Anihiburu 3:12 - IWE ỌNỊNỊ

¹² Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Anihiburu 3:12 ပူးပေါင်းရင်းမြစ်များ

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ijoovu 21:14

Dị ẹ ka yị Ohomorihi ka ọ navọ ẹnị. Ọ sị anị tụ aha anị.

Ijoovu 22:17

Ệ ka Ohomorihi Ochẹtẹẹngụ ọ navọ ẹnị, ka ẹ yị nyị ịsa ọnị ọ zụ mẹ ẹnịnị.

Ahẹ Ụgama 18:21

Mẹ yị mẹ akamawụ hi Ẹnẹyịmavara Mẹ yị dọ ka me yi Ohomorihi amị tịtẹ agụvị ka ebira odivi yọ nị.

Ụhịrẹyị 1:32

Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ijeremaya 11:8

Ama ẹnịnị ẹ yị wụ́ chire ọnị. Ẹnịnị ẹ yị wụ́ ịrẹyị anị. Dị ahịka ịsị ayị ọzọza ọọ ka yị wa kẹnẹ ẹ yaa saasa nị. Ayị ẹnịnị ọọ katẹngụ, avọọ o me divi nị. Ọ kà ọnị ộ kà a yị wa ka ẹnịnị ẹ̀ sị ụvọ za ịrẹyị ọnị ẹnị dọ beri ẹngụ tụ ịnị aanị ama ẹnịnị ê yi. Avọọ, ọnị aa sị avaba ụya ana ya ịnị anịị rị wa nị.

Ijeremaya 16:12

Ẹnẹyịmavara kà ebira odivi Anijuda nịnị o divi huna oohiku ẹnịnị nị. Ayị ẹnịnị vana katẹngụ dị ahịka ịsị odivi ene sì kẹnẹ ẹyaa mẹ nị. Ẹnịnị ẹ́ yị saasa ịrẹyị anị.

Ijeremaya 17:5

Ẹnẹyịmavara kà, ẹ́ yị vee zozaa yị aza ana và ịrẹma anị dị ẹ kụkụ sị ayị tụra ọzarẹyịrẹsụ ọnịrị ụkata ọza.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ijeremaya 18:12

Ama ẹnịnị vee tụ́ ohi ka, ịzị ọ na vị, sị ẹ vẹ dị ẹnị aa vaa và hụụnị ayọkatẹngụ ọnịrị ebira odivi ẹnịnị?

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ijeremaya 7:24

Ama ẹnịnị ẹ yị wụ́ chire ọnị, ẹnịị ẹ yị wụ́ ịrẹyị anị. Ẹnịnị ệ mẹ ayị ọkatẹngụ, dị ahịka ịsị ayị odivi ẹnịnị ộ kà yị wa kẹnẹ ẹ yaa mẹ nị. Ana vọrọ ka ẹ̀ sịị kà a tụ ọvịdị dị ahịka vee divi yị wa hu avọọ nị.

Ezikẹẹrị 14:5

Avaba ori ẹnẹẹ ẹ sị Anisirẹrị nịnị tụra hụrị ọnị ẹngụ, ama ọnị ee sì ka ọnị ọ̀ sị ohi yị wa, dị ọnị ò si tura wa va ka ẹngụ anị vẹ.

Ihoseya 1:2

Ịnị ụmẹ ọnọọ, Ẹnẹyịmavara nyima aa tụ Ihoseya hi Anisirẹrị nị. Ọ́ kà Ihoseya ọ̀ na nyị ọsẹrẹka, dị ọ ma ezi ẹngụ ọza ẹnẹsa yọ. Ộ kà ọ vavọọ mẹ, dị ọ sị zụ Anisirẹrị nịnị mẹmẹ para ọnị hu naa hẹkẹ ori.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Imatiwu 24:4

Dị Ijeesu tụ́ ohi, dị ọ ka, “Si eyi pe ẹngụ awụ nịnị, oo! Asị ụ zẹẹ ka à sị wụ nịnị nyeeyi!

Ịmaakị 13:23

Ama sị eyi pe ẹngụ awụ nịnị, oo, agụvị ka mê vịdị juntu sị ọọ kà a wụ nịnị!

Ịmaakị 13:33

Sị eyi pe ẹtẹ nịnị, di u wee zí nịnị, agụvị ka wẹ yị yẹ ịjị ụmẹ ọnọọ vee tù nịnị.

Ịmaakị 13:9

Sị eyi pe ẹngụ awụ nịnị! A vaa za wụ nịnị nọ ini ikootu, di e re tụ́ wu nịnị ini irehi ahẹkẹ Aniju nịnị. A rẹ vaa za wụ nịnị naa jẹẹ ọvịdị ohirẹsụ ọnịrị ohinọyị nịnị agụvị amị, agụvị dị ụ wa dọ ivenu amị yị wa nịnị.

Iruuku 21:8

Dị Ijeesu ka, “Sị eyi pe ẹngụ awụ nịnị, oo! Asị ụ zẹẹ ka è vene wu nịnị! Aza ọrụrụ-ọrụrụ vaa rị ịrẹha amị, dị ẹ vẹ, dị ẹ ka ẹnị ẹ vị Ọdọzaha nị. Dị ẹ rẹ ka ụmẹ aa gụrị ẹtẹ. Asị ụ saasa wa nịnị!

Aniroomi 11:21

Ohomorihi ọ̀ yị navọ avọ obooro, ọ zụ mẹ dị ọyị rẹ navọ ẹwụ nịnị.

1 Anịkọrịntị 10:12

Agụvị avọọ, ọza ana àa ka ọnị ộ ta jẹẹ, â nyị ka ò sị eyi pe ẹngụ anị, ka ọ va hyẹdụ.

Anikorasi 2:8

Sị eyi pe ẹngụ awụ nịnị! Asị ụ zẹẹ ka ọzọnyị-ọzọnyị ọ̀ sị ịrẹyọyẹ ẹhẹ ọnịrị ịsa kẹnẹ-kẹnẹ vene wu nịnị! Ẹngụ ịrẹyọyẹ ẹnẹẹ ịnị ụvọ aza ọnịrị ori ana nyị ụkata hi ịnị ẹhẹ ọnọnị ẹ hụrẹ vẹ nị. Ayị vị ịda Ikirisiti ẹ hụrẹ vẹ.

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

Anihiburu 10:31

Ọza ọ̀ọ hyẹdụ ne ngụ ịnị ụvọ Ohomorihi ana yára, ọza ọnọọ ọ sị dà.

Anihiburu 10:38

“Aza anị ana àa vị ọnịzẹyịza vaa yàra, agụvị ka ẹ́ẹ sị ayị tụra ọnị. Ama àa nyị ọza ana kà nọ ịrẹma, ayị anị o yi vee hinee tù ọọ.”

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Anihiburu 12:22

Ịzị ẹwụ nịnị vẹ aanị vị ịnị Ataba Ịzayọnị, ọnịrị ịnị ẹkụra Ohomorihi ana yára. Ịzọọ aā hị́ Ijerusarẹmị ini ihinẹba nị. Anggẹẹrị ọrụrụ-ọrụrụ ọnị ọza ọ̀yị yẹ ịrịka vị ene hi ịzọọ.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

Anihiburu 3:10

Agụvị avọọ ayị aza ẹnẹẹ ệ kụ́ ọnị, dị ọnị kà a ka ẹnịnị vị anaā sịị ayị ẹnịnịị nyeeyi pooro, ệ mā zẹẹ ka ẹnị ẹ̀ saasa ọda anị.

Anihiburu 3:19

Agụvị avọọ, yée re ka ẹnịnị ẹ yị zụ ngụ, agụvị ka ẹnịnị ẹ yị sị ayị tụra Ohomorihi.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.