Anihiburu 2:8 - IWE ỌNỊNỊ

⁸ Wa rẹ mẹẹ ka ọ̀ọ mẹ ohinọyịị tụ́ ịrẹsụ avaba ịsa.” Ọ mẹ̀ sị ọọ mẹ ohinọyị avaba ịsa, ọnị ọ vị ka ẹ́ yị nyị ịsa ana vọ ọnị ọ̀yị sị ọọ mẹ ohinọyị anị. Ama yeè yi ve re ka aa mẹ ohinọyịị tụ́ ịrẹsụ avaba ịsa booro aanị.

Anihiburu 2:8 ပူးပေါင်းရင်းမြစ်များ

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ahẹ Ụgama 8:6

Wâ sị ọza mẹ ohinọyị tụ́ ịrẹsụ avaba ụkọrọ ụvọ awụ; ịnị avaba ịsa ọnị ụ mẹ, ọza ọ vi ohinọyị nị.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

1 Anịkọrịntị 15:27

 chẹrẹ ẹ ka: Ohomorihi ọ raà kụ́ avaba ịsa tụ́ ịzị aa kụ́ ahụụ hi. Ịjị ọ kà a ka ộ kụ́ avaba ịsa tụ́ ịzị aa kụ́ ahụụ hi, ọnọọ ộ sị zụ ka Ohomorihi ọ yị yà ịnị anị, agụvị ka ọnị ọ kụ́ avaba ịsa hi ịzị Ohinọyị ọnị Ọ nyị ka ọ̀ dọ yị há aa kụ́ ahụụ hi nị.

Anihiburu 1:13

Ohomorihi ọọ̀ yị kà a yị anggẹẹrị ọnyọọnyị da ka, “Yaayịtẹ éyi ụvọrị amị, pooro dị ma sị ọnịvị awụ tụ́ ịzị ụ waa kụ́ ahụụ hi!”

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

Anihiburu 2:5

Ẹhẹ ana aa vẹ ọnị yaa kà aanị, ẹ́ yị vị anggẹẹrị nịnị Óhomorihi si chire ụvọ.

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.