Anihiburu 3:1 - IWE ỌNỊNỊ

¹ Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

Anihiburu 3:1 ပူးပေါင်းရင်းမြစ်များ

Ahẹ Ụgama 110:4

Ẹnẹyịmavara ọ raà kà ịrẹyị, dị ọ hị́ eku tụ́ ọ nị, oyi kuku vee jesi ayị anị. Ọ kà Ẹwa vị ohirẹsụ irehi Ohomorihi pooro zịna-zịna anka Imerikizẹdẹkị nị.

Ayịsaya 1:3

Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ayịsaya 41:20

Aza vee re ịsa ẹnẹnị, dị ẹ yẹ ka ọnị Ẹnẹyịmavara ộ mẹ̀ ẹ nị. Ẹ vaa yẹ ka Ohomorihi ọnịnị Anisirẹrị ộ vavọọ mẹ̀ ẹ nị.

Ayịsaya 5:12

Ịzị ẹ yà ee hú eche dị ẹ yaa mẹrị vị ẹnẹ ẹ kụ́ ọkangga irenyi-irenyi ọnịrị okokoro hi. Ịjị ẹ maanị sị ngụ ịnị ẹsẹnị aa mẹ, ẹnịnị ẹ yị yẹ ịsa Ẹnẹyịmavara aa mẹ, ẹ yị nyị ịzị ịsa ẹnẹ Ẹnẹyịmavara aa mẹ gẹ wa.

Ezikẹẹrị 12:3

Ọ kà, ozi-ọza, booro aanị, ọnị ọ̀ sụ́ ẹnya anị anka ọza ana a dụ hụrị ẹkụra avọọ, dị ọnị ọọ na ọọdụ ọnị ọ̀ jẹẹ dị avaba aza ẹ̀ re ọnị mẹ kụ̀ra dị ọnị aa nọ aha ọsa. Ẹyịyara aza ẹnẹnị anaā kụ̀ụ hịrẹ ọza aanị vaa yẹ ịsị aa na.

Ezikẹẹrị 18:28

Ka ộ zama ẹhẹ anị re, dị ọ và hụụnị ebira ọnị ọnị aa mẹ, ịzẹyịza, ọ vaa yara. É yị vee sú.

Ịhagayị 1:5

Agụvị avọọ, Ẹnẹyịmavara Ochẹtẹẹngụ kà yị wa ka è ro ịrẹyị ẹngụ ẹnịnị.

Ịhagayị 2:15

Agụvị avọọ ẹnịnị e ro o ịsị ẹ vaa mẹ dị ẹ vaa sị ịrẹta ọnya tụra ọsa ka ẹnị aa da irehi Ẹnẹyịmavara.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 20:21

Dị Ijeesu rẹ kụ́ wa ka, “Ẹngwọọrọ ọ̀ vị awụ nịnị!” Dị ọ ka, “Áda amị mẹ̀ tụ́ mị vẹ ẹhẹ, avọọ ẹ́mị mẹ̀ rẹ tụ́ ẹwụ nịnị aa nọ ẹhẹ nị.”

Ịjọọnụ 20:27

Dị Ijeesu kà a yị Ịtọmọsị ka, “Sị igege awụ tụ́ ịzẹnị, di u we re ụvọ amị! Rẹ tana ụvọ awụ, dị ụ wa sị tụ́ ịnị akaha amị! Asị ụ rẹ̀ kụkụ mẹ ayị ẹẹva, waa dọ ọ wụ́!”

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Aniroomi 11:17

 dà ẹnyị ịnị avọ oromi obooro. Ẹwụ nịnị ẹnẹ ẹ̀ yị vị Aniju vị ana sị mẹẹ anka avọ oromi ịnị avị avọọ.  sị wụ́ chire oromi obooro ọnọọ. Dụ ụ kụkụ aa rị ịsọyịrị ozoza ẹnẹ ẹpa oromi obooro aa sịị vẹ.

Aniroomi 15:27

Ẹnị ụvọta ẹ sị ayị sị ọọ ka ẹnị aa mẹẹ nị. Ịzẹyịza â vọrọ ka ẹ̀ vavọọ mẹẹ yị wa. Aniju nịnị ẹnịrị Anigiriki èe dudu gà ịsa Ohomorihi; a rẹ vọrọ ka aza ẹnẹ ẹ̀yị vị Aniju, ẹnịrị Aniju ẹnị ẹ̀ rẹ gà ịsa ẹhẹ ọnọnị.

Aniroomi 15:8

Mâ kà a wụ nịnị ka Ikirisiti ọ va gụ Aniju nịnị ụvọ, agụvị dị ọ̀ zụ sị zụ̀ ka Ohomorihi vị ọnịzẹyịza. Ayị zụ nyị ka ọyị vaa mẹ̀ ịsa ọnọọ kà a yị ohiku Aniju nịnị ka ọnị vaa mẹ.

Aniroomi 9:24

Mị ka ẹyị ọnọọ hị́, ayị vị hụụnị Aniju nịnị kẹnẹ, ama hụụnị Anigiriki nịnị bẹẹ.

1 Anịkọrịntị 1:2

anịragụ Ohomorihi ana yà ẹkụra Ịkọrịntị, ẹwụ nịnị oni Ohomorihi hị́ ka ẹ̀ vị aza ọnịnị anị, ini oze ka ẹnịrị Ijeesu Ikirisiti ọ sị vị ọnya, ne beri avaba aza avaba aha ana aa hị́ ịrẹha Ijeesu Ananyị yị, ọza ana nyị ẹyịrị wa.

1 Anịkọrịntị 10:17

Ẹyị aa rụrụ, ama Ịbụrẹẹdị ọnị yaa rị vị ọnya. Ọnọọ ộ sị zụ̀ ka ọnya ị vị nị.

1 Anịkọrịntị 9:23

Avaba ịsa ẹnẹẹ vị ọnị maa mẹ̀ agụvị enube ọyịza, dị ma zụ nyị tụ́ ịnị ịsa ọyịza ene enube ọyịzaā sịị yị ọza.

2 Anịkọrịntị 1:7

Yẹ yị jị wụ nịnị ịrẹka vụrụ-vụrụ. Yâ yẹ ka ụ mẹ nyị tụ́ ịnị ụya ọnị yaa rị nịnị, avọọ ụ mẹ rẹ vaa nyịị tụ́ ịnị ayị ayị ene vee hunẹnẹ nịnị nị.

2 Anịkọrịntị 9:13

Ịsa ẹnẹ ẹyịza ọnị ụ mẹ nịnị sị tụ́ ẹhẹ, vaa mẹ ka aza ẹ̀ẹ sị igirimaa yị Ohomorihi, agụvị ka wáa nyị ịzẹyịza tụ́ ini enube ọyịza Ikirisiti ọnị ụ ka wâ dọ nịnị, ọnịrị ka wẹ yị sị ụvọ kú oku nịnị, ẹwụrị wa ne beri avaba aza ana vọ aa gà ịsa ọnị ụ nyị nịnị.

Anẹhwẹsọsị 3:6

Ịrẹyị ọnọọ yị: ka Anigiriki, ẹnịrị Aniju vee duduu nyị tụ́ ịnị ịsa oni Ohomorihi sị kà ka ọnị vaa sịị yị aza anị ẹnẹ ẹnịrị Ijeesu Ikirisiti sị vị ọnya. Ini oze enube ọyịza, Aniju ọnịrị Anigiriki kụkụ sị vị ọnya nị.

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Anẹhwẹsọsị 4:4

Wa sị vị ọnya nịnị, anka ẹ́ngụ ọza mẹ̀ vị ọnya avọọ. Ụhwẹ Ọnịnị rẹ vị ọnya. Avọọ ị́sa oni Ohomorihi hị́ wụ nịnị ka wa vaa tụra eyi anị ọnị mẹ̀ rẹ vị ọnya nị.

Anihwiripi 3:14

Mị vụrị aa yịị kà a tụ́ ọvịdị ne tù ọzarẹyịrẹsụ, agụvị dị ma zụ dọ ọgụ ọnọọ, oni Ohomorihi hụ agụvị anị hị́ mị ini Ikirisiti; ọnị ọ vị ka ma na ra ẹbẹẹba nị.

Anikorasi 1:12

dị ụ waa kụ́ Ohomorihi Ada ayị avọ nịnị. Ọnị ọ mẹ wụ nịnị vọrọ ka wa zụ nyị tụ́ ịnị ẹyịza ọnị ọ sị tẹ yị aza anị ịdị anị ịzị ẹtohweyi ya nị.

Anikorasi 1:22

Ama ọyaanị, ini oze isu oni Ozi anị sú, Ohomorihi ọ sị wụ nịnị vara ọta anị. Ô sú, agụvị ọ̀ zụ sị wụ nịnị nọ ịdị Ohomorihi, dị ụ wa vị ọnịnị nịnị, dị asị ụ nyị ohuvọ, dị asị ụ rẹ nyị ịvị nịnị vụrụ-vụrụ.

Anikorasi 3:12

Ohomorihi ọ sị wụ nịnị nyị mẹ aza anị; óo sì ịrẹyị awụ nịnị. Agụvị avọọ waa mẹ̀ ebira ana vọrọ tụra ọza Ohomorihi nịnị! Wee roo yị ẹngụ, dị waa ngụ ayị ẹngụ nịnị. Kà ẹngụ awụ nịnị chí, nyị ebira hẹẹ ọnịrị ayọnẹtẹ nịnị.

1 Anịtẹsaronika 2:12

ka waa zị ụsẹ ana vọrọ tụra aza Ohomorihi nịnị. Ọnị ọ hị́ wụ nịnị ka wa va nyị tụ́ ịzị ọnị yà aa mẹ ịjọva ọnịrị ụbanyị anị nị.

1 Anịtẹsaronika 5:27

Maa sị ụkata Ohomorihi hú nịnị ụvọ ka wa kà iwe ọnọnị yị avaba anda ayị nịnị.

2 Anịtẹsaronika 1:11

Agụvị avọọ ị sịị̄ mẹ̀ aduwaa wụ nịnị pooro nị. Yaa dá ịpẹ ka Ohomorihi ọ̀ navọ wa vọrọ tụra ịsa ọnị ọ hị́ wụ nịnị ka wa mẹ: ọ̀ navọ ọ̀ sị ụkata anị mẹ ka waa mẹ̀ ebira ọyịza, anka u mè sì ọ nịnị, dị ụ wa zụ mẹ̀ ụkọrọ ẹdọwụ awụ nịnị ne tù ẹtẹ.

2 Anịtẹsaronika 2:14

Ịsa oni Ohomorihi hị́ wụ nịnị tụ́ ịnị anị, ọ vị ọnọọ nị. Ộ hị́ wụ nịnị ini oze enube ọyịza ọnị ị kà wụ nịnị, dị ụ wa va nyị tụ́ ịnị ụbanyị Ijeesu Ikirisiti Ananyị yị.

1 Itimoti 6:12

Re ka waa vụ̀ ịrẹvụ ẹdọwụ! Re re ka ụvọ awụ óo kú ka wa yàra ị́da Ohomorihi pooro zịna-zịna! Agụvị avọọ Óhomorihi hị́ wụ nị. Wáa sị irenu dọ ka wáa sị ayị tụra Ijeesu éyi aza ọrụrụ-ọrụrụ.

1 Itimoti 6:2

Ezi ahụ ana àa nyị ọga ana vị ọdọwụ, asị ẹ sị eyi oweyi ree, agụvị ka ọ́ọ mẹhị vị ẹnẹbẹnị ẹnịnị. Vị a vọrọ ka ẹ̀ hyakụụ mẹ ụkọrọọ yị waa hu avọọ nị, agụvị ka aza ana aa rị ọgụ ụkọrọ ẹnịnị vị ọdọwụ ene e sì ịrẹyị anị. Waa sị ịsa ẹnẹnịị zụ̀ aza, di u we sii pe waa juwe!

2 Itimoti 1:9

Ohomorihi ọ dọ yị ha, dị ọ hị́ yị ka yaa mẹ̀ ebira ọnịnị nị. Ẹ́ yị vị agụvị ịsị ị mẹ ọ vavọọ sị mẹ; ama agụvị ayamva anị kẹnẹ ọnịrị agụvị eto ọnị ọ vịdị sị mẹ yọ nị. Ini oze Ikirisiti ọ vavọọ sị vayị ayị hụrị ụmọrụmọ dị a va yẹ ka aa mẹ ẹhẹ nị.

2 Itimoti 2:7

Wee ro ịrẹyị ọnị maa kà aanị! Ananyị yị vaa mẹ ka wa zụ yẹ avaba ịsa ẹnẹnị.

Anihiburu 10:19

Ẹwụ nịnị ẹyịnyara amị, ini oze anya oni Ijeesu che sẹ́ ẹtẹ o mè sú, yáa nyị ọtụtụrụma ọyịna ngụ aha ọnịnị keekere ịzị Ohomorihi yà.

Anihiburu 10:21

Yáa nyị ohirẹsụ ọbanyị irehi Ohomorihi ọnya ana sị eyi pe aneehi Ohomorihi.

Anihiburu 10:23

À vẹ ya jẹẹ geri-geri, dị ya sị ụvọ za ịsa ọnị ị ka yáa dọ wụ́! Ohomorihi ana zẹẹ yị ịzẹzẹ, a zụ sị ayị tụra a.

Anihiburu 13:22

Ẹwụ nịnị ẹyịnyara amị, aarịhịnị sị ụtọ pe ịrẹyị ọnị mị sị pe wu nịnị juwe aanị ẹtẹẹtẹrẹ! Iwe ọnị mị chẹrẹ tụ́ hi wu nịnị ọ yị gọdọ.

Anihiburu 2:11

Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

Anihiburu 6:20

Ijeesu ọ raà dọ ọvịdị na ngụ ịzọọ agụvị ayị, agụvị ka ọ sị vara ohirẹsụ ọbanyị irehi Ohomorihi pooro zịna-zịna anka Imerikizẹdẹkị.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Anihiburu 7:28

Ọda Imosiisi ộ nyị aza ẹnẹ ẹ̀ yị gụ ka ẹ vị ohirẹsụ ọbanyị irehi Ohomorihi. Ama oto oni Ohomorihi wo, ọ tụra ọda vẹ nị. Ọnị ọ nyị Ozi Ohomorihi ana a mẹ ka ọ gụ pooro zịna-zịna nị.

Anihiburu 9:11

Ama Ikirisiti ọ zị vẹ booro aanị. Ọnị ọ vị ohirẹsụ ọbanyị irehi Ohomorihi ana aa sị ịsa ozozaa vẹ nị. Ọnị ộ mẹ̀ ụkọrọ anị ịnị ajẹngụ ana banyị hu, di o re zoza hu. Ẹ yị vị aza ẹ mẹ ịzọọ, ọ yị hyakụ yà ịnị ẹhẹ ọnọnị.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

1Ipita 3:5

Ịsị anyẹnẹẹ ọnịnị ịyẹẹyẹ ana tụra Ohomorihi eyi sị mẹ ẹngụ ẹnịnị ọvị, ọ vị ọnọọ nị. Ẹnịnị ệ ka ịrẹsụ hi yị ọva ẹnịnị.

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

1 Ịjọọnụ 1:3

Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!