijosuwa ọnịrị Ịkarẹbị, a yi vaa nyị ọza ẹnịnị anaa na ngụ ịnị ẹtẹ ọnị ọnị hị́ eku anị yị wa.

Ịrịka 14:38

Ama Ijosuwa ọnịrị Ịkarẹbị kẹnẹ ẹ ha nị.

Ịrịka 14:4

Dị ẹnịnị gẹ eyi ka ẹnị ẹ nyị ọdọvịdị ọsa, dị ẹnị ẹ varẹma nọ Ijipiti nị.

Ịrịka 26:65

Ẹnẹyịmavara ộ kà yị wa ka, avaba ẹnịnị vị ene su tụ́ ịnị ụnọmị. Ikarẹbị ozi Ijehwụnẹ ọnịrị Ijosuwa ozi Inuni kẹnẹ ẹ va yara tụ́ ẹtẹ.

Iwe Ọhụhị Imosiisi ana aa hị́ Ọyịvatụrọda 1:38

Ama Ijosuwa ozi Inuni ana vị ọnọgụvọ anị ọ vaa ngụ ịzọọ nị. Dị ọ ka Imosiisi ọ̀ tụ́ Ijosuwa ọtụtụrụma agụvị ka ọnị ọ vaa kụ Anisirẹrị na dọ ẹtẹ ọnọọ nị.

Ijudi 1:5

Máa yẹ ka â vịdị sị ọ kà yị wụ nịnị, ama mee sì ka ma rẹ tama wụ nịnị ayị ịrẹyị ọnọnị: Ohomorihi ộ dọ aza anị ha hụụnị ẹtẹ Ijipiti. Aza ẹnyị ẹ̀ yị mẹ̀ wụ́ ịrẹyị anị, dị ọ wụ̀ wa nị.