Anigaratiya 3:2 - IWE ỌNỊNỊ

² Mee sì ka wa kà ịsa ọnya yị mị nịnị: Agụvị ka wáa saasa ọda Aniju nịnị, ụ wáá sị dọ Ụhwẹ Ọnịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ?

Anigaratiya 3:2 ပူးပေါင်းရင်းမြစ်များ

Odeyi 15:8

Ohomorihi ana yẹ ayị ọza, ộ sị zụ̀ ka ọnị ộ dọ Anigiriki nịnị, agụvị ka ộ sị Ụhwẹ Ọnịnị yị wa, anka ọ mẹ̀ rẹ sị yị ẹyị.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 8:15

Ịjị e tù ịzọọ, dị ẹ mẹ̀ aduwa yị wa, ka ẹ̀ dọ Ụhwẹ Ọnịnị nị.

Aniroomi 1:17

Ini oze enube ọyịza, Ohomorihi ộ sị zụ̀, ọ mẹmẹẹ̄ mẹ ka aza ẹ̀ vị ọnịzẹyịza. Avaba anị ộ jẹẹ tụ́ ịrẹsụ ka ọza ọ̀ sị ayị tụra Ohomorihi hụụnị oyinyima ne tù ẹzẹtẹ; anka a mẹ̀ vịdị chẹrẹ ẹ tụ́ ini Iwe Ohomorihi ka: Aza ana vị ọnịzẹyịza (ini eyi Ohomorihi) vaa yàra, agụvị ka ệ sị ayị tụra a.

1 Anịkọrịntị 9:21

Mèe tù ịdị aza ẹnẹ ẹ̀ yị mā mẹ ẹhẹ ẹnịnị anka ọda Imosiisi, dị mị raà mẹ ebiraa véné wa, agụvị dị ma rẹ zụ mẹ ka ẹ̀ dọ Ijeesu Ohinọyị oni Ohomorihi nyị ka ọ̀ dọ yị há wụ́. Ẹ yị vị ka mị sị eyi wụ ọda Ohomorihi nị, ama ịnị ụvọ ọda Ijeesu Ohinọyị oni Ohomorihi nyị ka ọ̀ dọ yị há mị kụkụ yà nị.

2 Anịkọrịntị 11:4

Ọza ana àa vẹ kẹnẹ va kà enube Ijeesu ọyịza ọsa wụ nịnị, dị wụsẹ sị ọọ dọ nịnị. Ama ẹyị ẹ̀ẹ yị kà ẹngụ enube ọyịza ọnọọ wụ nịnị da. Waa dọ ụhwẹ ọsa ana jị Ụhwẹ Ohomorihi ọnị ụ vịdị nyị nịnị nyee. Ụ raa dọ enube ọyịza ọsa ana jị enube ọyịza ọnị ụ vịdị dọ nịnị nyee.

Anigaratiya 3:14

Ijeesu Ikirisiti ộ vavọọ mẹ, agụvị dị Ohomorihi ọ̀ zụ mẹ ka ò zé yị anarịmadọwụ nịnị, anka ọ mẹ̀ mẹ ka ò zé yị Abụrahamị; agụvị dị ẹyị ana sị ayị tụra Ijeesu Ikirisiti, ọ̀ zụ dụ Ụhwẹ Ọnịnị oni Ohomorihi kà a ka ayị zụ nyị ka ọnị ọyị vaa sịị yị.

Anigaratiya 3:3

Ọnụra ụ wáá vị nịnị nị? Wáa sị ụkata Ụhwẹ Ọnịnị nyima nịnị. Sị ẹ vavẹ du u kuku ee sì ka wa sị ụkata ẹngụ awụ nịnị mẹẹ ne tù ẹtẹ nịnị?

Anigaratiya 3:5

Ụ wáá ka agụvị ka wáa saasa ọda nịnị, Óhomorihi aa sịị sị Ụhwẹ Ọnịnị wụ nịnị, dị ọ raa mẹ̀ ụkọrọ ohyozirenu ịnị akakana awụ nịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ?

Anihiburu 2:4

Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.

Anihiburu 4:2

A ma rẹ kà enube ọyịza ọnọnịị yị aanị, a rẹ kà a yị ẹnị ịnị ụnọmị nị. Ama ịrẹyị ana a kà yị wa ẹ yị mẹ ọgụvọ yị wa vụrụ-vụrụ, agụvị ka ẹ mẹ̀ wụ́ ọ, ẹnịnị ẹ yị dọ ọ wụ́.

Anihiburu 6:4

Aza ana àa raà sị ẹtohweyi Ohomorihi zụ̀, dị ẹ rẹ raà dá ẹyịza Ohomorihi ree nị, dị ẹ rẹ sị nyị tụ́ ịnị Ụhwẹ Ọnịnị nị, ẹ̀ẹ kụkụ na varẹma, ọ́ọ tụ́ akanya dị à kụkụ zụ mẹ ka e rọ ịnẹ varẹma.

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.