Anihiburu 13:2 - IWE ỌNỊNỊ

² Tamayị ka áa vọrọ ka wee sì ọzọga nịnị! Aza ẹnyị ệ vavọọ mẹ, e reè sì anggẹẹrị nịnị ọzọga, ẹ yị yẹ.

Anihiburu 13:2 ပူးပေါင်းရင်းမြစ်များ

Oyinyima 18:1

Ẹkụhị ọnya, ịnị ụmẹ ọọdụ gàaga, dị Abụrahamị yaayịtẹ enoze ajẹngụ anị iruvo ọchị Imamire nị. Ọ mẹ̀ vavọọ ya ịzọọ, dị Ẹnẹyịmavara rẹ sị ẹngụ zụ ọ nị.

Oyinyima 19:1

Ini oruva ịhị ọnọọ, dị anggẹẹrị ẹẹva ẹnẹẹ na sị ngụ Isodọmị nị Ịrọọtị ọnị vị ana yaayịtẹ ózee ana na ngụ ịnị ẹkụra. Ịrọọtị mè re wa, di o zwe na gẹrị wa, dị ọ tana tụra ẹtẹ kụ́ wa nị.

2 Ohinọyị 4:8

 nyị ẹkụra ọnya ana aā hị́ Isunemi. Ẹkụhị ọnya, di Erisa zị oze avọọ aa parahu nị.  nyị ọnẹẹ opisa ana ra ịzọọ, ana hị́ Erisa ka ọ̀ va rị ịsa, ịzẹyịza ụmẹ tụra ụmẹ ene Erisa ọ zị avọọ aà parahu, dị ộ há ịzọọ, dị ọ rị ịsa.

Ijoovu 31:19

Mèe re ọza anaa rị ụya, àa vị onosiye ẹnẹ ẹ̀ yị nyị ịta kú ẹngụ.

Ijoovu 31:32

Mịị̄ dọ azọga ka è ve chí ini eehi amị, mẹ ma dọ ka ẹnịnị ẹ̀ sụ̀ ụtọ oze.

Ayịsaya 58:7

Ẹnịnị ẹ da ịsa yị aza ọnị ụngwẹ aa kụ, dị ẹ sị irehi ẹnịnị yị onosiye ẹnẹ ẹ yị nyị irehi ka ẹ ra, dị ẹ sị achị yị aza ana tụ ahwaahụ, asị e yi ka ẹnị ẹ yị mẹ ọgụvọ yị anda ẹnịnị.

Ireevi 19:34

Ọ kà anẹkụra ọsa ana va ra pe wa vị ẹnẹ vaa sị eyi ozi ẹtẹẹ re. Ẹnịnị ẹ̀ sì ịrẹyị anẹkụra ọsa ẹnẹẹ anka e me sì ịrẹyị ẹngụ ẹnịnị; agụvị ka azọga ẹnị rẹ vịdị vị tụ ẹtẹ Ijipiti nị. Ọnị ọ vị Ẹnẹyịmavara, Ohomorihi ẹnịnị nị.

Imatiwu 25:35

Agụvị ka ụ́ngwẹ màa kụ̀ mị, wâ dà ịsa mị nịnị. Ónyi màa kụ̀ mị, wa rẹ sị enyi yị mị hú nịnị. M mẹ̀ vị ọzọga vẹ, wê sì mi ọzọga nịnị.

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Imatiwu 25:43

M mẹ̀ vị ọzọga vẹ, we yi sì mi ọzọga nịnị. M mẹ̀ yà ịnị ahwaahụ, wẹ yị sị ịta kú mi ẹngụ nịnị. Ẹngụ ộ zị mị, mâ yà ịnị ẹngwa, we yi hee mi nịnị.’

Odeyi 16:15

 mẹ̀ ọyịhwọzenyi yọ beri aneehi anị. Dị ọ dá ịpẹ ka ya vẹ ini eehi anị, yàa dọ ka ọnị ộ nyị ịzẹyịza hi Ananyị yị. Dị ọ dá ịpẹ yị ẹtẹẹtẹrẹ nị.

Aniroomi 12:13

Ẹwụrị aza Ohomorihi è duduu gà ịsụ wàa nyị nịnị, dụ wee sì ọzọga nịnị.

Aniroomi 16:23

Ịgayọsị adarehi amị ọnị ịragụ Ohomorihi ịzẹnị aa kụ́ụ gụ ị́da anị ka ẹnị kụ́ wụ nịnị. Ẹrasịtụsị anaā sịị ẹkẹhị ẹkụraa tẹ ka ọnị kụ́ wụ nịnị. Ikuaritu ọhụva ayị ka ọnị rẹ kụ́ wụ nịnị.

1 Itimoti 3:2

Ama ẹ́ yị vọrọ ka ọdọvịdị ịragụ ọ̀ nyị ohuvọ pẹrẹ. Ọnẹẹ ikonya a rẹ vọrọ ka ọ̀ nyị nị. Áa vọrọ ka ọ̀ vị ọza ana zụ sị ụvọ za ẹngụ anị, dị ọ̀ rẹẹ mẹ̀ ebira ịrẹyọyẹ. Áa vọrọ ka ọdọvịdị ịragụ ọ̀ọ mẹ̀ ebira ana vọrọ, dị òo sì ọzọga, dị ọ̀ rẹ zụụ sị ịsaa zụ̀ aza.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

Ịtayịtọsị 1:8

Ama áa vọrọ ka ọ̀ vị ọza eneē sì ọzọga, dị ó re sì avaba ịsa ene zoza. Áa rẹ vọrọ ka ọ̀ zụ mẹ̀ ebira ịrẹyọyẹ, dị ọ̀ vị ọnịzẹyịza, dị ọ̀ nyị ebira ọnịnị, dị ọ̀ rẹ sị ụvọ za ẹngụ anị.

1Ipita 4:9

Wee si ẹngụ ọzọga nịnị, dị asị u ti tụ́ ịnị anị nịnị.

3 Ịjọọnụ 1:5

Ọta amị, mée re ka wáa nyị ịzẹyịza ịnị avaba ọgụvọ ọnị ụ waa mẹ̀ẹ yị anda ayị nịnị, ẹ̀ẹ daka vị ọzọga.