Anihiburu 1:9 - IWE ỌNỊNỊ

⁹ Ịzẹyịza óo zé wu eyi, ama wáa nyị ịhyẹrẹ ịsa edivi; agụvị avọọ Óhomorihi ana vị Ohomorihi awụ nyị wụ, ka ẹwà nyị ụbanyị ọnịrị ịrajẹ huna anda awụ nịnị ana vọ nị.”

Anihiburu 1:9 ပူးပေါင်းရင်းမြစ်များ

Ahẹ Ụgama 11:5

Ẹnẹyịmavara ee re ịsị ọnịzẹyịza aa mẹ. Ama ebira aza edivi ọnịrị aza ana aā chamayịị yị ọza vị ọnị ọ nyị ịhyẹrẹ anị.

Ahẹ Ụgama 119:104

Ọda awụ ọ raà mẹ ka ma yẹ ịrẹyị, agụvị avọọ ebira odivi vị ana aa nyị mị ịhyẹrẹ.

Ahẹ Ụgama 119:128

Avaba ebira akụvị vị ana nyị mị ịhyẹrẹ, agụvị ka mâ yẹ ka avaba ọda awụ vị ana vọrọ.

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ahẹ Ụgama 23:5

Ohomorihi ộ kụ́ ịsa ozoza hi ẹtẹ ka maa rị ọ eyi ọnịvị amị nịnị. Ô si mi ọzọga anka ọza ọnị ọ́ sị ụbanyị yị, dị ọ sị angwẹ sisi mi ịrẹsụ nị. Dị ọ mẹ ka ako amị òo hi ka wà nị.

Ahẹ Ụgama 33:5

Ẹnẹyịmavara, ịzẹyịza o sì nị ee Ẹnẹyịmavara, avaba aza ụ vayị anị nị.

Ahẹ Ụgama 37:28

Ẹnẹyịmavara ô sì ịrẹyị ebira ịzẹyịza o yi vee hi ayị aza anị ana ayị ẹnịnị vị ọnya Vi o vee sere wa pooro nị ama ezi aza edivi vị ọnị ọ vaa dụ hụụ ịzọọ

Ahẹ Ụgama 40:8

Ẹwụ Ohomorihi amị, ịsị e zee wu eyi m mee sì ka ma mẹ nị. Oze ọnị ụ ka ma zị vị ọnị mị sị tụ́ ịnị ayị.

Ahẹ Ụgama 45:6

Ohomorihi, ẹwa vị ohinọyị pooro zịna-zịna nị Ịzẹyịza ẹwụ vaa sị mẹ ohinọyị awụ nị.

Ahẹ Ụgama 45:7

Ohinọyị wê sì ịrẹyị ịzẹyịza, ama we yi sì ebira odivi avọọ Ohomorihi awụ nyị wụ ka we huna avaba ọpa awụ ana vọ nị Dị ọ mẹ ka waa jẹ, dị ịnẹ awụ òo hine hu avaba ẹnịnị nị.

Ahẹ Ụgama 89:20

Ụ ka wê re Idevidi ozi ahụ awụ, dị ụ sị angwẹ awụ nyị ọ ka ọ̀vị ohinọyị nị.

Ahẹ Ụgama 89:26

Ụ rẹ ka ọ vaa hị́ wụ dị ọ ka ẹwa vị Ada anị nị Dị ọ ka ẹwa vị Ohomorihi ịzị ọnị na tẹ̀ tụ́ dị à yị nyị ịsị ẹ mẹ̀ ọnị nị. Dị ọ rẹ ka ẹwaa dọ ọnịị tụ́ nị.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ayịsaya 61:8

Ẹnẹyịmavara kà a, oni o sì ịrẹyị ịzẹyịza, dị ọnị nyị ịhyẹrẹ àko ọnịrị ebira odivi. Ọnị vaa sị ịzẹyịza si aza anị ụta ụya ọnị ẹ rị Ọnị vee wo oto ẹnẹ ẹ yị nyị ẹhwị yị wa

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Ịzakaraya 8:17

Asị e ro ịrẹyị odivi tụra ẹngụ, dị asị e hị́ eku dọ ivenu ireche. Ẹnẹyịmavara kà a ọnị ọ yị sì ịrẹyị ireche, amẹrị ọnịrị ịraazị.

Ịrịka 7:43

Dị ọ sị ẹnya isiriva ọnya ana rata ẹhụ Ikirogirami ọnya rị ẹjịjị, dị ọ sị ẹnya isiriva ọsa ana za chanyị-chanyị ana rata ẹhụ ikirogirami ọnya. Dị ayị ọnịrị angwẹ orivi hi ẹnya ẹyịva, dị aa ngọ ọ anka a mẹ vọrọ, dị a sị mẹ̀ ịsọvọ ayị ana a kwọ̀ nị.

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

Ịjọọnụ 1:41

Andụrụ ộ vịdị ne sì Ịsayịmọnị ọyịnyara anị. Dị ọ kà a yọ ka, “Ya sị Imesaya ọnọọ re, ọ!” Iruvo Imesaya ọ vị Ikirisiti nị.

Ịjọọnụ 10:17

Ada amị ô sì ịrẹyị amị, agụvị ka ẹmị ụvọta ọ navọ ụhwẹ amị tịtẹ nị, ka ma rẹ varẹma sị ọọ.

Ịjọọnụ 20:17

Dị Ijeesu kà a yọ ka, “Asị ụ sị ụvọ kanyị mị, agụvị ka mẹ yị varẹma nọ ẹbẹẹba ị́dị Ada amị! Ama na kà a yị ẹyịnyara amị ka: maa nọ ẹbẹẹba ị́dị Ada amị ana rẹ vị Ada ẹwụ nịnị; ọnị ọ vị Ohomorihi amị, dị ọ rẹ vị Ohomorihi awụ nịnị nị.”

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 4:26

Ohinọyị anẹhẹ ẹ sị ẹngụ tenyi, ohirẹsụ aza nịnị ẹ sị ẹngụ kụ́ gụ agụvị Ohomorihi ọnịrị Ikirisiti anị.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Aniroomi 12:9

Ayị ọnya a vọrọ ka ye sii sì ịrẹyị ọza nị. Waa nyị ịhyẹrẹ ịsa edivi, dụ wa sị ụvọ za ịsa ọyịza.

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

1 Anịkọrịntị 1:9

A zụ sị ayị tụra Ohomorihi. Ọnị ọ hị́ wụ nịnị ka ẹwụrị Ozi anị Ijeesu Ikirisiti Ananyị yị ọ̀ vabẹ nị.

2 Anịkọrịntị 11:31

Ohomorihi ana vị Ada Ijeesu Ananyị yị, ộ yẹ ka me yi cheeche. Ọnị ọ nyị avaba ụbanyị pooro zịna-zịna nị.

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anẹhwẹsọsị 1:3

À vẹ ya sị ụga yị Ohomorihi Ijeesu Ikirisiti Ananyị yị, ọnị ọ rẹ vị Ada anị nị. Ohomorihi ọ raà mẹ̀ ịsa ọyịza yị ẹyị ẹnẹ ẹyịrị Ijeesu sị vị ọnya. Ohomorihi ọ raà sị avaba ịsa ozoza anị ana yà ẹbẹẹba ịdị anịị yị.

Anihwiripi 2:9

Agụvị avọọ di Ohomorihi kụkụ sị ọ tụ́ ẹba ẹtẹẹtẹrẹ nị; dị ọ rẹ sị ịrẹha ene huna avaba ịrẹha yọ nị.

Anihiburu 2:11

Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị.

Anihiburu 2:9

Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.

1 Ịjọọnụ 1:3

Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.

Ẹtore 2:15

A rẹ nyị aza awụ nịnị ana aa saasa ịsa Aninikorati nịnị sị zụ̀ aza.