Anihiburu 1:8 - IWE ỌNỊNỊ

⁸ Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị.

Anihiburu 1:8 ပူးပေါင်းရင်းမြစ်များ

2 Ịsamụwẹrị 23:3

Ohomorihi Anisirẹrị ọ sị ịrẹyị kà, Ọza ene ee sere Anisirẹrị ọ sị ịrẹyị kà yị ẹmị. Ọ kà ọza ana sị ịzẹyịza dị ọ yàa sịị̄ mẹ ịjọva tụra ọza. Aza ana yaā mẹ ịjọva, dị ẹnịnị nyị angwahi Ohomorihi,

Ahẹ Ụgama 145:13

Ẹnẹyịmavara, ẹwa vị ohinọyị pooro zịna-zịna nị. Avọọ ụ mẹ vaa mịị mẹ ohinọyị pooro nị. (Ịsa ẹnị Ẹnẹyịmavara ọ̀ọ ka ọnị vaa mẹ, ẹ yị zụ nyị ka ọ yị mẹ̀ ẹ. Vị ọ nyayịnẹ sì ịrẹyị avaba ịsa ọnị ọ tụ́ nị.)

Ahẹ Ụgama 72:7

Ụmẹ ohinọyị ọ̀ vị ụmẹ ana avaba aza vaa sị mẹ ịzẹyịza dị ahịka vi ee zozaa yị avaba aza pooro dị ẹhẹ ọ̀ kara ụ̀pa nị.

Ahẹ Ụgama 99:4

Ohomorihi ohinọyị vị ana nyị ụkata, oō sì ka asị a mẹ apẹ. Ọ raà sị ịzẹyịza hi ẹtẹ ini Isirẹrị, ịsa ana vọrọọ mẹ nị.

Ayịsaya 45:25

Ọnị vaa sị Anisirẹrị nịnị nyị ẹbẹẹba, dị ẹ yaa ga ọnị.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ijeremaya 38:15

Dị ọnị tụ́ ohi ka, ọnị ọ̀ọ ka ịzẹyịza yọ, vị aa wụ ọnị nị. Ọnị ọ̀ọ va sị ajuwee yọ, ẹ́ yị vaa dọ.

Ihoseya 1:7

Ama ọnị vaa vayị evere Ijuda, dị ọnị dọ wa ha agụvị ka ọnị ọ vị Ẹnẹyịmavara ana vị Ohomorihi ẹnịnị nị. Ẹ yị vaa nyị ka ẹ kụ ọpa ọnịrị ọkịta, ụ̀hwọ̀ ọnịrị umaata nọ ịrẹkụ, dị ẹ sị dọ ẹngụ ẹnịnị ha.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Iruuku 1:75

dị ya vị aza ọnịnị ọnịrị ọnịrẹyịzẹyịza ini eyi anị ịnị avaba ẹhẹ ayị.

Ịjọọnụ 10:30

Ẹmịrị Ada amị vị ọnya.”

Ịjọọnụ 10:33

Dị Aniju nịnị tụ́ ọọ ohi, dị ẹ ka, “Yẹ yị hụ agụvị ụkọrọ ozoza ọnyọọnyị ne wu ịrẹta. Ama yee sì ka ye ne wu ịrẹta, agụvị ka waa kà ịrẹyị odivii hi Ohomorihi. Ọza rị ẹyị ị́rẹsụ kẹnẹ ụ vị nị, ama wee sì ka wa sị ẹngụ awụ vara Ohomorihi.”

Ịjọọnụ 20:28

Dị Ịtọmọsị tụ́ ọọ ohi, dị ọ ka, “Ananyị yị, Ohomorihi amị!”

Aniroomi 9:5

Ịdị ẹnịnị ohiku ayị chị hụrẹ vẹ nị. Anka ọzarẹyịrẹsụ, ịpa ẹnịnị Óhinọyị oni Ohomorihi nyị ka ọ̀ dọ yị há chị hụrẹ vẹ nị. Ọnị ọ̀ vị Ohomorihi avaba aza nị, ọnị ị vaa sị ụgaa yị pooro nị. Aamị.

1 Anịkọrịntị 15:25

 nyị ka Ikirisiti, ọ̀ mẹ ohinọyị pooro ne tù ụmẹ oni Ohomorihi vaa nyị ehuna avaba ọnịvị anị, dị ọ kụ́ ahụ hi wa.

Iwe Ọhụhị Imosiisi ana aa hị́ Ọyịvatụrọda 2:37

Ama ẹnịnị ẹ yị gụrị ẹtẹ Anamọnị a vị ụtọ irehu Ijaboki, a vị ẹkụra ene hi ịrẹsụ ataba ọnịrị aha ana vọ ịzị Ẹnẹyịmavara kà yị wa ka asị ẹ ngụ.

Iwe Ọhụhị Imosiisi ana aa hị́ Ọyịvatụrọda 7:14

Ẹ yị nyị aza ịnị ẹhẹ oni o vee zee yị anka ẹngụ awụ nịnị. Ẹ yị nyị ọza ịnị awụ nịnị à vị ịsụpa awụ nịnị ene vee kù ọbọrị.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.