Anigaratiya 4:9 - IWE ỌNỊNỊ

⁹ Ama ụ mẹ̀ va sị Ohomorihi yẹ nịnị aanị, à vị ka Ohomorihi mẹ̀ sị wụ nịnị yẹ aanị, sị ẹ vẹ dị ụ kụkụ varẹma nọ ịnị ọda ini oze ẹhẹ ọnọnị ẹnẹ ẹ̀ yị nyị ụkata, dị ẹ̀ yị nyị ịsa ẹ nyị? Di u ree sì ka wa vị ọrịhị ẹnịnị bẹẹ?

Anigaratiya 4:9 ပူးပေါင်းရင်းမြစ်များ

1 Ohinọyị 8:43

Ẹ̀ẹ vavọọ mẹ, navọ kwogwo we batọ hụrẹ ẹbẹẹba ịzị ụ yà, dị wa mẹ avaba ịsị azọga ẹnẹẹ ẹ̀ẹ dá ịpẹ anị. Navọ wa vavọọ mẹ̀ ẹ agụvị avaba anẹhẹ ẹ̀ zụ yẹ wụ, dị ẹnị è re zụ hí angwa awụ anka aza awụ Anisirẹrị. Navọ ẹnị ẹ̀ rẹ zụ yẹ ka ẹwụ aa hị́ ini irehi ọnọnị ọnị mị dà wụ aanị nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Ahẹ Ụgama 1:6

Ẹnẹyịmavara vi ana sị eyi pe ẹhẹ ọza ana aa mẹ̀ ebira ana vọrọ ama ebira aza edivi vị ana vaa mẹ ka ẹ vú ẹtẹ.

Ahẹ Ụgama 9:10

Ẹnẹyịmavara, aza ana yẹ wụ vị ana vaa sị ayịị tụra wụ. Â yị nyị ọza ana vẹ ịda awụ da, ọnị ụ dụ varẹma.

Ọyịkụra 33:17

Dị Ẹnẹyịmavara kà a yị Imosiisi dị ọ ka, “Ịsị wàa ka ma mẹ, mị vaa mẹ̀ ẹ, agụvị ka mâ yẹ wụ ẹtẹẹtẹrẹ, di ebira awụ re zee mi eyi nị.”

Ụhịrẹyị 2:5

Ịjọnọọ ụ́ vaa yẹ Ẹnẹyịmavara dị wee hí angwa anị nị.

Ijeremaya 31:34

Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ihabaku 2:14

Aza ana yẹ Ẹnẹyịmavara dị ẹ sị ụbanyị yọ vaa rụrụ chi ẹhẹ ẹngụ anka enyi meē hi oku avọọ.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Iruuku 5:38

Agụvị avọọ â vọrọ ka à sị eyi-eche tụ́ ini okoko ọkatẹngụ.

Ịjọọnụ 10:14

Ama ẹmị ụvọta ọ vị ọza anaā tẹsị atẹmẹ ẹtẹẹtẹrẹ nị. Mâ yẹ aza amị, dị aza amị ẹnị rẹ yẹ ẹmị nị,

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Aniroomi 8:29

Aza oni Ohomorihi sị yẹ tịtẹ, dị ọ rẹ vịdị sị wa nyị tịtẹ ka ẹ̀ yà anka Ozi anị. Ozi anị ọnọọ ọ vaa vị ozi ịpaapa anị ịnị ẹnị ọrụrụ-ọrụrụ ana vọ ana vị ọyịnyara anị nị.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

1 Anịkọrịntị 13:12

Ịsa oni yee re booro aanị, vị ana sị mẹẹ ọza òo rere aa zị oze ini ore re ẹtẹ wura-wura avọọ. Ama ẹkụhị ọnya, i vee re wa eyi gẹrị eyi. Booro aanị, ẹ yị nyị ịsị mị zẹẹ yẹ; ama ịhị ọnọọ, mị vaa yẹ wa ẹtẹẹtẹrẹ, anka Óhomorihi ọnị mẹ̀ yẹ mị saka-saka.

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

1 Anịkọrịntị 8:3

Ama ọza ene èe sì ịrẹyị Ohomorihi, ọnị Óhomorihi yẹ nị

2 Anịkọrịntị 11:20

Ọza àaa za wụ nịnị ọrịhị, dị aa rị wụ nịnị ẹtẹ ahụ, di o ree bè wu nịnị nị, ọ̀ọ daka aa sị ẹngụ anịị tụ́ ẹba dị ọ raa nyị awụ nịnị arụhwọtọ nị, wa yị dọ yọ nịnị.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Anigaratiya 3:3

Ọnụra ụ wáá vị nịnị nị? Wáa sị ụkata Ụhwẹ Ọnịnị nyima nịnị. Sị ẹ vavẹ du u kuku ee sì ka wa sị ụkata ẹngụ awụ nịnị mẹẹ ne tù ẹtẹ nịnị?

Anigaratiya 4:3

Avọọ gẹdẹ-gẹdẹ ọ mẹ̀ rẹ yà yị ẹyị nị. Ịjị ị vị ozweyi (ọnị ọ vị ka yẹẹ̀ yị yẹ enube ọyịza), ịnị ụvọ ọda oze ẹhẹ ọnọnị ị yà nị.

Anẹhwẹsọsị 1:17

Maa mẹ̀ aduwa ka Ohomorihi Ijeesu Ikirisiti Ananyị yị ana nyị avaba ụbanyị ọ̀ sị Ụhwẹ Ọnịnị anaā mẹ ka ọza ọ̀ yẹ ịrẹyịị wụ nịnị; dị ọ̀ sị Ohomorihi zụ̀ wụ nịnị, dị ụ wa zụ yẹ ẹ nịnị.

2 Itimoti 2:19

Ama yáa yẹ ka ịsị Ohomorihi reè si hi ẹtẹ ẹtẹẹtẹrẹ, ọza o yi kuku zụ zizi ọọ. Â maanị chẹrẹ ẹ tụ́ ọọ ka, “Ananyị yị ộ yẹ aza ana vị aza anị.” A rẹ chẹrẹ ẹ ka, “Ọza ana àa ka ọza Ananyị yị ọ́nị vị nị, ọ̀ sị ụvọ hụụnị ebira odivi.”

Anihiburu 7:18

Ịrẹyị oni Ohomorihi vịdị mẹ ọda anị, ọ raà kụ́ ọ kwooze agụvị ka ẹ yị nyị ụkata, ẹ yị rẹ nyị ọgụ yị ọza.

2Ipita 2:20

Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.