Anihiburu 1:2 - IWE ỌNỊNỊ

² Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

Anihiburu 1:2 ပူးပေါင်းရင်းမြစ်များ

Oyinyima 49:1

Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị.

Ayịsaya 2:2

Ụmẹ aa vẹ, ịrẹsụ ataba ọnị irehi Ẹnẹyịmavara ya vaa vị Ataba ana nẹba hu kerekere, dị ọ va avaba ataba ana vọ chire. Anẹkụra ọrụrụ-ọrụrụ vee turaa hi ịzọọ,

Ayịsaya 44:24

Ẹnẹyịmavara ana dọ wụ nịnị ha ka; ọza ana mẹ wụ nịnị tụ́ ịnị ịnẹ ọnyị awụ nịnị ka, “Ẹma vị Ẹnẹyịmavara ana ma avaba ịsa nị. Ẹmị ịnyara ọ mẹ ẹbẹẹba ịzị ọ gana na za nị. Ẹmị ọnọọ ọ rẹ mẹ ẹhẹ ịzị ọ gana na za nị.

Ayịsaya 45:12

Ọ kà ọnị ọ mẹ ẹhẹ, dị ọnị mẹ aza ene hi ini anị nị. Ọnị ọ sị ụkata anị gara ẹbẹẹba kụ, dị ọnị sị ụvọ za ọyị, ụhwẹ ọnịrị ụzọmị nịnị nị.

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ijeremaya 48:47

Ama, Ẹnẹyịmavara kà, ụmẹ rẹ vanaa vẹ, dị ọnị mẹ ka bo zee yị Imowabi, dị ọọ yara. Avaba ịsa ọnị Ẹnẹyịmavara kà ọnị vaa mẹ Imowabi yi o.

Ezikẹẹrị 38:16

Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ịdanịyẹrị 2:28

Ọ kà, ama â nyị Ohomorihi ana ya ẹbẹẹba anaā sịị ịsa ana tẹẹ zụ aza. Ọ raà sị zụ ohinọyị Inebukadineza ịsa ana vaa mẹ ụhwọọ. Ọ kà, ẹtẹ ọnị ohinọyị ré ịnị ụra ọnị ọ raà yị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Imika 4:1

Ụmẹ aa vẹ dị ataba ịzị dà irehi Ẹnẹyịmavara tụ́ aanị kuku vaa vị ataba ana nẹba hu ataba ana vọ, dị ọ da jịnẹ wa. Anẹkụra ọrụrụ-ọrụrụ vee tụraa hi ịzọọ.

Ịrịka 24:14

Avọọ ọnị aa nọ eehi, ama ọnị aa ka a ọnọ ịsa ọnị Anisirẹrị nịnị vaa mẹ aza ụhụụhwọ.

Imatiwu 13:39

Ọnịvị ọnọọ ene ne chire ebe ẹnẹẹ ọ vị echu nị. Ụmẹ anaa sịị̄ mẹẹ ọ vị ụmẹ ọdịrẹma ẹhẹ nị. Aza ana vaa mẹ wa ọ vị anggẹẹrị nịnị nị.

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Imatiwu 21:38

Aza ẹnẹẹ ana a dà ẹtẹ yị mè re ozi ọnọọ, dị ẹ kụkụ gẹ eyi, dị ẹ ka, ‘Ozi ọnọnị ọ vaa kụ́ ogu ada anị nị; à vẹ ya wụ ọọ, di ogu anị ọ̀ kụkụ vị áayị!’

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Ịmaakị 1:1

Aanị énube ọyịza Ijeesu Ikirisiti Ozi Ohomorihi meme nyima nị,

Ịmaakị 12:6

Ọza ana nyị ụbazị ọnọnị ộ nyị ozi ọnya chọchọchọ̀ ọnọrụ oni o sì ịrẹyị anị ẹtẹẹtẹrẹ. Ọnị ọ tụ́ na ọdịrẹma nị, dị ọ ka: ‘Ẹ vaa nyị ịrẹsụ ọkahii yị ozi emi.’

Ịmaakị 12:7

Dị aza ẹnẹẹ ana a dà ẹtẹ yị, kụkụ gẹ eyi nị, dị ẹ ka: ‘Ozi ọnọnị ọ vaa kụ́ ogu ada anị nị; à vẹ ya wụ ọọ nịnị, di ogu anị ọ̀ kụkụ vị áayị!’

Ịjọọnụ 1:10

Ọza ana vị Etohweyi obooro ọnọọ ọ vavẹ ịnị ẹhẹ; ini oze anị Óhomorihi hyakụ yà mẹ ẹhẹ nị, ama anẹhẹ ẹ yị va yẹ ẹ.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 1:3

Ini oze Ịrẹyị ọnọọ Óhomorihi zị mẹ avaba ịsa nị. Ịnị avaba ịsa oni Ohomorihi tụ́ saka-saka ẹ yị nyị ikonya ẹnẹ ẹ̀ yị vị ini oze Ịrẹyị ọnọọ ọ yà tụ́ ọọ.

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Ịjọọnụ 13:32

Àa raà zị oze anị sị igirima yị Ohomorihi, di Ohomorihi ọnị rẹ sị igirima ẹngụ anịị yọ. O yi vee kù dị ọ̀ vavọọ mẹ̀ ẹ.

Ịjọọnụ 15:15

Hụrẹ ọyaanị na, mẹ yị kụkụ hị́ wụ ozi ahụ amị nịnị. Wâ yẹ ka ozi ahụ ọ mā yẹ ịsị ọga anị aa mẹ. Maa hị́ wụ nịnị ọta amị, agụvị ka avaba ịrẹyị ana Ada amị kà mị, mị sị zụ̀ wụ nịnị nị.

Ịjọọnụ 16:15

Avaba ịsị Ada anị ọ̀ọ nyị vị áamị; agụvị avọọ mị kà a ka ịrẹyị amị ọ vaa kà a wụ nịnị nị.”

Ịjọọnụ 17:2

Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Ịjọọnụ 3:25

Ụmẹ ọnya, dị ezirẹma Ịjọọnụ ọnịrị Aniju ọnya aa nyị ahankata ịrẹyị ẹngụ ọyịnyịna nị.

Ịjọọnụ 5:26

Ada amị ọnị ụvọta ọ zụ mẹ ka avaba aza ẹ̀ yàra nị. Avọọ ọ mẹ̀ rẹ mẹ ka Ozi anị ọnị ọ̀ rẹ zụ mẹ ka avaba aza ẹ̀ yàra nị.

Ịjọọnụ 5:27

Ọ rẹ raà sị ọda yị Ozi anị ka ọ̀ọ mẹ̀ ọkarẹyị, agụvị ka ọnị ọ vị Ozi ọza onigirima nị.

Ịjọọnụ 9:29

Imosiisi kẹnẹ ị yẹ ka Ohomorihi ộ kà ịrẹyịị yị nị; àa vị ọta amị ọnọọ yọ, yẹ yị yẹ ịzọọ hụrẹ vẹ.”

Odeyi 10:36

Wâ yẹ ụtụ oni Ohomorihi tụ́ hi Anisirẹrị nịnị. Ini oze Ijeesu Ikirisiti, ộ kà enube ọyịza ẹngwọọrọ yị aza. Ijeesu ọnọọ ọ nyị avaba ịsa nị.

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Aniroomi 1:4

Ama ini oze ka Ohomorihi ộ ha a hụụnị isu, ọnọọ ộ sị zụ̀ ka ịdị Ohomorihi ọ hụrẹ vẹ nị, ọnịrị ka Ozi Ohomorihi ọnị ọ sị avaba ụkata yị ọ vị nị.

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

1 Anịkọrịntị 2:7

Ịrẹyọyẹ ẹnẹ ẹmị aa sịị kà ịrẹyị vị ịrẹyọyẹ Ohomorihi oni iruvo anị nyịnẹ, ene eyi ọza ọ̀yị vịdị há tù. Ama hụrẹ ụmọrụmọ dị a va yẹ ka aa mẹ ẹhẹ, Ohomorihi ọ raà mẹ eto ịsa ẹnẹẹ ka ya va nyị tụ́ ịnị ụbanyị anị.

1 Anịkọrịntị 8:6

Ohomorihi ọnya ẹyị yẹ nị. Ọnị ọ rẹ vị Ada ayị nị. Ọnị ọ mẹ avaba ịsa nị, ọnị ị yàra yị nị. Ananyị yị rẹ vị ikonya chọchọchọ. Ọnị ọ vị Ijeesu ohinọyị oni Ohomorihi nyị ka ọ̀ dọ yị há nị. Ini oze anị Óhomorihi yà mẹ avaba ịsa nị. Ịnị ụvọ anị ẹhẹ ayị rẹ yà nị.

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Anẹhwẹsọsị 1:10

Ịsa oni Ohomorihi mẹ eto anị ka ọnị vaa mẹ ịjị ụmẹ òo si tù ọ vị ka, ọnị vaa kụ́ avaba ịsa ene hi ẹbẹẹba ọnịrị ẹhẹẹ gụ tụ́ ịdị Ikirisiti nị. Dị ahịka Ikirisiti ọ vị ka Ikirisiti ọ vị ohirẹsụ avaba ẹnịnị nị.

Anẹhwẹsọsị 3:9

Ohomorihi ọ rẹ mẹ mị ka ma sị zụ̀ aza, dị è re e Óhomorihi mẹmẹ aa mẹ̀ ịsa ọnị ọ vịdị mẹ eto anị tịtẹ. Hụrị ụmọrụmọ dị a va yẹ ka aa mẹ ẹhẹ, Óhomorihi ana mẹ avaba ịsa hụrẹ sị ịsa ọnọọ tẹ nị.

Iwe Ọhụhị Imosiisi ana aa hị́ Ọyịvatụrọda 18:15

Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị.

Iwe Ọhụhị Imosiisi ana aa hị́ Ọyịvatụrọda 31:29

Ọnị ọ yẹ ka ịrẹma ọnị ọnị wusu, ẹnịnị vee divi, di e yi avaba ịrẹyị ọnị ọnị ka yị wa tịtẹ. Ọ vavẹ ịrẹma ẹngụkata vee tù wa agụvị ka ệ mẹ̀ ịsa ana vị enyisi ana kụ́ Ẹnẹyịmavara ayị.

Iwe Ọhụhị Imosiisi ana aa hị́ Ọyịvatụrọda 4:30

Ụmẹ ọnị ụya aa rị wa, dị ẹngụkata ẹnẹnị ee tù wa nị, ịjọnọọ ẹ vaa varẹma ka Ẹnẹyịmavara na, dị ẹ wụ̀ chire e.

Anihiburu 1:5

Ẹ́ yị nyị anggẹẹrị oni Ohomorihi kà a yị da ka, “Ẹwa vị ozi emi nị, ajịnị mị ma wụ nị.” Ohomorihi ọọ̀ yị rẹ kà a yị anggẹẹrị ọnyọọnyị da ka, “ọnị vaa vị Ada anị, dị ọnị ọ rẹ vị ozi anị.”

Anihiburu 1:8

Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị.

Anihiburu 11:3

Agụvị ka Yáa sị ayị tụra Ohomorihi, ọnị ọ mẹ ka ya zụ yẹ ka ịrẹyị Ohomorihi ọ sị mẹ ẹhẹ nị; ọnị ọ vị ka ịsa ene hi ịnị ẹhẹ ọnị yaa sị eyi ayịị re aanị, vị ana hụụnị ịsa ọnị ọza ọ̀ yị zụ sị eyi re vẹ.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

Anihiburu 4:14

Yaa nyị ọza ịnya ana yà anka ohirẹsụ ọbanyị irehi Ohomorihi avọọ. Ọza ọnọọ ọ vị Ijeesu Ozi Ohomorihi ana zị nọ ẹbẹẹba nị. Agụvị avọọ, à vẹ ya sị ụvọ za ịsa ọnị ka yaa dọ wụ́ geri-geri.

Anihiburu 5:8

Ozi Ohomorihi ọ yị vị nị, ama ini oze ụya ọnị ọ rị, ộ kọ ịsị aā hị́ ka ọza ọ̀ wụ́ ịrẹyị chire Ohomorihi irenu.

Anihiburu 7:28

Ọda Imosiisi ộ nyị aza ẹnẹ ẹ̀ yị gụ ka ẹ vị ohirẹsụ ọbanyị irehi Ohomorihi. Ama oto oni Ohomorihi wo, ọ tụra ọda vẹ nị. Ọnị ọ nyị Ozi Ohomorihi ana a mẹ ka ọ gụ pooro zịna-zịna nị.

Anihiburu 7:3

Imerikizẹdẹkị ọ yị nyị ada, à vị ọnyị, ọ yị rẹ nyị ịpa ịrẹsụ ọnyọọnyị. Ẹ́ yị nyị ka ẹkụhị aanị-aanị a sị maa nị, ẹ́ yị rẹ nyị ka ịhị aanị-aanị o sú nị. Vị ọ sị mẹẹ anka Ozi Ohomorihi avọọ nị, ọnị ọ vị ohirẹsụ ọbanyị irehi Ohomorihi pooro nị.

Anihiburu 9:26

Àyị vị avọọ, vị ọ yaanị aa rị ụya ụmẹ tụra ụmẹ, ẹ́hẹ mẹ̀ hụrẹ nyima nị. Ama ộ vẹ ịnị ẹhẹ ọnọnị ụpẹ ọnya gene-gene ịnị ụmẹ ẹnẹ ẹhẹ aa vaa ta aanị, ka ọnị ọ̀ sị ẹngụ anị mẹ̀ ịsọvọ, dị ọ̀ kụ́ ịvị aza kwooze.

1Ipita 1:20

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ mẹ eto tịtẹ ka Ikirisiti vavọọ vaa mẹ nị. Dị ọ sị Ijeesu zụ̀ gedebee agụvị awụ nịnị ịnị ụmẹ ọdịrẹma ọnọnị, ẹnẹ ẹhẹ aa vaa ta aanị nị.

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,

Ijudi 1:18

Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì.