Anigaratiya 2:7 - IWE ỌNỊNỊ

⁷ Ama ọdọvịdị ẹnẹẹ e si oo re ka Ohomorihi ọ́ọ sị enube ọyịza chire mi ụvọ ka maa kà a yị aza ẹnẹ ẹ̀ yị mā jị ụvẹvẹnẹ, anka ọ mẹ̀ rẹ sị yị Ipita ka ọ́ọ kà enube ọyịza yị aza anaā jị ụvẹvẹnẹ.

Anigaratiya 2:7 ပူးပေါင်းရင်းမြစ်များ

Odeyi 15:12

Ịbanabasị ọnịrị Ịpọọrụ ệ kwẹẹtẹ, dị ẹyaa kà a ụkọrọ ohyozirenu ọnịrị apọtẹrẹwa oni Ohomorihi zị oze ịnị ụvọ ẹnịnị mẹ ịnị akakana Anigiriki nị. Ẹ màa kà a, dị avaba ẹnịnị kú irenu nị.

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

Odeyi 28:28

Dị Ịpọọrụ ka, “Dụ wa yẹ nịnị ka a raà kà enube ẹdọha Ohomorihi yị Anigiriki nịnị. Ẹnịnị vaa sị ụtọọ pee!”

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Aniroomi 1:5

Ikirisiti ô nyị mi iyi ka ma vị ozirẹma anị, dị ma zụ sị oze zụ̀ avaba anẹhẹ ka ẹ̀ sị ayị tụra a, dị ẹ̀ rẹẹ wụ́ ịrẹyị chire Ohomorihi. Mi vavọọ aa mẹ agụvị ịrẹha anị.

Aniroomi 11:13

Ẹwụ nịnị ẹnẹ ẹ̀yị vị Aniju mị kụkụ aa kà ịrẹyịị yị booro aanị nị. Ẹma vị odeyi ana aa mẹ̀ ụkọrọ ị́da Anigiriki nị. Udi amị ọnọọ vị ọnị mị nyayịnẹ sị ụbanyị yị.

1 Anịkọrịntị 9:17

Àa vị ẹmị kẹnẹ ọ sị ayị amị sị ọọ ka maa mẹ̀ ẹ nị, mị yaanị ee họ̀ use ka èe sí mi ụta. Ama ẹ yị va vị ẹmị kẹnẹ ọ nyị ụkọrọ ọnọọ yị ẹngụ amị. Ohomorihi ọ mẹ ọda ụkọrọ ọnọọ, dị ọ sị ọọ chire mi ụvọ nị.

Anigaratiya 1:16

dị ọ sị Ozi anị zụ̀ mị ka ma nyẹngụ kà enube ọyịza anị yị anarịmadọwụ nịnị nị. Ụmẹ ọnọọ ẹ yị nyị ọza ọnyọọnyị oni mi sị pe gẹ eyi.

Anigaratiya 1:18

Ịrayị ẹẹta ọ sị mẹ, dị mị va nọ Ijerusarẹmị ka me ne hee Ipita. Máa yà ịda anị mẹ ẹkụhị ẹwụrẹhị.

Anigaratiya 1:6

Ho! Ịrẹyị awụ nịnị ọ́ọ da hí mi irenu kẹnẹ! Wáa wụsẹ jịnẹ sị và hụrẹ ịrẹma Ohomorihi ana hị́ wụ nịnị ini oze ayamva Ikirisiti, ụ kụkụ aa dụ enube ọsa.

Anigaratiya 2:11

Ụmẹ ọnya, Ípita mẹ̀ vẹ Antịyọkị, mê beri ọọ zyaazị éyi avaba aza, agụvị ka ịsị ọ mẹ, o yi zoza.

Anigaratiya 2:14

Agụvị avọọ, m mè re ka ẹnịnị ẹ yị và tụra oze ịzẹyịza enube ọyịza, dị mị kà a yị Ipita éyi avaba ẹnịnị ka, “Ẹwụ vị Aniju, ama waa mẹ anka anarịmadọwụ avọọ, wẹ yị mẹ anka Aniju; sị ẹ vẹ dị waa sị ụkata za ọdọwụ ẹnẹ ẹ̀ yị vị Aniju aanị ka ẹ̀ẹ mẹ anka Aniju nịnị?”

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

1 Anịtẹsaronika 2:4

Ohomorihi ộ dọ ka yáa vị aza ana a vọrọ ka ọnị ọ̀ sị enube ọyịza chire ụvọ. Agụvị avọọ, avọọ ị màa kà ịrẹyị nị. Yẹ yị kà ịrẹyị ene zé aza eyi; ama ịrẹyị ene zé Ohomorihi eyi, ị yaa kà nị. Ọnị ọọ̄ zama ayị ayịị re nị.

1 Itimoti 1:11

Ịrẹyị ọnọọ vị enube ọyịza Ohomorihi ana nyị avaba igirima ọnịrị avaba ụbanyị. Ọnị ọ sị ọọ chire mi ụvọ nị.

1 Itimoti 2:7

Agụvị avọọ Óhomorihi nyị mị ka ma vị odeyi, dị maa kà enube ọyịzaa yị aza nị. Dị ma rẹẹ sịị zụ̀ anẹhẹ ka ẹ̀ sị ayị tụra Ohomorihi, dị ẹ̀ rẹẹ mẹ ịzẹyịza. Me yi cheeche, ịzẹyịza m maa kà nị.

2 Itimoti 1:11

Agụvị enube ọyịza ọnọọ Óhomorihi nyị mị ka ma vị odeyi, dị maa kà a, dị ma rẹ sịị zụ̀ aza nị.

2Ipita 3:15

Yẹ nịnị ka iruvo ana Ananyị yị sị nyị isuuru ọ vị ka we re oze há nịnị nị! Avọọ gẹdẹ-gẹdẹ Ị́pọọrụ ẹnẹbẹnị ayị oni i sí ịrẹyị anị, mẹ̀ chẹrẹ iwe tụ́ hi wu nịnị nị. Ohomorihi ọ vavọọ sị ịrẹyọyẹ yọ nị.