Anihiburu 2:14 - IWE ỌNỊNỊ

¹⁴ Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

Anihiburu 2:14 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ayịsaya 25:8

Ọ mā vana zẹẹ ka ọza ò sú paa Ẹnẹyịmavara ana vi ohinọyị ọ yị kụkụ vaa zẹẹ ka ọza ò re ịrẹyị orere. Ọ yị rẹ kụkụ vaa zẹẹ ka ụhị ọ̀ vana nyị aza anị ịnị ẹhẹ. Ẹnẹyịmavara kà ọnị ọ kà avọọ nị.

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 12:24

Ịzẹyịza m maa kà a wụ nị, ẹ̀ yị vị a sị ihu akụ ikonya chire ẹtẹ, dị ọ vụ̀, dị ọ chị, ọnịnya aa yịị vị nị. Ama ọ̀ọ sị vụ̀, dị ọ sị chị nị, dị ọ vaa nyị ihu ọrụrụ.

Aniroomi 14:9

Ikirisiti ô sú, dị ọ rẹ ha kwẹẹtẹ hụụnị isu nị, agụvị avaba aza ẹ̀ zụụ hị́ ọọ Ananyị yị, ẹ̀ẹ vị anẹhẹ, ẹ̀ẹ vị aneku.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

1 Anịkọrịntị 1:28

Ohomorihi ọ́ọ nyị ịsị anẹhẹ ro ka ịsa kẹnẹ-kẹnẹ ọ vị, dị aza aa sị eyii wụ ọọ ọnịrị ịsị aza ro ka ẹ yị nyị ịsị ẹ vị ka ọnị ò si du ịsị aza ro ka ọ́ọ vị ịsa obooro ha.

1 Anịkọrịntị 15:50

Ẹwụ nịnị ẹyịnyara amị ịsị maa kà yị ka, ọzarẹyịrẹsụ kẹnẹ ọ yị zụ ngụ ịzị Ohomorihi yà aa mẹ ịjọva. Ịsa eneē du, ọ yị zụ nyị ịsa ene è yi me du pooro zịna-zịna.

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Anikorasi 2:15

Ị́rẹsụ apavahị ọnọọ, Ikirisiti ọ raà nyị ehuna avaba ụhwẹ echu nịnị ana nyị ụkata, dị ọ dọ wa ẹnya ịrẹkụ, dị ọ mẹ̀ ụhị nyị wa éyi avaba aza nị.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

2 Itimoti 1:10

Ijeesu Ikirisiti Ọdọzaha ayị mẹ̀ vavẹ ẹhẹ aanị, Ohomorihi ọ raà mẹ ka aza è ree. Ijeesu ọ va raà kụ́ ụkata isu kwooze; ọ raà mẹ ka aza ẹ̀ kụkụ yára pooro dị asị e kuku sú. Ini oze enube ọyịza ị ya yẹ ọsọnị nị.

Anihiburu 10:10

Ijeesu Ikirisiti ộ mẹ̀ ịsa oni Ohomorihi sì ka ọ̀ mẹ. Ọ raà vara yị aza anị ọnịnị ini oze ịsọvọ ọnị ọ sị ẹngụ anị mẹ ụpẹ ọnya gene-gene.

Anihiburu 10:5

Agụvị avọọ Íkirisiti màa vaa vẹ ẹhẹ, ọ́ọ kà a yị Ohomorihi ka, “Wẹ yị sì ịsọvọ ọnịrị ẹyịza, ama wa raà mẹ ka ma nyị ọchẹngụ dị ma sị mẹ̀ ịsọvọ.”

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 2:18

Ộ rị ụya, a mẹ̀ zama a re; agụvị avọọ aza ana àaa zama a re, ọ zụ gụ wa ụvọ.

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

1Ipita 1:20

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ mẹ eto tịtẹ ka Ikirisiti vavọọ vaa mẹ nị. Dị ọ sị Ijeesu zụ̀ gedebee agụvị awụ nịnị ịnị ụmẹ ọdịrẹma ọnọnị, ẹnẹ ẹhẹ aa vaa ta aanị nị.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 20:2

Dị ọ za uye odivi, ana vị ẹwụ ịyẹẹyẹ ọnọọ ana vị Echu ọnịrị Isitani, dị ọ za a, dị ọ sụ́ ọọ tịtẹ mẹ ịrayị akahị (1,000) nị.