Anihiburu 1:1 - IWE ỌNỊNỊ

¹ Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.

Anihiburu 1:1 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Oyinyima 6:3

Di Ẹnẹyịmavara Ohomorihi va ka, “Mẹ yị vaa zẹẹ ka ọza ọ̀ ra ịnị ẹhẹ pooro zịna-zịna, agụvị ka òo si oo yị vi ee su nị. Ịrayị ẹchịhịnọnyị (120) kẹnẹ mị vaa zẹẹ ka ọ̀ ra ẹhẹ vị nị.”

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Iruuku 1:55

anka ọ mẹ̀ kà a yị ohiku ayị nịnị, ana vị Abụrahamị, ọnịrị ezi anị ka ọnị vaa vayị ẹnịnị pooro zịna-zịna.”

Iruuku 1:72

Ọ kà ọnị vaa vayị ohiku ayị, dị ọnị rẹ tamayị oto ọnịnị ọnị ọnị wo yị wa.

Iruuku 24:27

Dị Ijeesu ve nyima aa kà a yị wa ịrẹyị ana a kà ini oze anị tụ́ Iwe Ohomorihi nị. Ô nyima hụụnị ịsa oni Imosiisi kà huuu va ngụ ịsa ọnị ọnịsẹ nịnị kà.

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Ịjọọnụ 16:13

Ama ịhị Ụhwẹ Ọnịnị anaā sịị ịzẹyịzaa zụ̀, ọ̀ọ vẹ, ọ vaa mẹ ka wa yẹ avaba ịzẹyịza nịnị. Ọ yị vaa dà ẹ́ẹngụ anịị kà; ịrẹyị ọnọ ọ̀ọ wụ́ kẹnẹ, ọ vaa kà nị. Ọ rẹ vaa sịị zụ̀ wụ nịnị ịsa ana aa vẹ ụhwọọ.

Ịjọọnụ 7:22

Imosiisi ộ vịdị kà a wụ nịnị ka waa jị ozi ewu nịnị ụvẹvẹnẹ, ama ẹ yị vị Imosiisi ọnị ụvọta ọ kà a, ohiku awụ nịnị o nyima anị nị. Ụụ̄ hyakụụ jị ozi ọnọrụ awụ nịnị ụvẹvẹnẹ ịnị ẹkụhị ụhwọtụ.

Ịjọọnụ 9:29

Imosiisi kẹnẹ ị yẹ ka Ohomorihi ộ kà ịrẹyịị yị nị; àa vị ọta amị ọnọọ yọ, yẹ yị yẹ ịzọọ hụrẹ vẹ.”

Odeyi 13:32

Dị ẹyị raa kà enube ọyịzaa wụ nịnị, ka oto oni Ohomorihi wo yị ada ayị nịnị,

Odeyi 2:30

Idevidi vị ọnịsẹ, ộ yẹ ka Ohomorihi ô hyeku ka ọnya ini ezi anị ọ vaa vị ohinọyị ana vaa dọ Idevidi ịrẹsụ nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 3:21

 nyị ka Ijeesu ọ̀ yà ẹbẹẹba pooro dị ịsavị-ịsavị ẹ̀ vara ọwọọwa, anka Óhomorihi mẹ̀ vịdị kà a ini oze ọnịsẹ ọnịnị nịnị, a mẹ̀ hụrẹ mẹ ẹhẹ.

Anihiburu 11:18

Ini oze Ayiziiki ọnọọ a kà a ka Abụrahamị va zịị nyị ezi nị.

Anihiburu 11:2

Anụmẹ ịyẹẹyẹ ẹ́ẹ vavọọ sị ayị tụra Ohomorihi, dị Ohomorihi kà ọda yị wa nị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 2:2

Yée re ka ịrẹyị ana anggẹẹrị nịnị va kà yị aza vị ana jẹẹ. Ọza ana àa jịnẹẹ, dị ọ mẹ akamawụ hi ọọ nị, vị ana aa rị ụya oni o sì.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Anihiburu 3:5

Imosiisi ộ nyị ịzẹyịza ịnị ụkọrọ ọnị ọ mẹ ịnị akakana avaba aza Ohomorihi. Ama ozi ahụ kẹnẹ ọ vị nị. Ộ sị zụ̀ ịsị Ohomorihi vaa kà ị́rẹma ụhwọọ.

Anihiburu 4:8

Ijosuwa ọ̀ọ vịdị yaanị raà kụ́ ohiku ayị nịnị na ngụ ịnị ịzị Ohomorihi yà ka ẹ̀ẹ tụ́ ụhwọ́, Ohomorihi ọ́ yị kụkụ yaanị aa kà ịrẹyị ẹkụhị ọsa.

Anihiburu 5:5

Avọọ gẹdẹ-gẹdẹ ọ mẹ̀ rẹ vị yị Ikirisiti nị. Ọ́ yị sị ụbanyị yị ẹngụ anị ka ọnị ọ̀ vị ohirẹsụ ọbanyị irehi Ohomorihi. Ama Ohomorihi ọ́ kà a yọ ka: Ẹwa vị Ozi emi nị, ajịnị mị ma wụ nị.

Anihiburu 9:19

Ịpaapa, Imosiisi ộ vịdị kà a yị avaba aza ẹnẹẹ avaba ịsa a vọrọ ka ẹ̀ mẹ anka ọda Ohomorihi. Dị ọ va sị anya ozi imaaru ọnịrị ịdẹ beri enyi, dị ọ sị avị ana aā hị́ ihisopu ọnịrị ẹyị atẹmẹ ana a jị ngụ azọnọ ovivi, dị ọ jị ọọ ngụ anya ọnọọ ọnịrị enyi, di o chee sẹ́ iwe ọda ọnịrị aza ẹnẹẹ nị.