Anihiburu 12:4 - IWE ỌNỊNỊ

⁴ Ụ màa sịị vụrị ka asị ụ mẹ̀ ịvị nịnị, oò yi ve tù ka à wụ̀ wụ nịnị tụ́ ịnị anị.

Anihiburu 12:4 ပူးပေါင်းရင်းမြစ်များ

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

1 Anịkọrịntị 10:13

Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị.

Anihwiripi 2:8

dị ọ ra ịnị ẹhẹ anka ọza nị. Ộ kà ẹngụ anị chi, dị ọ hyakụ zẹẹ ka à wụ́ ọnị, dị ahịka vị a hyakụ kanyị ọ za ọchị apavahị nị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 13:13

À vẹ vi ye ne tù ọ ịrẹma ẹkụra, dị ẹ yà rẹ gà ịnị ụhị anị!

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.

Ẹtore 18:24

Anya ọnịsẹ nịnị ọnịrị anya aza Ohomorihi ana a wụ beri anya avaba aza ana a wụ ịnị ẹhẹ, yà ịrẹsụ Ịbabịrọnị.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.