Anihiburu 11:9 - IWE ỌNỊNỊ

⁹ Ini oze ka Abụrahamị ộ sị ayị tụra Ohomorihi, ọ na ra ịnị ẹtẹ oni Ohomorihi ka ẹ yị zụ nyị ka ọnị ọ yị vaa sịị yọ. Ộ yà ịzọọ anka ọzọga. Ọnị beri Ayiziiki ọnịrị Ijekọvụ oni Ohomorihi rẹ hị́ eku ọnọọ vị ana ra ịnị ajẹngụ kẹnẹ,

Anihiburu 11:9 ပူးပေါင်းရင်းမြစ်များ

Oyinyima 12:8

Abụramị ộ kà nọ ịnị ataba ana yà eyi ọnị ọyịị̄ zịị hụrẹ Ị́bẹtẹrị, dị ọ jị ajẹngụ tụ́ ịzọọ nị. Ajẹngụ anị vị ana yà ịnị akakana Ịbẹtẹrị ọnịrị Àyị Ộ navọ Ịbẹtẹrị tụ́ oze ọnị ọyịị̄ zịị ngụ ẹtẹ, di Àyị ọnị yà oze ọnị ọyịị̄ zịị hụrẹ nị. Di o re mẹ aha ịsọvọ tụ́ ịzọọ yị Ẹnẹyịmavara dị aa mẹ̀ aduwa ịzọọ nị.

Oyinyima 13:18

Dị Abụramị kú ajẹngụ anị dị ọ va yà iruvo ọchị. Ụbazị Edẹnị: A ka ụbazị Ẹnẹyịmavara, aroni Imamire ịnị ẹkụra Ihebirọnị nị. Dị ọ mẹ aha ịsọvọ tụ́ ịzọọ yị Ẹnẹyịmavara nị.

Oyinyima 13:3

Abụramị ộ hụrẹ ịzọọ dị ọ na pooro na ngụ Ịbẹtẹrị ịzị ọ vịdị jị ajẹngụ tụ́ nị. Ajẹngụ ọnọọ vị ana yà ịnị akakana Ịbẹtẹrị ọnịrị Àyị.

Oyinyima 17:8

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

Oyinyima 18:6

Di Abụrahamị wụsẹ ne tù Isera ịnị ajẹngụ dị ọ ka: ọ̀ wụsẹ mọ̄ ayị ene zoza ẹnya ẹẹta, di ò pō o dị ọ sị jị akara.

Oyinyima 18:9

Di aza ẹnẹẹ ka, “Isera ose ẹwụ yọ?” Di Abụrahamị ka, “Ọ yà ịnị ajẹngụ.”

Oyinyima 21:34

Abụrahamị ộ ra ịnị ẹtẹ Anihwirisiti nị ịzọọ ku ẹtẹẹtẹrẹ.

Oyinyima 23:4

“Ọzọga ọnị vị dị ọnị ra ịda ẹnịnị nị. Ọ kà Aarịhịnị ẹ sị ẹtẹ yị ọnị ana vaa vị aanị, ịzị ọnị zụ ne oku tụ́, di ọnị òo ne oku ene sú ọnị tụ́ ịzọọ.”

Oyinyima 25:27

Ezi ẹnẹẹ mẹ̀ sị hụ̄, Iisọ ọnị vị ozube obooro, dị ọọ̄ ngụ avị nị. Ijekọvụ ọnị vị ọza hẹẹ aanị, di ahịka ini eehi ọọ̄ yà nị.

Oyinyima 28:4

Ọ kà ọ vaa mẹ ka ò zee yị ọnịrị ezi anị anka ọ mẹ̀ mẹ ka ò zee yị Abụrahamị. Ọ rẹ ka ẹtẹ oni Ohomorihi sị yị Abụrahamị ọnị ọ vị ọzọga tụ́ ịnị aanị, ọnị ọ vaa nyị nị.”

Oyinyima 31:25

Ijekọvụ vị ana sị ajẹngụ ẹnịnị tụ́ ịnị ẹtẹ ataba Igiriyadi. Dị Ịrabanị, na saasa a, dị ọnịrị aza anị ẹnị re sị ajẹngụ ẹnịnị tụ́ ịnị ẹtẹ ataba Igiriyadi nị.

Oyinyima 35:27

Ijekọvụ o ve tù Ayiziiki ada anị ẹkụra Imamire, ọgụrị Ikiriyati Araba, Ịzọọ a rẹẹ hị́ Ihebirọnị booro aanị nị. Ịzọọ Abụrahamị ọnịrị Ayiziiki vịdị ra nị.

Oyinyima 36:7

Ịsị ẹ mẹ ka ọ kụ́ ẹnya kwooze ọ vị ka ogu ẹnị ẹnị ẹyịva nyị ọ sị dẹngụ. Ịsụpa ẹnịnị ệ rụrụ ẹnẹmẹhị. Ẹtẹ ene e vịdị dudu ra ịnị anị ọ yị kụkụ dọ wa. Ẹnịnị ẹ yị kụkụ zụ yà aha ọnya.

Oyinyima 47:9

Di Ijekọvụ ka, “Ịrayị ẹchịhịnọnyị tụra ẹẹwụ kẹnẹ ọnị mẹ ịnị ẹhẹ da nọ. Ọ kà ọnị ộ yị vịra, ẹhẹ anị vị akanya-akanya. Ọnị ệ yị hyakụ nyị ịzị ọnị tù ịnị ẹkụhị oni ohiku anị nịnị mẹ ịnị ẹhẹ.”

Ahẹ Ụgama 105:12

Anisirẹrị nịnị vịdị aa chee aanị, ẹ yị nyị ẹ yà,

Ijeremaya 35:7

Ẹ ka ộ rẹ kà a yị ẹnị bẹẹ ka asị ẹnị dà irehi, asị ẹnị da aarẹ, asị ẹnị da ụbazị ịvayịnị, dị asị ẹnị rẹ hị́ ẹngụ ịsa ẹnẹnị vụrụ-vụrụ. Ẹ ka ộ mẹ̀ ẹ ọda yị ẹnị ka ịnị ajẹngụ ẹnị vaa ra pooro anka ọzọga avọọ, ụvị dị ẹnị è ku orubo ịnị ọnọnị nị.

Anihiburu 6:17

Ohomorihi óo sì ka ọnị ọ̀ kà a gedebee yị ọza ọnị ọnị vaa sị ẹyịza ọnọọ yị, ka ọnị ọ yị vaa vara ịrẹyị anị. Agụvị avọọ ọ hị́ eku tụ́ ịnị oto anị nị.