Anihiburu 13:1 - IWE ỌNỊNỊ

¹ Ẹwụ nịnị ana vị ẹyịnyara ini Ikirisiti, wee yii sì ịrẹyị ẹngụ nịnị!

Anihiburu 13:1 ပူးပေါင်းရင်းမြစ်များ

Ahẹ Ụgama 133:1

Aza ana vị anda èe dudu ra vabẹ di ẹ̀ yị nyị ahankata nị, ộ dà zoza kẹnẹ!

Ịjọọnụ 15:17

Ọda ọnị mị mẹ wụ nịnị yị ka: we sì ịrẹyị ẹngụ nịnị!”

Odeyi 2:1

Ịhị ẹkụhị ana a sịị̄ rị eche ana aā hị́ Ịpẹntịkọsị si tù, dị avaba ọdọwụ nịnị kụ́ gụ aha ọnya nị.

Odeyi 4:32

Avaba ẹnịnị ana dọ wụ́ vị ana và ịnẹ bẹ, dị ẹ nyị ayị ọnya nị. Ẹ yị nyị ọza ana kà a ka ịsị ọnị nyị ka áanị ịnyara kẹnẹ ọ vị nị. Ịsị ẹ̀ẹ nyị, vi e dudu aa gà a nị.

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anẹhwẹsọsị 4:3

Ẹwụ nịnị ọnị Ụhwẹ Ọnịnị sị vabẹ, re ka wáa sị vụrị dị ụ wa yị vavọọ vabẹ nịnị ịnị ẹngwọọrọ!

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

Anihiburu 10:24

À vẹ yee ro ịrẹyị ẹngụ, dị yaa mẹ ka ye zuu sì ịrẹyị aza, dị ya rẹẹ mẹ ọyịza!

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1Ipita 2:17

Sị ụbanyị yị avaba aza. Sì ịrẹyị ọdọwụ anda awụ nịnị. We yii hí angwa Ohomorihi nịnị. Sị ụbanyị yị ohirẹsụ ẹkụra nịnị.

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 4:8

Ịsị e hu keekere yị: Wee sì ịrẹyị ẹngụ nịnị pooro, agụvị ka wèe sì ịrẹyị ẹngụ nịnị, ọ vaa mẹ ka à vagu ịvị ọrụrụ-ọrụrụ.

2Ipita 1:7

Sì ịrẹyị aza anka ẹyịnyara awụ tụ́ ini ebira ene zé Ohomorihi eyi ọnị ụ nyị! Rẹ vaka ọnọọ, sị vụrị di u we sì ịrẹyị aza anka Ohomorihi mè sì ịrẹyị ẹnịnị.

1 Ịjọọnụ 3:23

Ọda ọnị ọ́ mẹ yị yị: ka ya sị ayị tụra Ijeesu Ikirisiti Ozi anị, di ye re sì ịrẹyị ẹngụ. Ọda anị ọ vị ọnọọ nị.

1 Ịjọọnụ 4:20

Ọza ọ̀ọ kà a ka oni óo sì ịrẹyị Ohomorihi, dị aa yịị kụ́ ayị ọnọhụva anị nị, onireche ọza ọnọọ vị nị. Ọza è yi sì ịrẹyị ọnọhụva anị ene ee re, ọ mẹmẹ zụ sì ịrẹyị Ohomorihi ene è yi re?

Ẹtore 2:4

Ama â nyị ịsa ọnya ọnị ụ wẹ yị mẹ ẹtẹẹrẹ nịnị. We yi kuku sì ịrẹyị amị nịnị anka ịyẹẹyẹ.