Anihiburu 10:8 - IWE ỌNỊNỊ

⁸ Ộ vịdị kà a ka, “We yi sì ka ẹ̀ẹ mẹ ịsọvọọ hi wu, we yi sì ẹyịza ẹnịnị, we yi re sì ka ẹ̀ẹ rị uye ịra saka-saka wụ. We yi re sì ịsọvọ ana azaā mẹ ka ọ̀ kụ́ ịvị ẹnịnị kwooze. Ẹngụ ịsa ẹnẹẹ e yi zé wu eyi.” Aza vị ana aa yịị mẹ ẹngụ avaba ịsa ẹnẹẹ anka ọda, dị ọ vavọọ yị kà.

Anihiburu 10:8 ပူးပေါင်းရင်းမြစ်များ

Ahẹ Ụgama 40:6

Wâ mẹ ka ma yẹ ka we yi ka ọza ọ̀ sị ịsa ịsọvọ va wụ Ẹ yị nyị ịsị ụ ka ọza ọ̀ sị va wụ Wẹ yị rẹ kà ka ọza ọ̀ wụ̀ uye dị ọ va rị ọ ịra wụ ịrẹsụ ụta.

Ịmaakị 12:33

A rẹ vọrọ ka ọza ọ̀ sị avaba ayị anị sì ịrẹyị anị, beri avaba ịrẹyọyẹ anị ọnịrị avaba ụkata anị, di ò re sì ịrẹyị ọnọhụva anị anka ẹngụ anị. Ọda ẹẹva ẹnẹnị e huna avaba ịsọvọ ana aā rị ịra ọnịrị ịsọvọ ana vọ bemi-bemi nị.”

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Anihiburu 10:5

Agụvị avọọ Íkirisiti màa vaa vẹ ẹhẹ, ọ́ọ kà a yị Ohomorihi ka, “Wẹ yị sì ịsọvọ ọnịrị ẹyịza, ama wa raà mẹ ka ma nyị ọchẹngụ dị ma sị mẹ̀ ịsọvọ.”