Anigaratiya 2:1 - IWE ỌNỊNỊ

¹ Ịrẹma ịrayị ẹwụrẹna para hu, ẹmịrị Ịbanabasị ọ́ọ varẹma nọ Ijerusarẹmị, dị mị rẹ sị Ịtayịtọsị za nị.

Anigaratiya 2:1 ပူးပေါင်းရင်းမြစ်များ

Odeyi 11:25

Dị Ịbanabasị nọ Ịtasọsị ka oni ò ne sì Ịsọọrụ nị.

Odeyi 11:30

Ịzẹyịza, dị ẹ vavọọ mẹ nị. Dị ẹ sị ịsị e re tụ́ Ịbanabasị ọnịrị Ịsọọrụ hi azọkụ ịragụ Ohomorihi ene hi Ijerusarẹmị nị.

Odeyi 12:25

Ị́banabasị ọnịrị Ịsọọrụ mẹ̀ sị ụtụ ẹnịnị zị ta, dị ẹ hụrẹ Ijerusarẹmị aa vẹ, ệ sị Ịjọọnụ ọnị ịrẹha ẹtẹ anị rị Ịmaakị za.

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 14:12

Dị ẹ ka Ịbanabasị ọ rị Iziyọsị, dị Ịpọọrụ ọnị rị Iherimesi nị, agụvị ka Ịpọọrụ ọ vị ọdọvịdị ịrẹyị ọyịkà nị.

Odeyi 15:25

Ị mẹ̀ gẹ, avaba ayị ộ dọ ka ô zoza ka ya tụ́ hi wu nịnị. Agụvị avọọ ị nyị aza, dị ị tụ́ wa saasa Ịbanabasị ọnịrị Ịpọọrụ nị. Yee sì ịrẹyị ẹnịnị ẹtẹẹtẹrẹ.

1 Anịkọrịntị 9:6

Ịnị avaba Ézirẹma Ijeesu, ẹmịrị Ịbanabasị kẹnẹ ọ́ọ́ vọrọ ka ọ̀ọ mẹ̀ ụkọrọ ọnị yaa rị nị?

2 Anịkọrịntị 2:13

Ama ayị amị ọ sị vazi, agụvị ka me yi re Ịtayịtọsị ọyịnyara amị. Dị mị hụụ ịzọọ, dị maa nọ Imasedoniya nị.

2 Anịkọrịntị 8:16

Yâ kụ́ Ohomorihi avọọ ka ộ mẹ̀ ka Ịtayịtọsị ộ sị ayị sì ịrẹyị awụ nịnị, anka ẹyị mẹ̀ rẹẹ mẹ

2 Anịkọrịntị 8:23

Àa vị Ịtayịtọsị yọ, ẹmịrị ọ, o dudu aa mẹ̀ ụkọrọ ka ya gụ wụ nịnị ụvọ nị. Anda ayị ana vọ ana saasa a, vị ọnụtụ anịragụ Ohomorihi, dị ẹ rẹ yaa sị ụbanyị vaa yị Ikirisiti nị.

Anigaratiya 1:18

Ịrayị ẹẹta ọ sị mẹ, dị mị va nọ Ijerusarẹmị ka me ne hee Ipita. Máa yà ịda anị mẹ ẹkụhị ẹwụrẹhị.

Anigaratiya 2:13

Ọdọwụ Aniju ana vọ tụ́ ịzọọ, ẹnị raa hama Ipitaa zị ụsẹ ogevegeve. Ịbanabasị bẹẹ vị ẹnẹẹ rẹ hyakụ tura tụ́ ịnị ụsẹ ogevegeve ọnọọ.

Anigaratiya 2:3

Ama ọza ọ yị sị ụkata za Ịtayịtọsị ana hyakụ vị Anigiriki ka ọ̀ jị ụvẹvẹnẹ.

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

Anikorasi 4:10

Arisitakọsị ẹnẹ ẹmịrịị yà ịnị ẹngwa ịzẹnị ka ọnị kụ́ wụ nịnị. Ịmaakị, ozi ọyịnyara Ịbanabasị, ka ọnị rẹ kụ́ wụ nịnị. Màa vịdị sị ọ kà a wụ nịnị ini oze anị ka ọ̀ọ vẹ ịda awụ nịnị, we sì ọọ ọzọga nịnị.

Ịtayịtọsị 1:4

Maa chẹrẹ iwe tụ́ụ hi wu, ozi emi Ịtayịtọsị, agụvị ka ẹmịrị ẹwụ óo dudu sị ayị tụra Ijeesu. Ohomorihi Ada ayị ọnịrị Ijeesu Ikirisiti Ọdọzaha ayị ẹ̀ mẹ ọyịza yị wụ o.