Anihiburu 11:7 - IWE ỌNỊNỊ

⁷ Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Anihiburu 11:7 ပူးပေါင်းရင်းမြစ်များ

Oyinyima 19:14

Dị Ịrọọtị jịnẹ dị ọ maanị na kà a yị ọyẹ anị ana aa vaa nyị ezi anẹẹ anị. Dị ọ ka, “Kwẹẹtẹ we zwe hụụnị ẹkụra ọnọnị nịnị ka Ẹnẹyịmavara ee vee vu ẹkụra ọnọnị ẹtẹ.” Dị ọyẹ anị ẹnị ee ro o ka vị aa mẹ̀ isiya nị.

Oyinyima 6:13

di Ohomorihi va kà a yị Inowa dị ọ ka, “Ọnị o si aro mẹ ka ọnị ee vú anẹhẹ ẹtẹ, agụvị ka ẹ raà kụ́ ebira ẹngụkata hi ịnị ẹhẹ. Ọ kà ọnị ee vú wa ẹtẹ ọnịrị avaba ịsa ene hi ịnị ẹhẹ.

Oyinyima 6:22

Ịzẹyịza dị Inowa vavọọ mẹ̀ ẹ nị. Avaba ịsị Ohomorihi ka ọ̀ mẹ, dị ọ vavọọ mẹ̀ ẹ nị.

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

Oyinyima 7:23

Avọọ Óhomorihi mẹ̀ kụ́ avaba ịsị ẹ nyị ụhwẹ hụrẹ ịrẹsụ ẹtẹ nị. Ọza, uye, ịsị eē tura ọnịrị inomi nịnị ene hi ẹbẹẹba vị ọnị ọ kụ́ hụụnị ẹhẹ piti-piti. Inowa kẹnẹ ọnịrị aza ọnịrị uye ọnị ọ kụ́ hi ịnị ẹpa ọnọọ ọ vọ nị.

Oyinyima 7:5

Ịzẹyịza di Inowa vavọọ mẹ avaba ịsa ẹnị Ẹnẹyịmavara mẹ ọda ka ọ̀ mẹ nị.

Oyinyima 8:16

Jịnẹ hụụnị ẹpa ọnọọ, ọnị, ose anị, ezi anị, beri ese ezi anị.

2 Ohinọyị 4:5

Ịzẹyịza, dị ọ hụụ ịdị Erisa, dị ọnịrị ezi anị ne gù oze hi ẹngụ nị. E si oze gù, di ezi anị aa kụ́ ịgarụwaa vẹ, dị ọnị aa và angwẹẹ hi ọ nị.

Ijoovu 35:8

Aza anka ẹwụ, ịrẹyị ọhịmị awụ aa zama nị. Ọyịza ọnị ụ rẹ mẹ, ẹnị ẹ rị aha anị nị.

Ụhịrẹyị 22:3

Ọza ana yẹ ịrẹyị oo re ezigi dị ọ yẹ̀ yị ọ, ama ọnụra vị ana na gẹrị ọ dị ọ vaa sị ụmayịyẹ.

Ụhịrẹyị 27:12

Ọza ana yẹ ịrẹyị vị ene zwe yị ịrẹyị, ama ọnụra vị ana a na gẹrị ọ dị ọ̀ vaa sụ́ ụmayịyẹ.

Ezikẹẹrị 14:14

Ọ kà aza ẹnị ẹẹta ẹnẹnị ẹ̀ẹ daka ya ịnị ẹkụra ọnọọ; Inowa, Ịdanịyẹrị ọnịrị Ijoovu, Ẹnẹyịmavara kà, ẹngụ ẹnịnị kẹnẹ ẹ va zụụ sị ebira ọyịza ẹnịnị dọ ọ ha nị.

Ezikẹẹrị 14:20

Inowa, Ịdanịyẹrị ọnịrị Ijoovu ẹ̀ẹ daka Yà ịzọọ, àa yị vị ọnị Ẹnẹyịmavara ọ vị Ohomorihi ana yara nị, ẹnịnị ẹ́ yị va zụụ dọ ezi ẹnịnịị ha. Ẹngụ ẹnịnị kẹnẹ ẹ́ va zụụ sị ebira ọyịza ẹnịnịị dọ ọ ha nị.

Ezikẹẹrị 33:5

Ka â kà a ọnọ, ama ẹ́ yị wụ, ọnị a vaa tụ́ ohuvọ nị. Ọ̀ọ sere ẹngụ anị á mẹ kà a ọnọ, ẹ́ yị yaanị sú.

Imatiwu 2:12

Ohomorihi ộ ka wa ọnọ ịnị ụra ka à sị ẹ varẹma nọ ịdị Ịhẹrọdị; agụvị avọọ, dị ẹnịnị zị oze ọsa, dị ẹyaa nọ eehi ẹnịnị nị.

Imatiwu 24:15

Agụvị avọọ, u vee re ‘Ịsa Odivi aha ọnịnị ịzị ẹ yị vọrọ’ ọnị Ịdanịyẹrị ọnịsẹ kà ịrẹyị anị. (Ọza ana àa kà iwe ọnọnị, ò re ka ọnị ộ yẹ ịrẹyị ọnọnị!)

Imatiwu 24:25

Re, mee vịdị jintu sị ọọ kà wụ nịnị!

Imatiwu 24:38

Dị ọhaara enyi ọnọọ va kụ́ ẹhẹ, aza vị ana aa rị, di eyee hú, dị ẹyaa nyị ọnẹẹ, dị ẹyaa sị ozii gà ọnọrụ. Avọọ ẹ mẹ̀ mẹ pooro ne tù ẹkụhị oni Inowa ngụ ẹpa nị.

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Iruuku 17:26

Ịhị ẹmị Ozi ọza onigirima àaa vẹ, vị ọ vaa yà anka ụmẹ Inowa avọọ nị.

Aniroomi 1:17

Ini oze enube ọyịza, Ohomorihi ộ sị zụ̀, ọ mẹmẹẹ̄ mẹ ka aza ẹ̀ vị ọnịzẹyịza. Avaba anị ộ jẹẹ tụ́ ịrẹsụ ka ọza ọ̀ sị ayị tụra Ohomorihi hụụnị oyinyima ne tù ẹzẹtẹ; anka a mẹ̀ vịdị chẹrẹ ẹ tụ́ ini Iwe Ohomorihi ka: Aza ana vị ọnịzẹyịza (ini eyi Ohomorihi) vaa yàra, agụvị ka ệ sị ayị tụra a.

Aniroomi 10:6

Ama ịnị ka Ohomorihi ọ̀ za ọza ịrịka tụ́ ịnị ọnịrẹyịzẹyịza, agụvị ka ộ sị ayị tụra Ikirisiti, a rẹ nyị ịsị a kà ịnị anị. A ka, “Asị u ne roo ịnị ayị awụ ka ẹnẹ vaa nọ ẹbẹẹba ịda Ohomorihi?” (Ọnọọ vị ka dị ọ̀ na sị Ikirisiti chí vẹ.)

Aniroomi 3:22

Aza ana sị ayị tụra Ijeesu, Óhomorihiī vara ọnịrẹyịzẹyịza nị. Avaba aza ana sị ayị tụra Ijeesu Ikirisiti kẹnẹ, Óhomorihiī vavọọ mẹ nị. Oze ọnya ọ vị yị avaba aza nị,

Aniroomi 4:11

Ụvẹvẹnẹ vị apọtẹrẹwa ka Abụrahamị ộ vịdị raà sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza nị. Dị ọ va jị ụvẹvẹnẹ ọ hụrẹ sị ayị tụra Ohomorihi nị. Ini oze ọnọọ, Abụrahamị ọ raà vị ada avaba aza ana sị ayị tụra Ohomorihi ịnị ụmẹ ẹnẹ ẹ̀ yị jị ụvẹvẹnẹ, dị Ohomorihi ọ̀ zụ za ẹngụ aza ẹnẹẹ ịrịka tụ́ ịnị ọnịrẹyịzẹyịza.

Aniroomi 4:13

Ohomorihi ộ zẹẹ Abụrahamị ịzẹzẹ ka Abụrahamị ọnịrị ezi anị ẹ vaa nyị avaba ẹhẹ nị. Ẹ yị vị agụvị ka Abụrahamị ộ saasa ọda Aniju, ama agụvị ka ộ sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza ọ vavọọ sị kà a yọ nị.

Aniroomi 9:30

Sị ị vaa kà aanị? Ya zụ kà a ka Anigiriki, dị è yi re sì ka ẹnị ẹ̀ jị ịhị yị ẹngụ ẹnịnị, Ohomorihi ọ raà jị ịhị yị wa, agụvị ka ệ sị ayị tụraa.

Anigaratiya 5:5

Àa vị ẹyịị yọ, ẹyị vị ene ee zí eyi ka ịnị ụkata Ụhwẹ Ọnịnị Óhomorihi vaa hị́ yị ọnịrẹyịzẹyịza nị. Agụvị ka yáa sị ayị tụra Ijeesu.

Anihwiripi 3:9

Mee sì ka ẹmịrị ọ ọ̀ yị vabẹ. Mé yi kuku si ka aa hị́ mị ọnịrẹyịzẹyịza ini oze ka maa sị ayị tụra ọda. Ama mee sì ka àa hị́ mị ọnịrẹyịzẹyịza ini oze ka maa sị ayị tụra Ikirisiti. Ẹngụ ịzẹyịza ọnọọ, Ohomorihi ọọ̄ sị yị ọza ana sị ayị tụra a nị.

Anihiburu 11:1

Sị aa hị́ ka ọza ọ́ọ sị ayị tụra Ohomorihi? Ọza ọ̀ọ sị ayị tụra Ohomorihi, ọnị ọ vị ka ọ́ọ yẹ ịnị ayị anị, ọyị jị ọọ ịrẹka ka ịsa ọnị ọnị aa tụra eyi anị aanị, oni vee ree dọ. Dị ọ rẹ yẹ ịnị ayị anị ẹtẹẹtẹrẹ ka ịsa oni oni ò yi re aanị yà ịzọọ ịzẹyịza nị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

Anihiburu 8:5

Ohirẹsụ irehi Ohomorihi ẹnẹẹ vị ọnị ụkọrọ ẹnịnị aa sịị zụ̀ ịsa obobooro ana yà ẹbẹẹba. Yáa yẹ ka ịnị ụmẹ oni Imosiisi aa vaa jị ajẹngụ Ohomorihi, Ohomorihi óo hú ọọ ụvọ ka ò re ka ọnị ọ́ọ mẹ avaba anị anka ịsị ọnị sị zụ̀ ọọ gẹdẹ-gẹdẹ ị́rẹsụ ataba.

1Ipita 3:20

Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 2:5

Anịyẹẹyẹ nịnị ẹnẹ ẹ̀ yị yẹ Ohomorihi, ẹ́ yị sị vayị ẹnịnị. Dị ọ sị ọhaara enyi kụ́ wa kwooze nị. Inowa ọnịrị aza ẹnị ịhịmba kẹnẹ ọ dọ há nị. Inowa vị anaā kà a yị aza ka ẹ̀ẹ mẹ̀ ịsa ana vọrọ eyi Ohomorihi.

2Ipita 3:6

Ọhaara enyi ộ kụ́ ẹhẹ, dị o vú ẹhẹ ịyẹẹyẹ ẹtẹ nị.