Anihiburu 13:9 - IWE ỌNỊNỊ

⁹ Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

Anihiburu 13:9 ပူးပေါင်းရင်းမြစ်များ

Ahẹ Ụgama 112:8

Ayị anị vị ana jẹ geri-geri angwa o yi hị́ ọ, Ọnị o vee hú ọnịvị anị ẹtẹ ọdịrẹma nị.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 24:4

Dị Ijeesu tụ́ ohi, dị ọ ka, “Si eyi pe ẹngụ awụ nịnị, oo! Asị ụ zẹẹ ka à sị wụ nịnị nyeeyi!

Iruuku 5:38

Agụvị avọọ â vọrọ ka à sị eyi-eche tụ́ ini okoko ọkatẹngụ.

Odeyi 20:30

Ụmẹ aa vẹ, dị aza kwẹẹtẹ hụụnị ẹngụ awụ nịnị, di eyee cheeche, ka ẹnị ẹ̀ kụ́ ezirẹma nịnị nyeeyi saasa ẹngụ ẹnịnị.

Odeyi 20:32

“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Aniroomi 14:2

Aza ẹnyị ệ dọ wụ́ ka ẹ yị nyị ịsị ẹnị ẹ̀ yị zụ rị. Ama aza ẹnyị ẹnẹ ẹdọwụ anị ọ̀ yị katẹngụ, ệ dọ ka avị kẹnẹ a vọrọ ka ẹnị ẹ̀ẹ rị nị.

Aniroomi 14:6

Ọza ana àa sị ẹkụhị ẹnyị tụ́ irenyi, agụvị Ananyị yị ọ vavọọ aa sịị mẹẹ nị nị. Ọza ana ka ọnịị̄ rị avaba ịsa, Ananyị yị ọ́nị rẹ vavọọ aa mẹẹ yị nị, agụvị ka àaa rị ọọ, ọ vaa kụ́ Ohomorihi avọ. Ọza ana ka ọnị ọ mā rị avaba ịsa, Ananyị yị ọ́nị rẹ vavọọ aa mẹẹ yị nị; ọnị va na raa kụ́ Ohomorihi avọ.

1 Anịkọrịntị 6:13

Aza ẹnyị ẹ zụ aa kà a ka: Áa mẹ̀ ịsọyịrị yị izinẹ, dị a rẹ mẹ izinẹ yị ịsọyịrị nị. Ịzẹyịza ọnọọ vị nị Ama Ohomorihi vaa mẹ ka ịsọyịrị ọnịrị izinẹ ẹ̀ ta. Ohomorihi ọ yị mẹ ọchẹngụ ọza yị ọza ka ọ̀ sịị sẹ̀ ịrẹkaa zị. Ama Ohomorihi vị ana mẹ ẹngụ ọza yị ọza ka ọ sịị hẹkẹ ọnị, dị Ananyị yị ọnị raa tẹsị ẹngụ ọza nị.

1 Anịkọrịntị 8:8

Yâ yẹ ka ịsọyịrị ọ yị zụ mẹ ka ye zé Ohomorihi eyi. Yâ ka, yẹ yị rị ịsa ẹnẹẹ, o yi divi. Yâ rẹ ka yaa rị, ọ yị sị yị dahi hu avọọ.

2 Anịkọrịntị 1:21

Ohomorihi ọ mẹ ka ẹyịrị ẹwụ nịnị ọ̀ jẹẹ geri-geri, dị ẹyịrị Ikirisiti sị vị ọnya nị. Ohomorihi ọ rẹ sị yị tụ́ irenyi yị ẹngụ anị nị.

Anigaratiya 6:1

Ẹwụ nịnị ẹyịnyara amị, àa nyị ọza ana a za ka aa mẹ ịvị, ẹwụ nịnị ana aa mẹ ịsị Ohomorihi sì, ọ̀ tangwa sị ịrẹsụ ọkahi vọrọ ọza ọnọọ zị oze! Dụ wa sị eyi pe ẹngụ awụ, dị asị ụ zẹẹ ka ẹwụ ụvọta ọ̀ hụrẹ ne ngụ ịnị ọyịzamare!

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

Anikorasi 2:4

Maa kà ịsa ẹnẹnịị wụ nịnị, agụvị asị ụ na zẹẹ ka ọza ọ̀ sị ireche ohine vene wu nịnị.

2 Anịtẹsaronika 2:17

Ẹnịnị ẹ̀ navọ ẹ̀ sị ayị awụ nịnị hunẹnẹ, dị ẹ̀ mẹ ka wa nyị ọtụtụrụma, dị ụ wa zụụ mẹ̀ ebira ozoza, dị ụ wa rẹ zụụ kà ịrẹyị ene zoza nịnị pooro!

2 Anịtẹsaronika 2:2

asị ụ na zẹẹ ka ayị awụ nịnị ọ̀ wụsẹ vazi. Asị ụ rẹ zẹẹ ka angwa ò hí wu nịnị, agụvị ka aza aa kà a ka ẹkụhị Ananyị yị o si tu. Aza ẹnyị ẹ zụ kà a ka vị ẹnị vavọọ re ẹtẹ nị. Ọ zụ hwọọ a hị́ ka vị aza ẹnyị aa kà a ka Ohomorihi ọ vavọọ kà a yị ẹnị nị. Aza ẹnyị ẹ rẹ zụ kà a ka ẹyị hyakụ chẹrẹ ẹ tụ́ ini iwe vẹ nị.

1 Itimoti 6:20

Itimoti, re ka ịsị e si chire wu ụvọ, wáa sị eyi pee! Hụụnị ịrẹka ana ahịka ẹ yị nyị ịsị ẹ kụ́ ọnịrị Ohomorihi gẹ, ọnịrị ahankata ụra ana aza ẹnyị ee nyeeyii hị́ “ịrẹyọyẹ”.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Ijudi 1:12

Wàa kụ gụ aa rị ịsa ịnị oze ana sị zụ ka wee sì ịrẹyị ẹngụ nịnị, ịdọtị ẹ vị tụ́ ịnị akakana awụ nịnị nị. Sị ẹ vẹ? Agụvị ka ẹnịnị vị anaā rị ịsa anka ọza ọnị ụhị ọ̀yị ma nyị avọọ. Ẹngụ ẹnịnị kẹnẹ ee ro ịrẹyị anị nị. Ẹnịnị vị ana sị mẹẹ anka eguhi ana ahị aa kụ́ụ zịịzị, oni orihi anị ọ̀ yị mā zụ̀. Ịrẹyị ẹnịnị vị osusu anka ọchị ene wusu hụrị ụmọrụmọ, di e si o hu ne ta, dị ọ̀ yị kụkụ zụ tụ́ ẹtụtụ ịnị ụmẹ anị.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.