Anigaratiya 4:8 - IWE ỌNỊNỊ

⁸ Ịjị ụ wẹ̀ẹẹ̀ yị yẹ Ohomorihi nịnị, wâ vị ọrịhị tụ́ ịnị ụvọ ori nịnị ẹnẹ ẹ̀ yị vị Ohomorihi.

Anigaratiya 4:8 ပူးပေါင်းရင်းမြစ်များ

1 Anịkọrịntị 8:4

Ini oze ịrẹyị ka áá zụ rị ịsa ana a sị mẹ̀ ịsọvọ yị ori nịnị, yâ yẹ ka ẹ yị nyị ịsị ori nịnị vị ịnị ẹhẹ. Ya rẹ yẹ ka Ohomorihi vị ọnya chọchọchọ.

2 Anịtẹsaronika 1:8

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.

1 Anịtẹsaronika 4:5

asị ọ na mẹ̀ ịsa odivi ọnị ọchẹngụ anịị̄ sì, anka aza ẹnẹ ẹ̀yị yẹ Ohomorihi mẹ̀ẹ̄ mẹ!

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

1Ipita 4:3

Ụmẹ ọnị vịdị sị mẹ̀ ịsa ọnị anarịmadọwụ nịnịị̄ mẹ avọọ, óo ze. Ịsị ụ vịdịị mẹ nịnị yị: Ebira kẹnẹ-kẹnẹ, ịsa edivi ọnị ọchẹngụ ọzaā sì, di u wee hú eche dị aa mẹrị wụ nịnị; dị ụ raa rị ịsa di u wee hú eche chavaa nịnị kẹnẹ. Ụ rẹẹ̄ hẹkẹ ori nịnị ana vị ịsa Ohomorihi ò yi sì vụrụ-vụrụ nịnị.

1 Anịkọrịntị 1:21

Ịnị ịrẹyọyẹ Ohomorihi, ọyị zẹẹ ka aza ẹ̀ sị ịrẹyọyẹ ẹngụ ẹnịnị yẹ ọnị. Ama Ohomorihi ọ́ọ vavọọ sì ọọ ka enube ọyịza ọnị yaa kà, ana aza ẹnyị ro ka ụra ọ vị nị, ka aza ana àa dọ ọ wụ́ ọnị ọ̀ dọ wa há.

Ayịsaya 37:19

Ộ rị avaba ori ẹnịnị ịra va ha. Ẹ yị nyị ịsị ori anẹkụra ẹnẹẹ vị. Uyi ana aza sị ọchị ọnịrị ịrẹta mẹ̀ ẹ vị nị.

2 Ịtọpa 13:9

Dị ọ dụ ohirẹsụ irehi Ẹnẹyịmavara ana vị ezi Eerọnị ọnịrị Anireevi nịnị. Dị ọ varẹma nyị ohirẹsụ irehi Ohomorihi anị anka anẹkụra ana vọ mẹẹ̄ mẹ̀ ẹ. Ọza tụra ọza anaa sị ụnọ a vị atẹmẹ ịhịmba ve, dị ọ nyị ẹngụ anị tụ́ irenyi anka ohirẹsụ irehi Ohomorihi ịsa ẹ yaa hị́ ori.

Anẹhwẹsọsị 4:18

Ayị ẹnịnị vị ịrahụ; ẹnịnị ẹ́ yị nyị tụ́ ịnị ẹhẹ obooro oni Ohomorihiī sịị yị ọza, agụvị ka ẹ yị nyị ịsị ẹ yẹ, dị ẹ rẹ yaa mẹ ayọkatẹngụ nị.

1 Anịkọrịntị 12:2

Wâ yẹ ka ịnị ụmẹ ọnị ụ vị anarịmadọwụ nịnị, â kụ́ wụ nịnị nyeeyi zị oze irenyi-irenyi na ngụ ịdị ori ẹnẹnị ẹnẹ ẹ̀ yị nyị ụhwẹ.

Ijeremaya 10:25

Ọ kà, ọ sị ọyịkụ anị zụ aza ana ka ẹnị ẹ yị yẹ ẹ; dị ẹnịnị ẹ yị maa hẹkẹ ẹ. Ẹnịnị ẹ sị aza Ẹnẹyịmavara wụ̀ ha; ẹ sị ẹnị vú ẹtẹ saka-saka, dị ẹ jị ẹkụra ẹnịnị eburu nị.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.

Ijosuwa 24:2

Dị Ijosuwa ka ọzọza batọ dị ọ wụ enube hụụnị ụvọ Ẹnẹyịmavara ana vị Ohomorihi Anisirẹrị. Dị ọ ka, ịnị ịyẹẹyẹ ohiku ẹnịnị vị ana ra akẹnẹ Okuha Iyuhwireti, dị ẹ yaa mẹ̀ ori ene hi ịzọọ. Avọọ ẹnịnị mẹ mẹẹ pooro ve tu Ịtẹra ọnịrị ezi anị ẹẹva Abụrahamị ọnịrị Ịnahọ̀.

Ọyịkụra 5:2

Di Ihwarawo ka, “Ẹ̀nị aā hị́ Ẹnẹyịmavara nịnị kẹ? Ẹ̀nị ọnọọ vị ana aa kà ịrẹyị ana vọrọ ka ọnị ò batọ anị, ọnị ọnị vaa hụ agụvị anịị hụrẹ Anisirẹrị nịnị ụvọ? Ọ kà ọnị ọ yị yẹ ka â vavọọ nyị Ẹnẹyịmavara. Dị ọ ka dị asị a kụ́ ịrẹka gọdọ, ọnị ọ yị vaa zẹẹ ka Anisirẹrị ẹ̀ na.”

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

Odeyi 17:23

M màa parahu ịnị ẹkụra awụ nịnị, di mi re avaba ịzị ụụ̄ mẹ hẹkẹ nịnị; mê re ụta ọnya anaa chẹrẹ ịsa tụ́ ka: ‘Ohomorihi ọnị ọza ẹ̀ yị yẹ.’ Ohomorihi ọnọọ ọnị ụ waa hẹkẹ nịnị, dị ụ wẹ̀ yị yẹ ẹ nịnị, m maa kà ịrẹyị anịị wụ nịnị aanị nị.

Odeyi 14:12

Dị ẹ ka Ịbanabasị ọ rị Iziyọsị, dị Ịpọọrụ ọnị rị Iherimesi nị, agụvị ka Ịpọọrụ ọ vị ọdọvịdị ịrẹyị ọyịkà nị.

Ịjọọnụ 1:10

Ọza ana vị Etohweyi obooro ọnọọ ọ vavẹ ịnị ẹhẹ; ini oze anị Óhomorihi hyakụ yà mẹ ẹhẹ nị, ama anẹhẹ ẹ yị va yẹ ẹ.

Ijeremaya 2:11

Ọ kà áá nyị anẹkụra ana ka a ka ẹnị ẹ yị kụkụ yẹ ori ẹnịnị da, ọọ daka vị ka ẹ yị nyị ịsị ori ẹnẹẹ vị? Ama aza anị ẹ raa sị ọnị ana mẹ ka a sị ụbanyị wa na dọ ori ẹnẹ ẹ yị nyị ịsị ẹ zụ mẹ yị wa.

Aniroomi 1:23

Ana a vọrọ ka ẹ̀ yaanị sịị sị ụbanyịị yị Ohomorihi ana yára pooro zịna-zịna, ê yi. Ẹ kụkụ aa hẹkẹ ịsa ana a bẹ véné ọzarẹyịrẹsụ ọnịrị inomi beri uye ọnịrị ẹwụ nịnị.

Ijeremaya 5:7

Ẹnẹyịmavara kà, si ẹ vẹ ọnị ọnị aa sịị vagu ịvị aza anị ẹnẹnị? Ẹnịnị ẹ raa hụrẹ ọnị ụvọ, dị ẹ naa hẹkẹ ori ẹnẹ ẹ yị nyị ịsị ẹ vị nị. Ọ kà, ọnị ộ sị avaba ịsị e yee si yị wa, ama vị ẹ yị naa sẹ̀ ịrẹka dị ẹ yaa hara nọ ịnị eehi ọsẹrẹka nịnị nị.

Ijeremaya 16:20

Ọza ọ́ọ́ zụ mẹ ori yị ẹngụ anị kẹ? Hịịn, ama ẹ́ yị vị ori obooro ẹ vị.

Anigaratiya 4:3

Avọọ gẹdẹ-gẹdẹ ọ mẹ̀ rẹ yà yị ẹyị nị. Ịjị ị vị ozweyi (ọnị ọ vị ka yẹẹ̀ yị yẹ enube ọyịza), ịnị ụvọ ọda oze ẹhẹ ọnọnị ị yà nị.