Anihiburu 13:3 - IWE ỌNỊNỊ

³ Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Anihiburu 13:3 ပူးပေါင်းရင်းမြစ်များ

Oyinyima 40:23

Ama ọga ọza anaā ká echee yị ohinọyị ọ rẹ vaa tamayị Ijosẹẹhụ, ayị Ijosẹẹhụ ô hi ọ.

Imatiwu 25:36

M mẹ̀ yà ịnị ahwaahụ, wâ sị ịta kú mi ẹngụ nịnị. Ẹ́ngụ mẹ̀ raa zị mị, wê sì mi ụkụ nịnị. M mẹ̀ yà ịnị ẹngwa, we re ve hee mi nịnị.’

Imatiwu 25:43

M mẹ̀ vị ọzọga vẹ, we yi sì mi ọzọga nịnị. M mẹ̀ yà ịnị ahwaahụ, wẹ yị sị ịta kú mi ẹngụ nịnị. Ẹngụ ộ zị mị, mâ yà ịnị ẹngwa, we yi hee mi nịnị.’

Odeyi 24:23

Dị ọ ka ọga isoja nịnị ẹchẹhị ọnya ò sị eyi pe Ịpọọrụ nị. Ọ kà ọ̀ sị oze yị Ịpọọrụ, dị ọ̀ rẹ navọ aza Ịpọọrụ ka è ve hee yi, dị ẹ̀ rẹ sị ịsa yọ.

Odeyi 27:3

Eyinẹhẹ anị, ya na sị ngụ Ịsịdọnị. Ijuriyọsị, ộ ngụ ayị Ịpọọrụ, dị ọ sị oze yọ ka ò ne hee ọta anị, dị ẹ̀ zụ sị ịsa yọ nị.

Aniroomi 12:15

Aza ana àaa jẹ, wee pe waa jẹ nịnị! Aza ana àaa raa jị òrèrè, we ree pe waa jị òrèrè nịnị.

1 Anịkọrịntị 12:26

Ọchẹngụ ọnya àaa rị ụya, avaba ana vọ e ree beri ọọ rị ụya nị. Àa sị ụbanyị yị ọnya, avaba ana vọ ee pee jẹ nị.

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Anikorasi 4:18

Ẹmị ụvọta aa chẹrẹ ọsọnị aanị nị: Wáá dahi nịnị? Tamayị ka ịnị ẹngwa mị yà ịzẹnị nị. Ohomorihi ọ̀ mẹ ọyịza wụ nịnị o.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

Anihiburu 11:37

Aza ẹnyị vị ana a sị ịrẹta wụ, aza ẹnyị vị ene e che hi ẹẹva, dị a rẹ sị ụ̀hwọ̀ wụ̀ aza ẹnyị nị. Aza ẹnẹẹ vị onosiye, dị ahịka ịtụmpaha atẹmẹ ọnịrị ẹ́ẹvụ éyee chiree zịịzị nị. Â sị ụya rị wa ẹnẹmẹhị.

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.