Anihiburu 13:4 - IWE ỌNỊNỊ

⁴ Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

Anihiburu 13:4 ပူးပေါင်းရင်းမြစ်များ

Oyinyima 2:21

Ẹnẹyịmavara Ohomorihi ộ mẹ̀ ka ara ụ̀tọ̀ ọ̀ dọ ọnọrụ ọnọọ nị. Ịjị aa sụ ara, dị ọ sị ẹchụkụ agịga anị ọnya, dị ọ sị uye kú ịzọọ nị.

Oyinyima 2:24

Agụvị avọọ ọnọrụụ̄ sịị navọ ada anị ọnịrị ọnyị anị, dị ọnịrị ose anị vabẹ, dị ẹ kụkụ sị vị ọnya nị.

2 Ohinọyị 22:14

Ihirikaya, Ahikami, Akibọ, Ịsahwanị, ọnịrị Asaya ọnị ohinọyị tụ́ ụtụ ene tụ́ ọnẹẹ ọnịsẹ ọnya aanị ana a hị́ Ihurida ana ra aha ọwọọwa Ijerusarẹmị. Ẹnịnị e juwe yọ ịsị ẹ mẹ. Ọva ọnẹẹ ọnọọ ọ rị Isarumi ana vị ozi Itikiva, ozi Iharihasi. Ọnị ọ vị ọza ene si eyi pe awuru ene hi ini irehi Ohomorihi.

Ijoovu 31:12

Ọ vavọọ ya, Ohomorihi ọ vu ọnị ẹtẹ, dị ịsa ịnị aarẹ anị ọ rị ịra va ha.

Ayịsaya 8:3

Ụmẹ ọnya di ose emi ee zyẹẹ nị. Ộ ma ozi ọnọrụ ọnya, dị Ẹnẹyịmavara kà, “Ịrẹha anị ọ rị Ịmahẹrị-Ịsararị-Ịhasị-Ịbazị nị.

Ireevi 15:18

Ọnọrụ ọnịrị ọnyẹnẹẹ ẹ̀ẹ sụ, enyi jịnẹ hụụnị ẹngụ ẹnịnị nị, ẹnị ẹyịva vaa hụ enyi. Ẹnịnị ẹ́ yị vaa nị pooro dị oruva ịhị ọnọọ ò tu.

Ireevi 18:20

Ẹnẹyịmavara kà Imosiisi ọ̀ kà a yị wa ka, a sị ẹ na sị ose ọza ẹnẹsa ka e ve du ẹngụ ẹnịnị ẹngụ.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

1 Anịkọrịntị 5:13

Aza ẹnẹ ẹ̀ yị dọ wụ́, Ohomorihi ọ vaa mẹ̀ ọkarẹyị ẹnịnị nị. Agụvị avọọ dụ ẹngụ ọza odivi ọnọọ hụụnị akakana awụ nịnị.

1 Anịkọrịntị 6:18

Hụụnị ịrẹkọyịsẹ nịnị! Avaba ịvị ana vọ ọnị ọzaā mẹ, o mē si du ẹngụ anị ẹngụ. Ama ọza ana sẹ̀ ịrẹka, vị ana mẹ ịvị ọnọọ hi ẹngụ anị ụvọta.

1 Anịkọrịntị 6:9

Máa yẹ ka wáa yẹ nịnị kaakara ka ọza ẹnẹ ẹ̀ yị nyị ịzẹyịza, ọ yị vaa ngụ ịzị Ohomorihi yà aa mẹ ịjọva. Asị ụ vene ẹngụ awụ nịnị oo! Ọmụnọ nịnị ọnịrị aza ana aa hẹkẹ ori, beri ọsẹrẹka nịnị ọnịrị ọnọrụ nịnị anaā nọ ịdị ọnọrụ ọsa anka ọnẹẹ avọọ,

1 Anịkọrịntị 7:38

Ọza ana nyị ọnẹẹ anị, ọ́ọ mẹ̀ ẹ ẹtẹẹrẹ. Ọza ẹnẹ ẹ̀ yị nyị aanị, ọ́ọ mẹ̀ ẹ ẹtẹẹrẹ hu nị.

1 Anịkọrịntị 9:5

Ẹ yị nyị ịsa ana za mị ka asị mị nyị ọnẹẹ ana dọ wụ́, dị ọ̀ọ saasa mịị zị. Avọọ Ézirẹma Ijeesu ana vọ ọnịrị ẹyịnyara Ananyị yị beri Ipita mẹ̀ mẹ nị.

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

Anigaratiya 5:19

Ịsa anaā hụụnị ariro ọza vẹ, ẹyị tẹ, ẹnị yị: ẹnị ẹẹ̄ mẹ ka aza ẹ̀ẹ sẹ̀ ịrẹka dị ẹyaa mẹ ụnọ, dị ẹ rẹ yaa mẹ̀ ebira ịdọtị, dị ẹyaa mẹ̀ ebira kẹnẹ-kẹnẹ;

Anigaratiya 5:21

dị ẹyaa kụ̀ ụhị, dị eyee hú eche dị aa mẹrị wa; dị ẹ rẹ yaa rị eche pooro kẹnẹ; dị ẹ rẹ yaa mẹ ẹngụ ịsa ẹnẹẹ ana vọ. Maa kà a wụ nịnị booro aanị, anka m mẹ̀ rẹ vịdị kà a wụ nịnị, ka aza ana àa mẹ ẹngụ ịsa ẹnẹẹ, ẹyị va ngụ ịzị Ohomorihi yà aa mẹ ịjọva.

Anẹhwẹsọsị 5:5

Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị.

Iwe Ọhụhị Imosiisi ana aa hị́ Ọyịvatụrọda 22:22

Àa za ọnọrụ ka ộ sị ose ọza, ẹnị ẹyịva vị ana sị ịrẹta-ịrẹta wụ̀ agụvị a sị kụ ebira odivi hụrẹ ẹtẹ Isirẹrị.

1 Anịtẹsaronika 4:6

Asị a nyị ọza ana na mẹ ịvị, dị ọ̀ na rị ọdọwụ ọnọhụva anị ẹtẹ ahụ ịnị ịsọnyị-ịsọnyị! Ọza ana àa vavọọ mẹ, vị Ohomorihi Ananyị yị ee sí ọọ atọ nị. Yáa vịdị vavọọ sị ọọ kà wụ nịnị, dị ị kà wụ nịnị ọ̀nọ̀ nị.

1 Itimoti 3:12

Aza ana vị ọnọgụvọ ịnị ịragụ Ohomorihi vị ana a vọrọ ka ọ̀ nyị ọnẹẹ ikonya, dị ọ̀ rẹ zụ sị ụvọ za ezi ọnịrị aneehi anị ana vọ ẹtẹẹtẹrẹ.

1 Itimoti 3:2

Ama ẹ́ yị vọrọ ka ọdọvịdị ịragụ ọ̀ nyị ohuvọ pẹrẹ. Ọnẹẹ ikonya a rẹ vọrọ ka ọ̀ nyị nị. Áa vọrọ ka ọ̀ vị ọza ana zụ sị ụvọ za ẹngụ anị, dị ọ̀ rẹẹ mẹ̀ ebira ịrẹyọyẹ. Áa vọrọ ka ọdọvịdị ịragụ ọ̀ọ mẹ̀ ebira ana vọrọ, dị òo sì ọzọga, dị ọ̀ rẹ zụụ sị ịsaa zụ̀ aza.

1 Itimoti 3:4

Áa vọrọ ka ọdọvịdị ịragụ Ohomorihi ọ̀ zụ sị ụvọ za irehi anị ẹtẹẹtẹrẹ, dị ezi anị ẹ̀ẹ wụ́ ịrẹyị anị, dị ẹ̀ sị ụbanyị yọ ẹtẹẹtẹrẹ.

1 Itimoti 4:3

Dị ẹ ka ẹ yị vọrọ ka aza ẹ̀ẹ nyị ọnẹẹ, dị ẹ rẹ ka asa aza rẹ̀ rị ịsa ẹnyị. Ama Ohomorihi vị ana mẹ̀ ịsa ẹnẹẹ ka aza ana vị ọdọwụ dị ẹ rẹ yẹ ịzẹyịza, ẹ̀ sị ọọ, dị ẹ̀ kụ́ ọnị avọ tụ́ ọọ, dị ẹ̀ẹ rị ọọ.

1 Itimoti 5:14

Agụvị avọọ, mị yaanị sì ka ezweyi ana àa vị osoku, ẹ̀ na nyị ọnọrụ ọsa, dị ẹ̀ ma ozi, dị ẹ̀ sị eyi pe irehi ẹnịnị, agụvị asị ẹ sị oze yị ọnịvị ka ọ̀ọ kà ịrẹyị odivi.

Ịtayịtọsị 1:6

Ọza ana àaa vaa vị ọzọkụ ịragụ, ẹ́ yị vọrọ ka ọ̀ nyị ohuvọ vụrụ-vụrụ. Ọnẹẹ ikonya kẹnẹ a vọrọ ka ọ̀ nyị nị, dị ezi anị ẹ̀ vị ọdọwụ. Ẹ́ yị vọrọ ka aza è re ezi anị ka ẹyaa mẹ̀ ebira kẹnẹ-kẹnẹ, dị ẹ̀ rẹẹ mẹ akamawụ.

Anihiburu 12:16

Asị a rẹ nyị ọza ana na vị ọsẹrẹka ọnịrị ọza ẹnẹ ẹ̀ yị tẹsị ịrẹyị Ohomorihi anka Iisọ! Iisọ ọ́ọ hụ agụvị ịsọyịrị ụpẹ ọnya kẹnẹ ná ọzọkụ anị yị ọhụva anị.

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.