Anihiburu 12:3 - IWE ỌNỊNỊ

³ Roo nịnị dị a re ẹngụ ọza ana vavọọ sị ẹngụ dọ ịsa edivi ọnị ọnịvị nịnị mẹ hi ọ! Agụvị avọọ asị ụ zẹẹ ka ò du wu nịnị eyi, dị ụ wa na hụrẹ ụvọ nịnị!

Anihiburu 12:3 ပူးပေါင်းရင်းမြစ်များ

Ụhịrẹyị 24:10

Wàa và ẹngụ hi ẹtẹ ịnị ụmẹ ẹngụkata, ọkụmị ụ vị avọọ nị.

Ayịsaya 50:4

Ayịsaya ka, Ẹnẹyịmavara ọga ộ raà sị ịrẹyị zụ ọnị agụvị ọnị ọ yara tụ ọza ọnị ọ ngụ ẹngụ ọtụtụrụma. Ẹnẹnẹnẹ ọọ̄ mẹ̀ ka ọnị ọ kụ ẹngụ hi ọyị kọsẹ ịrẹyị ana aa sị zụ ọnị nị.

Imatiwu 11:19

Ẹmị Ozi ọza onigirima ọ vavẹ; maa rị, mee hú, ẹ rẹ ka: ‘Ho! Wee re ọnịnọbanyị ọnịrị ohweche! Ọta ọdẹkẹhirehi ọnịrị aza edivi ọ vị nị.’ Ịrẹyọyẹ Ohomorihiī sị ẹngụụ zụ̀ ịnị ịsa ana aa mẹ.”

Imatiwu 12:24

Ịjị Anihwarisi nịnị sị wụ́, dị ẹ ka, “Ụkata Ịbẹẹrịzẹbụ, ọga ụhwẹ echu nịnị ọ́nọrụ ọnọnị aa sịị dụ ụhwẹ echuu jịnẹ nị.”

Imatiwu 15:2

“Sị ẹ vẹ dị ezirẹma awụ ẹ̀ yị mẹ ido oni ohiku ayị jị? Agụvị ka ẹyaa rị ịsa, ẹ yị nyịna ụvọ.”

Imatiwu 21:23

Ijeesu ọ rẹ vavẹ ini irehi Ohomorihi. Ọ màa zụ̀ aza ịsa, dị ohirẹsụ ẹbanyị irehi Ohomorihi beri ọdọvịdị nịnị ve tù ọọ nị. Dị ẹ họ̀ ọ ka, “Ọda ịsị ụ maanị aa sịị mẹ? Ẹnẹ sị ọda ọnọnịị wụ ka wa maanịị mẹ?”

Imatiwu 21:46

E mèe sì oze ka ẹnị ẹ̀ za a, angwa aza ee hí wa, agụvị ka ệ dọ ka ọnịsẹ ọ vị nị.

Imatiwu 22:15

Anihwarisi nịnị ệ hụụ ịzọọ, dị ẹ na gẹ eyi ka ẹ́nị mẹmẹ va mẹ ka Ijeesu ọ̀ kà ịrẹyị dị ẹnị ẹ̀ za a nị.

Iruuku 14:1

Ẹkụhị ụhwọtụ ọnya, Ijeesu ộ nọ ini eehi ohirẹsụ Anihwarisi ọnya na rị ịsa. Dị aza sị eyi pe Ijeesu nị.

Iruuku 15:2

Dị Anihwarisi nịnị ọnịrị ọzwọzọda nịnị aa rị ihuhu, dị ẹ ka, “Ọnọrụ ọnọnị aa dọ aza edivii pe ẹngụ, ọ hyakụ ee beri waa rị ịsa bẹẹ.”

Iruuku 16:14

Ánihwarisi nịnị mẹ̀ wụ́ ịrẹyị ọnọnị, dị ẹyaa sị Ijeesu mẹ̀ isiya nị, agụvị ka ẹnịnị ê sì ịrẹyị ẹkẹhị.

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Iruuku 5:21

Dị ọzwọzọda ọnịrị Anihwarisi ene hi ịzọọ aa kà a ka, “Sị ẹ vẹ dị ọ maanị aa kà? Vị aa kụ̀ Ohomorihi ụhụ aanị nọ! Ẹnẹ zụ vagu ọza ịnị ịvị anị, ẹ̀ yị vị Ohomorihi ọnịnya kẹnẹ?”

Ịjọọnụ 10:20

Aza ọrụrụ-ọrụrụ ẹnịnị aa kà a ka, “Ộ nyị ụhwẹ echu, vi ee che uvu nị! Sị ẹ vẹ di u wee batọ ịrẹyị anị nịnị?”

Ịjọọnụ 18:22

Ịjị Ijeesu maanị sị kà, dị ọnya ini iporisi ana jẹẹ ịzọọ nya Ijeesu arụhwọtọ, dị ọ ka, “Ohirẹsụ ọbanyị irehi Ohomorihi ụ vavọọ aa kà ịrẹyịị yị nịị?”

Ịjọọnụ 5:16

Agụvị avọọ, dị Aniju nịnị ee be Ijeesu, di eyee sì ka ẹnị ẹ̀ wụ ọọ nị; agụvị ka ộ vavọọ mẹ ịnị ẹkụhị ụhwọtụ.

Ịjọọnụ 7:12

Dị aza tangwa aa kà ịrẹyị Ijeesu nyamaa nị. Aza ẹnyị ka ọza ọyịza ọ vị nị; aza ẹnyị ka eyiye, vi ee vene aza nị.

Ịjọọnụ 8:13

Dị Anihwarisi nịnị kà a yị Ijeesu ka, “Ẹwụ ụvọta aa dọ ivenu ẹngụ awụ aanị nọ! Ivenu awụ ọ yị nyị ahụ jẹẹ.”

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!

Ịjọọnụ 8:59

Dị ẹ kụ́ ụvọ kụ́ ịrẹta, ka eni è ne e hi Ijeesu nị, ama dị Ijeesu sị ẹngụ anị tẹ yị wa, di o hụụnị irehi Ohomorihi nị.

Ịjọọnụ 9:40

Anihwarisi ẹnyị ene hi ịzọọ ệ wụ́, Íjeesu mẹ̀ vavọọ kà. Dị ẹ họ̀ ọ use ka, “Aanịka ogweyi ẹ́yị rẹ vị bẹẹ nị?”

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

2 Anịkọrịntị 4:1

Ohomorihi ô sì ịrẹyị ayị, dị ọ sị ụkọrọ ọnọnịị yị nị, agụvị avọọ, o yi vee du yi eyi.

2 Anịkọrịntị 4:16

Agụvị avọọ, o yi du eyi. Ọchẹngụ ayị ọ̀ọ daka ee bo, ama ẹhẹ ọnị Ikirisiti, sị yị vị ana aa vara ọwọọwa eyinị-eyinị.

Anigaratiya 6:9

Agụvị avọọ à vẹ vị yaa mẹ ọyịza, dị asị ọ ngụ yị ẹngụ! Agụvị ka ọ̀yị ngụ yị ẹngụ, i vee re ọgụ anị ọdịrẹma.

Iwe Ọhụhị Imosiisi ana aa hị́ Ọyịvatụrọda 20:3

dị ọ kà a ka; Ẹwụ nị isoja Anisirẹrị sị ụtọ pe ẹtẹ. Wàa nọ ịrẹkụ ajịnị, asị ụ hị́ angwa ọnịvị. Wèe re wa asị ayị hụrẹ ẹwụ ịnẹ.

2 Anịtẹsaronika 3:13

Ama anda ayị nịnị, asị ọyịza ọyịmẹ̀ du wu nịnị eyi!

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 12:5

Ọtụtụrụma oni Ohomorihi aa tụ́ wụ nịnị anka ozi anị, vị ayị wéé hí wu nịnị nị? Ọ kà, “Ozi emi, Ohomorihi ọ̀ọọ tụ wụ ohuvọ, asị ụ sị eyi wụ̀ ịrẹyị anị. Àaa sị́ ụyaa rị wụ, asị ụ zẹẹ ka ò du wu eyi.

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

1Ipita 2:23

Aza mẹ̀ kụ̀ ọ́ ụhụ ẹ́ yị và ụhụ yị wa. Aza mẹ̀ raa sị ụyaa rị ọ, ô yi wo hi wa, ama ô si chire Ohomorihi ụvọ, anaā sịị ịzẹyịzaa mẹ̀ ọkarẹyị.

Ẹtore 2:3

Wâ nyị isuuru, wâ sị ẹngụ dọ ụya agụvị amị, ama wẹ yị zẹẹ ka ò du wu eyi nịnị.

1 Ịsamụwẹrị 12:24

Ama ẹwụ nịnị ò re ka wa nyị angwahi Ẹnẹyịmavara nịnị; dị waa sị avaba ayị awụ nịnị hẹkẹ ẹ. Tamayị ịsa ẹbanyị-ẹbanyị ọnị ọ mẹ̀ yị wụ nịnị.