Anigaratiya 4:3 - IWE ỌNỊNỊ

³ Avọọ gẹdẹ-gẹdẹ ọ mẹ̀ rẹ yà yị ẹyị nị. Ịjị ị vị ozweyi (ọnị ọ vị ka yẹẹ̀ yị yẹ enube ọyịza), ịnị ụvọ ọda oze ẹhẹ ọnọnị ị yà nị.

Anigaratiya 4:3 ပူးပေါင်းရင်းမြစ်များ

Imatiwu 11:28

Ká mị vẹ nịnị, ẹwụ nịnị ana ayị anị sị vazi, di e reè kune ẹnya ọrata tụra wụ nịnị, ka mị vaa sị ụhwọtụụ yị wụ nịnị!

Ịjọọnụ 8:31

Dị Ijeesu kà a yị Aniju nịnị ana sị ayị tụra a ka, “Wàa yịị sị ụvọọ za ịrẹyị amị nịnị, ịjọnọọ ụ vaa vị ezirẹma amị obooro nịnị.

Odeyi 15:10

Agụvị avọọ, sị ẹ vẹ di u wee sì ka wa zama Ohomorihi re nịnị, di u wee sì ka we kune ẹnya tụra ezirẹma nịnị, ẹnya oni ohiku ayị nịnị beri ẹyị ẹ̀ yị zụ za?

Aniroomi 7:14

Yâ yẹ ka ọda vị ana hụụnị ụvọ Ụhwẹ Ọnịnị vẹ, ama ẹmị vị ọzarẹyịrẹsụ kẹnẹ. Ịvị ọ sị mị za ọrịhị,

Aniroomi 8:15

Ụhwẹ Ohomorihi ọnị ọ sị wụ nịnị ọ yị za wụ nịnị ọrịhị, ana zụ mẹ ka we kukuu hí angwa nịnị. Ama Ụhwẹ ọnọọ ộ sị ụkata yị ka ye zuu nowuu hị́ Ohomorihi ka; Ada ayị!

2 Anịkọrịntị 11:20

Ọza àaa za wụ nịnị ọrịhị, dị aa rị wụ nịnị ẹtẹ ahụ, di o ree bè wu nịnị nị, ọ̀ọ daka aa sị ẹngụ anịị tụ́ ẹba dị ọ raa nyị awụ nịnị arụhwọtọ nị, wa yị dọ yọ nịnị.

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

Anigaratiya 3:19

Sị ẹ vavẹ di a nyị ọda? Â nyị ọda, agụvị dị à yẹ ị́vị meme divi ini eyi Ohomorihi. Ọda ẹnẹẹ ẹ́ẹ jẹẹ chee di ozi Abụrahamị ọnọọ ọ̀ vavẹ, ene wo oto ọnọọ yị. Ohomorihi ọ́ọ sị ọda tụ́ anggẹẹrị nịnị vẹ, di a rẹ nyị ọza ana yà ịnị akakana aza ọnịrị Ohomorihi nị.

Anigaratiya 4:2

Ịjị ọ vị ozweyi, áa nyị aza ana sị eyi pee, dị ọ rẹ sị ụvọ za ụkọrọ anịị yọ pooro dị ò tù ụmẹ ana ada anị kà.

Anigaratiya 4:24

Avaba ẹsẹnị vị ene e si che ụhịrẹyị. Anẹẹ ẹyịva ẹnẹẹ vị ana jẹẹ yị oto ẹẹva oni Ohomorihi wo. Ihaga ana vị ọrịhị vị ana jẹẹ yị oto oni Ohomorihi wo ịrẹsụ ataba ana aā hị́ Ịsịnayị. Yẹ ka ezi ọrịhị ọnọọ vị ana a ma tụ́ ịnị ọrịhị.

Anigaratiya 4:25

Ihaga vị ana jẹẹ yị ataba Ịsịnayị ana yà ẹtẹ Arebiya. Avọọ ọ mẹ̀ rẹ jẹẹ yị Ijerusarẹmị ịnị ụmẹ ọnọnị nị, agụvị ka a rẹ sị Ijerusarẹmị za ọrịhị beri aza anị.

Anigaratiya 4:31

Agụvị avọọ, anda ayị nịnị, yẹ yị vị ozi ọrịhị, ọnyị ayị vị ozi obooro.

Anigaratiya 4:8

Ịjị ụ wẹ̀ẹẹ̀ yị yẹ Ohomorihi nịnị, wâ vị ọrịhị tụ́ ịnị ụvọ ori nịnị ẹnẹ ẹ̀ yị vị Ohomorihi.

Anigaratiya 4:9

Ama ụ mẹ̀ va sị Ohomorihi yẹ nịnị aanị, à vị ka Ohomorihi mẹ̀ sị wụ nịnị yẹ aanị, sị ẹ vẹ dị ụ kụkụ varẹma nọ ịnị ọda ini oze ẹhẹ ọnọnị ẹnẹ ẹ̀ yị nyị ụkata, dị ẹ̀ yị nyị ịsa ẹ nyị? Di u ree sì ka wa vị ọrịhị ẹnịnị bẹẹ?

Anikorasi 2:20

Wê wusu beri Ikirisiti nịnị, agụvị avọọ ẹ yị nyị ịsị ẹ kụkụ kụ́ ẹwụrị ori nịnị gẹ. Sị ẹ vẹ dị ụ kụkụ aa saasa ọda ẹnyị aanị nịnị ana kà a ka:

Anikorasi 2:8

Sị eyi pe ẹngụ awụ nịnị! Asị ụ zẹẹ ka ọzọnyị-ọzọnyị ọ̀ sị ịrẹyọyẹ ẹhẹ ọnịrị ịsa kẹnẹ-kẹnẹ vene wu nịnị! Ẹngụ ịrẹyọyẹ ẹnẹẹ ịnị ụvọ aza ọnịrị ori ana nyị ụkata hi ịnị ẹhẹ ọnọnị ẹ hụrẹ vẹ nị. Ayị vị ịda Ikirisiti ẹ hụrẹ vẹ.

Anihiburu 5:12

O si tù ka ẹwụ nịnị ọ̀ kụkụụ zụ̀ aza ịsa. Ama áa nyị ka à rẹ varẹma vaa zụ̀ wụ nịnị ịsa ịpaapa ini oze ịrẹyị Ohomorihi. O si tù ka wa yaanịị rị ịsa obooro nịnị, ama áa nyị ka à yịị sị ịrẹvaa kà wụ nịnị.

Anihiburu 7:16

Ẹ yị vị oze ọda Ovwoovu ọ sị vị ohirẹsụ irehi Ohomorihi. Ịsị ọ sị vị ohirẹsụ irehi Ohomorihi vị ana jẹẹ ịrẹsụ ụkata ọyịyara pooro zịna-zịna.