Ẹ ka ộ rẹ kà a yị ẹnị bẹẹ ka asị ẹnị dà irehi, asị ẹnị da aarẹ, asị ẹnị da ụbazị ịvayịnị, dị asị ẹnị rẹ hị́ ẹngụ ịsa ẹnẹnị vụrụ-vụrụ. Ẹ ka ộ mẹ̀ ẹ ọda yị ẹnị ka ịnị ajẹngụ ẹnị vaa ra pooro anka ọzọga avọọ, ụvị dị ẹnị è ku orubo ịnị ọnọnị nị.
A sị ụ rị ọ agụvị dị avaba ẹhẹ awụ ò zoza yị wụ, di ò re zoza yi ezi ewu ịrẹma awụ. Ọ vavọọ vee zozaa yị wụ agụvị ka waa mẹ̀ ịsa ana vọrọ ini eyi Ẹnẹyịmavara.
Sị eyi pe ẹtẹ dị ụ wa saasa avaba ịrẹyị ọnị mị mẹ ọda yị wụ aanị, agụvị dị ò ze yị ẹwụrị ezi pooro zịna. Ọ vavọọ vee zee yị wụ agụvị ka waa mẹ̀ ịsa ene zoza, dị ọ rẹ vọrọ ini eyi Ẹnẹyịmavara Ohomorihi awụ.
Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.
Sị ụbanyị yị ọnyị awụ ọnịrị ada awụ anka Ẹnẹyịmavara ana vị Ohomorihi awụ agụvị dị we zụ kú orubo, dị o zee yị wụ ịnị ẹtẹ ọnị Ẹnẹyịmavara ana vị Ohomorihi sịị yị wụ.
