Anigaratiya 2:9 - IWE ỌNỊNỊ

⁹ Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

Anigaratiya 2:9 ပူးပေါင်းရင်းမြစ်များ

2 Ohinọyị 10:15

Ijehu ộ hụụ ịzọọ, dị ọ na gẹrị Ijehonadabi ozi Irekabi oze nị. Ijehu ộ kụ́ ọ, dị ọ ka: Ẹmịrị ẹwụ vị eneē ro ịrẹyị ọnyọọnya. Ụ wáá vị aza amị? Dị Ijehonadabi ka ịịndẹ ọnị aa vị aza anị nị. Ijehu ộ kà a yọ ka ọ sị ụvọ anị vẹ, dị ẹ dọ ẹngụ ụvọ, dị Ijehu sị ọ hịrẹ ịkẹkẹ ịrẹkụ anị nị.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Iruuku 22:8

Dị Ijeesu tụ́ Ipita ọnịrị Ịjọọnụ kà è ne tenyi ịsa Eche Ọyịparahu tịtẹ, dị ẹnị ẹ̀ na rị ọ nị.

Ịjọọnụ 1:42

Dị Andụrụ sị Ipita vẹ ịdị Ijeesu nị. Ịjị Ijeesu re e, dị ọ kà a yọ ka, “Ẹ wa vị Ịsayịmọnị ozi Ịjọọnụ nị. Ẹwa kụkụ rẹ vaa rị Ikehwasi nị.” (Iruvo “Ikehwasi” ọ vị “ịrẹta” nị.)

Odeyi 12:17

Di o mi wa ụvọ ka è kú irenu nị. Dị ọ kà a yị wa, Ánanyị yị mẹmẹ sị ọ hụụnị ẹngwa nị. Dị ọ hụụ ịzọọ nọ aha ọsa nị.

Odeyi 15:13

Ịjị ẹ sị ịrẹyị ẹnịnị kà ta, dị Ijemiisi tụ́ ohi nị, dị ọ ka, “Ẹwụ nịnị ẹyịnyara amị! Batọ ịrẹyị amị nịnị!

Odeyi 15:7

Ịjị ẹ da ahankata nyị, di Ipita kwẹẹtẹ, dị ọ ka, “Anda ayị nịnị, wâ yẹ nịnị ka ịnị ụmẹ ọnya o si kù aanị, Ohomorihi ộ nyị mị hụụnị akakana awụ nịnị ka ma na kà enube ọyịza yị Anigiriki nịnị, agụvị dị ẹ̀ zụ dọ wụ́.

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

Aniroomi 1:5

Ikirisiti ô nyị mi iyi ka ma vị ozirẹma anị, dị ma zụ sị oze zụ̀ avaba anẹhẹ ka ẹ̀ sị ayị tụra a, dị ẹ̀ rẹẹ wụ́ ịrẹyị chire Ohomorihi. Mi vavọọ aa mẹ agụvị ịrẹha anị.

Aniroomi 12:3

Ohomorihi ộ vayị amị ẹtẹẹtẹrẹ, agụvị avọọ maa kà a yị avaba awụ nịnị ka: Asị a nyị ọza ene ne re ẹngụ anị huna ọpa ọnọọ vị ịnị awụ nịnị! Ama ọzọza ọ̀ sị ụvọ za ẹngụ anị ịnị ẹngụ ịrẹyị oni u wèe ro nịnị! Anka Óhomorihi ọ̀ọ mẹ̀ sị ụkata yị ọzọza ka ọ̀ dọ wụ́, ọzọza ọ̀ vavọọ yẹ ẹngụ anị!

Aniroomi 15:15

Ama ini iwe amị ọnọnị, â nyị ịrẹyị ẹnyị, ana ahịka beri ọtụtụrụma mị sị chẹrẹẹ nị, ọnị mị tama wụ nịnị ayị anị. Ayị amị ộ vị́, agụvị ka Ohomorihi ô nyị mị iyi

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

2 Anịkọrịntị 11:5

Me yi ro ka aza ọnị ụ waa hị́ ọga ezirẹma Ijeesu nịnị avọọ, ka â nyị ịsị e si huna mị ini oze ọnyọọnyị.

2 Anịkọrịntị 12:11

Maa kà ịrẹyị anka ọnụra avọọ, ama ẹwụ nịnị ọ mẹ ka ma maanị wo oto, di maa ga ẹngụ amị nị. Ẹwụ nịnị a vọrọ ka ọ̀ọ ga ẹmị nị, ẹ̀ yị daka nyị ịsị mị vị, aza ọnị ụ sị mẹ ọga ezirẹma Ijeesu nịnị avọọ, e yi huna mị ini oze ọnyọọnyị.

2 Anịkọrịntị 8:4

Ệ da ịpẹ yị ẹtẹẹtẹrẹ ka à nyị ẹnị iyi dị ẹnị ẹ̀ nyị ụvọ tụ́ ẹkẹhị ọyịsị yị aza Ohomorihi.

Anigaratiya 1:16

dị ọ sị Ozi anị zụ̀ mị ka ma nyẹngụ kà enube ọyịza anị yị anarịmadọwụ nịnị nị. Ụmẹ ọnọọ ẹ yị nyị ọza ọnyọọnyị oni mi sị pe gẹ eyi.

Anigaratiya 1:18

Ịrayị ẹẹta ọ sị mẹ, dị mị va nọ Ijerusarẹmị ka me ne hee Ipita. Máa yà ịda anị mẹ ẹkụhị ẹwụrẹhị.

Anigaratiya 2:1

Ịrẹma ịrayị ẹwụrẹna para hu, ẹmịrị Ịbanabasị ọ́ọ varẹma nọ Ijerusarẹmị, dị mị rẹ sị Ịtayịtọsị za nị.

Anigaratiya 2:2

Máa na, agụvị ka Ohomorihi ọ́ọ sị zụ̀ mị ka ma nọ ịzọọ. Ẹ́mịrị ọdọvịdị nịnị kẹnẹ mẹ̀ nyị eyọgẹ, dị mị kà avaba anị yị wa enube ọyịza ọnị maa kà a yị anarịmadọwụ nịnị nị. Me yi sì ka ụkọrọ ọnị mị vịdị mẹ ọnịrị ọnị maa mẹ̀ aanị ò vị osusu kẹnẹ.

Anigaratiya 6:3

Àa nyị ọza ene ro ka áa nyị ịsị ọnị vị, ịnị ụmẹ ana ahịka ẹ yị nyị ịsị ọ vị, ọza ọnọọ ee vene ẹngụ anị.

Anẹhwẹsọsị 2:20

Ẹwụ nịnị rẹ yà ini irehi ọnọọ ana odeyi nịnị ọnịrị ọnịsẹ nịnị ká ẹtẹ. Ijeesu Ikirisiti ọnị ụvọta ọ vị ohyẹtẹ irehi ọnọọ nị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

Anikorasi 1:29

Agụvị avọọ m maa sị avaba ụkata oni Ohomorihi sị mịị mẹ̀ ụkọrọ ọnọnị nị. Maa vụrị ka ma zụ mẹ̀ ụkọrọ ọnọọ ta.

1 Itimoti 3:15

agụvị mèe ne kù, dị iwe ọnọnị ọ̀ navọ ka wa yẹ, a mẹ̀ vọrọ ka aza ẹ̀ẹ mẹ̀ ebira ịnị akakana aneehi Ohomorihi ana vị ịragụ Ohomorihi ana yára. Aneehi Ohomorihi vị ohinẹ ọnịrị ohyẹtẹ ana za ịzẹyịza jẹẹ nị.

1 Ịjọọnụ 1:3

Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.

Ẹtore 3:12

Ọza ana àa nyị ehuna, mị vaa sị ọọ mẹ ohinẹẹ tụ́ ini irehi Ohomorihi amị, ọyị kụkụ vaa hụụ ịzọọ pooro. Mị vaa chẹrẹ ịrẹha Ohomorihi amịị tụ́ ọọ ẹngụ, ọnịrị ịrẹha ẹkụra Ohomorihi amị ana vị Ijerusarẹmị ọwọọwa ana vaa hụrẹ ẹbẹẹba ịda Ohomorihi amịị chíi vẹ. Dị mị rẹ chẹrẹ ịrẹha amị ọwọọwa tụ́ ọọ ẹngụ.