Anihiburu 11:3 - IWE ỌNỊNỊ

³ Agụvị ka Yáa sị ayị tụra Ohomorihi, ọnị ọ mẹ ka ya zụ yẹ ka ịrẹyị Ohomorihi ọ sị mẹ ẹhẹ nị; ọnị ọ vị ka ịsa ene hi ịnị ẹhẹ ọnị yaa sị eyi ayịị re aanị, vị ana hụụnị ịsa ọnị ọza ọ̀ yị zụ sị eyi re vẹ.

Anihiburu 11:3 ပူးပေါင်းရင်းမြစ်များ

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Ahẹ Ụgama 33:6

Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị. Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.

Ahẹ Ụgama 33:9

Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro! Ọda ọnị ọnị mẹ, ọnị ọ mā vara oo!

Ayịsaya 40:26

Re ẹbẹẹba di u wee re! Ẹnẹ mẹ ụzọmị ọnị wee re? Ẹnẹyịmavara ana kụ wa tụ ẹhẹ anka ọkọnị isoja, ọ̀ yẹ ịrịka ẹnịnị vị, dị ọọ̄ sị ịrẹha ọzọza hị́ wa nị. Agụvị ụkata ọdẹngụ anị ene e si sere wa, ẹ yị nyị ene vu ịnị ẹnịnị.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ịjọọnụ 1:3

Ini oze Ịrẹyị ọnọọ Óhomorihi zị mẹ avaba ịsa nị. Ịnị avaba ịsa oni Ohomorihi tụ́ saka-saka ẹ yị nyị ikonya ẹnẹ ẹ̀ yị vị ini oze Ịrẹyị ọnọọ ọ yà tụ́ ọọ.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Odeyi 17:24

Ohomorihi ana mẹ ẹhẹ ọnịrị avaba ịsa ene hi ịnị anị, ọnị ọ nyị ẹbẹẹba ọnịrị ẹhẹ nị. Ọ mā ra ini irehi ana aza dà.

Aniroomi 4:17

 vịdị maanị chẹrẹ ẹ tụ́ ini Iwe Ohomorihi. (Ohomorihi ka): Ọnị ọ raà sị Abụrahamị vị ada ẹkụra ọrụrụ-ọrụrụ. Ini eyi Ohomorihi ana Abụrahamị sị ayị tụra Abụrahamị ọ vị ada ayị nị. Ohomorihi ọọ̄ ha oku nịnị ị kwẹẹtẹ hụụnị isu nị; ọọ̄ mẹ̀ ọda dị ịsa ẹnẹ ẹ̀ yị vịdị yà ịzọọ, dị ọ kụkụ yà ịzọọ.

1 Anịkọrịntị 2:7

Ịrẹyọyẹ ẹnẹ ẹmị aa sịị kà ịrẹyị vị ịrẹyọyẹ Ohomorihi oni iruvo anị nyịnẹ, ene eyi ọza ọ̀yị vịdị há tù. Ama hụrẹ ụmọrụmọ dị a va yẹ ka aa mẹ ẹhẹ, Ohomorihi ọ raà mẹ eto ịsa ẹnẹẹ ka ya va nyị tụ́ ịnị ụbanyị anị.

1 Itimoti 4:5

Ịsa ọnọọ óo zoza ini eyi Ohomorihi, agụvị ka Ohomorihi ọ́ọ vavọọ sị ọọ kà, dị aza rẹ sị aduwa mẹ̀ tụ́ ọọ nị.

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

Anihiburu 6:5

Ẹ rẹ sị ịrẹyị Ohomorihi ene zoza dá ree ẹ rẹ yẹ ụkata ẹhẹ anaa vẹ.

2Ipita 3:5

Ệ yẹ ịsa ọnọnị, ama é yii, ẹ́ yị dọ ka ịyẹẹyẹ Ohomorihi ộ kà ịrẹyị, dị ọ mẹ ẹhẹ ọnịrị ẹbẹẹba nị. Dị ẹtẹ jịnẹ hụụnị enyi vẹ, dị ọ rẹ yà ịrẹsụ enyi nị.

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.