Anihiburu 13:8 - IWE ỌNỊNỊ

⁸ Ijeesu Ikirisiti yị vị ọnyọọnya ẹẹrị ọnịrị ajịnị ne beri pooro zịna-zịna.

Anihiburu 13:8 ပူးပေါင်းရင်းမြစ်များ

Oyinyima 21:33

Di Abụrahamị chire ọchị ana aā hị́ Ịtamasiki tụ́ Ịbẹẹsẹba nị. Dị ọ yà ịzọọ mẹ̀ aduwa yị Ẹnẹyịmavara, Ohomorihi ana yà ịzọọ pooro zịna-zịna nị.

Ahẹ Ụgama 103:17

Ama Ẹnẹyịmavara vi eneē sì ịrẹyị aza eneē hí angwa anị pooro zịna-zịna. Ịsa ana vọrọ ọọ̄ mẹ yị ezi ẹnịnị ịrẹma-ịrẹma nị.

Ahẹ Ụgama 90:2

Dị ụ va yẹ ka ụụ mẹ ataba nịnị ne beri eteesu ọnịrị ẹhẹ hụrẹ ụmọrụmọ ẹwụ vị vị Ohomorihi nị.

Ahẹ Ụgama 90:4

Ịrayị akahị ini eyi awụ vị ana sị mẹẹ ẹkụhị ọnya avọọ, mị ka vị ọ sị mẹẹ anka ẹẹrị nị.

Ọyịkụra 3:14

Di Ohomorihi kà a yi Imosiisi dị ọ ka Ọnị ọ rị Ẹmị ana vị Ẹmị Di Ohomorihi rẹ kà a yọ dị ọ ka: Ọ̀ kà a yị Anisirẹrị ka Ẹma vị Ẹmị ọ tụ́ ọ vẹ nị.

Ayịsaya 41:4

Ẹnẹ maanị mẹ̀ ẹ? Ẹnẹ nyị ọda tụ ịrẹsụ avaba ịsa anaā mẹ̀ ịnị ẹhẹ? Ẹnẹyịmavara ka Ọnị ana ya ịzọọ hụụnị oyinyima, ana rẹ vaa ya ịzọọ pooro na ngụ ẹhị yọ nị.

Ayịsaya 44:6

Ẹnẹyịmavara, Ohinọyị Ísirẹrị ana dọ wa ha, Ẹnẹyịmavara Ochẹtẹẹngụ ka: Ẹma vị ọnịpaapa nị, ẹma rẹ vị ọdịrẹma nị. Ẹmị ịnya ọ vị Ohomorihi nị. Ịrẹma amị, ẹ yị nyị Ohomorihi ọsa.

Ịmarakayị 3:6

Ohomorihi kà ọnị ọ vị Ẹnẹyịmavara nị. Agụvị avọọ, ezi Ijekọvụ e yi ve vú ẹtẹ nị.

2 Anịkọrịntị 1:19

Ijeesu Ikirisiti ana vị Ozi Ohomorihi ẹnẹ ẹmịrị Isirivanọsị beri Itimoti kà ịrẹyị anịị wụ nịnị, ayị vị ọza hịịn eyiye ọ vị. Ọ̀ọ kà a ka “hịịn”, “hịịn” ọ vị nị.

2 Anịkọrịntị 1:20

Agụvị avọọ avaba ịsa oni Ohomorihi kà a ka ayị zụ nyị ka ọnị ọyị vaa mẹ, Ijeesu ọ vị hịịn tụ́ ịnị ịsa ẹnẹẹ nị. Agụvị avọọ ịị̄ kà a ka “Aamị” ini oze anị nị, dị yaa sị ụbanyịị yị Ohomorihi.

Anihiburu 1:12

dị ụ kara wa anka ịta, dị ụ vara wa anka ịta avọọ. Ama ẹwụ mẹ̀ yà, ụ waa yịị yà nị, we yi vee sú pooro zịna-zịna!”

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ijudi 1:25

Yáa kụ́ Ohomorihi avọ; ọnya ọ́ vị nị. Ọnị ọ dọ yị há ini oze Ijeesu Ikirisiti Ananyị yị, ọnị ọ nyị igirima nị, dị ọ nyị ụbanyị nị, ọnị ọ rẹ vị ohinọyị nị, dị ọ rẹ nyị ụkata nị. Avọọ ọ mẹ̀ yị yà hụrẹ ụmọrụmọ dị a va mẹ ẹhẹ nị. Avọọ ọ mẹ yị yà nị. Avọọ ọ mẹ̀ rẹ vaa yà pooro zịna-zịna nị. Aamị.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.

Ẹtore 1:8

Ohomorihi Ananyị yị Ochẹtẹngụ, ọnị ọ yà ịzọọ hụrẹ ụmọrụmọ dị a va yẹ aa mẹ ẹhẹ nị. Ọnị ọ yị yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị. Ọ kà, Ọnị ọ vị ọnịpaapa ọnịrị ọdịrẹma nị.