Anihiburu 3:10 - IWE ỌNỊNỊ

¹⁰ Agụvị avọọ ayị aza ẹnẹẹ ệ kụ́ ọnị, dị ọnị kà a ka ẹnịnị vị anaā sịị ayị ẹnịnịị nyeeyi pooro, ệ mā zẹẹ ka ẹnị ẹ̀ saasa ọda anị.

Anihiburu 3:10 ပူးပေါင်းရင်းမြစ်များ

Oyinyima 6:6

Di ọ ka àa yẹ asị ọnị mẹ̀ ọza vẹ ẹhẹ. Ộ zị ọ ẹtẹẹtẹrẹ ka ọnị ộ mẹ̀ ọza.

Ahẹ Ụgama 147:20

Nyị anẹkụra ọsa ọnị ọ maanị mẹ yị; ẹnịnị ẹ yị yẹ ọda ọnị ọ mẹ Waa kụ́ Ẹnẹyịmavara avọ nịnị.

Ahẹ Ụgama 67:2

Ohomorihi, wàa vavọọ mẹ, aza vaa yẹ ịsa ọnị ụụ̄ mẹ, avaba anẹhẹ vaa yẹ ka ẹwaā dọ ọzaa há nị.

Ahẹ Ụgama 78:40

Ọza ọ yị yẹ ụpẹ ịrịka yà ẹnị ẹ sị kwẹẹtẹ tù Ohomorihi ịnị ụnọmị, dị ẹ yaa mẹ ka ayị anị ò du.

Ahẹ Ụgama 78:8

Dị asị ẹnịnị na hama ada ẹnịnị ana vị anakamawụ ọnịrị Ananyị ọkatẹngụ. Ada ẹnịnị ẹ yị sị ayị ẹnịnị yị Ohomorihi tù ịnẹ tù ịnẹ.

Ahẹ Ụgama 95:10

Ohomorihi ộ kụ́ ayị hi aza ẹnẹẹ mẹ ịrayị ẹbẹẹva, Dị ọ kụkụ ka ivehu aza ẹnẹnị ẹ sị wa vene, ẹnịnị ẹ yị jẹẹ pè ọda anị.

Ayịsaya 28:7

Ọnịsẹ nịnị ọnịrị ohirẹsụ irehi Ohomorihi ẹnị vi ene re hú eche dị aa mẹrị wa ẹtẹẹtẹrẹ. Eche ộ mẹrị wa pooro ẹ yị kụkụ yẹ ịsị ẹ yaa mẹ, dị ahịka vị ẹ kụkụ aa và angga kẹnẹ nị. Eche ộ mẹrị ọnịsẹ nịnị pooro ne tu ka Ohomorihi ọ̀ọ kụkụ sị ịrẹyị zụ̀ wa e yi re e. Eche ọnị ọ yị rẹ zẹẹ ka ohirẹsụ irehi Ohomorihi nịnị ẹ̀ kụkụ yẹ a mẹ̀ vọrọ ka ẹ̀ẹ mẹ̀ ọkarẹyị.

Ayịsaya 63:10

Ama ẹnịnị ệ mẹ akamawụ hi ọ ene du Ụhwẹ Ọnịnị ayị. Agụvị avọọ Ẹnẹyịmavara vara ọnịvị ẹnịnị, dị ọ vara eyi ịraazị ka wa nị.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ihoseya 4:12

E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị.

Imatiwu 20:24

Ịjị ezirẹma ẹẹwụ ana vọ maanị wụ́, dị ẹyaa kụ́ ayịị hi ẹyịnyara ẹẹva ẹnẹẹ nị.

Ịmaakị 3:5

Dị Ijeesu kana eyi sì wa nị, ayị aa kụ́ ọọ, agụvị ka ayị aza ẹnẹẹ ẹ sị katẹngụ baaba. Dị ọ kà a yị osuvọ ọnọọ ka, “Tana ụvọ awụ!” Dị osuvọ ọnọọ tana ụvọ anị, dị ụvọ anị ta nị.

Ịjọọnụ 8:45

Ẹmị vị anaā kà ịzẹyịza wụ nịnị, agụvị avọọ ụ wẹ̀ yị dọ mị wụ́ nị.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

Aniroomi 3:7

Mèe vee cheeche, dị ọ mẹ ka aza è re ka Ohomorihi ộ nyị ịzẹyịza ẹtẹẹtẹrẹ yọ? Aanịka ayị vị ọ hyakụ aa sị ụbanyịị yọọ hu avọọ? Â vọrọ ka ọ̀ kụkụ yịị jị ịvịị mị ka ọnịvị mị vị nị?

Anẹhwẹsọsị 4:30

Asị ụ mẹ ka ayị Ụhwẹ Ọnịnị Ohomorihi ò du nịnị! Ụhwẹ Ọnịnị oni Ohomorihi sị wụ nịnị vị apọtẹrẹwa ana sị zụ̀ ka ẹkụhị aa vẹ oni Ohomorihi vaa sị dọ wụ nịnịị há.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Ọdọvịdị 10:16

Ịjị ẹ maanị raa da ịpẹ, dị ezi Anisirẹrị nịnị va avaba ori ẹnịnị ha, dị ẹ kụkụ a hẹkẹ Ẹnẹyịmavara nị. Ụyọrị ezi Anisirẹrị ọ zị Ẹnẹyịmavara ẹngụ ẹtẹẹtẹrẹ.