Ahẹ Ụgama 74:3 - IWE ỌNỊNỊ

³ Ọnịvị ayị e reè du avaba irehi awụ ha saka-saka. Maanị yị jị ahụ ngụ ịzọọ kẹnẹ di we re e.

Ahẹ Ụgama 74:3 ပူးပေါင်းရင်းမြစ်များ

2 Ohinọyị 25:9

Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị.

Inehemaya 1:3

Ẹnịnị ệ tụ Inehemaya ohi ka aza ana vọ tụ eehi vị ana ya ịnị akanya obobooro. Ẹnịnị vị ana ya ịnị ẹngụkata, dị anẹhẹ ana vọ ee nyi wa unyi. Ẹ ka ọvọ ana a jị kara Ijerusarẹmị e ku wu, dị avaba oze ọbanyị Ijerusarẹmị kụ́ rị ịra nị.

Inehemaya 2:13

Ịrahụ ọnọọ, o ne re ọvọ ene e wu ọnịrị ukere oze ana ngụ ẹkụra nịnị ana a rị ịra. Ẹnịnị ệ zị oze ọbanyị inozi ngụ ịnị oswe ana aā hị́ agụgụ, dị ẹ hụrẹ ịzọọ na ngụ oze ọbanyị ọsa ana va eyi ka ututu.

Inehemaya 2:3

Dị Inehemaya kà, “taarụ! U vee ku orubo ọcha, orubo ẹya”. Ọ kà, sị ẹ vị ayohine anị ịrẹma ọnị ẹkụra ene e ne ohiku ẹnịnị tụ sị vara eburu, dị ukere oze ana na ngụ ẹkụra kụ rị ịra va ha.

Ahẹ Ụgama 44:23

Ẹnẹyịmavara, vị waa sụ ara nịị? Navọ wa kwẹẹtẹ kwogwo 2 Navọ asị ụ maanị hi ayị pooro dê!

Ahẹ Ụgama 44:26

Mâ yẹ ka vị ụụ̄ sì ịrẹyị ọza pooro nị, navọ wa va dọ yị tụ́.

Ahẹ Ụgama 79:1

Ohomorihi, wéē re anẹkụra ẹhịmị ẹnẹnị ẹnị ẹ̀ yị yẹ wụ mẹ̀ vẹ dị ẹ kụ́ ịrẹkụ ve tụ́ aza ọnị ụ sị mẹ aza awụ. Ệ za irehi awụ, e si o du ẹngụ, dị ẹ za Ijerusarẹmị dị ẹ jị ọ eburu nị.

Ayịsaya 10:6

ka me si tụ́ aza ẹnẹ ẹ̀ yẹ ẹmị Ohomorihi. Mâ tụ́ wa ka ẹ̀ na kụ́ ogu aza ana mẹ ayị kụ́ mị. Mị ka ẹ̀ na vara wa eteesu dị ẹ̀ẹ kụ́ ahụụ hi wa ini orere.

Ayịsaya 25:10

Ẹnẹyịmavara vee sere ataba Ịzayọnị. Ama Imowabi vị ọnị ọ vaa kụ́ ahụụ hii za ẹtẹ, dị ọ mẹ̀ ụhị nyị ọ ẹtẹẹtẹrẹ.

Ayịsaya 61:4

Ẹnịnị vee tenyi eburu ị́yẹẹyẹ dà Ẹ vaa varẹma tenyi avaba ẹkụra ana jị eburu hụrẹ ụmọrụmọ dà.

Ijeremaya 52:13

Dị ọ rị irehi Ohomorihi ịra nị. Ộ rẹ rị irehi ohinọyị ọnịrị irehi aza ọkọọka ene hi Ijerusarẹmị ịra.

Arụwẹ 1:10

Ọnịvị ẹnịnị ẹ raà kụ avaba ogu ẹnịnị. Ẹnịnị ê re ọnịvị ẹnịnị maa ngụ ịnị irehi Ohomorihi, ịzị Ẹnẹyịmavara kà ọọ vị aha eenyisi yị aza ẹnẹ yị vị Aniju ka ẹ̀ ngụ.

Ịdanịyẹrị 11:31

Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ.

Ịdanịyẹrị 9:17

Ohomorihi ayị, navọ wa wụ́ aduwa ọnịrị ịpẹ ọnị maa da aanị. Irehi ahẹkẹ awụ ene du và hí ẹtẹ aanị, navọ wa varẹma tenyi ọ dā jẹẹ e tenyi ọ da dị avaba aza ẹ yẹ́ ka ẹwa vị Ohomorihi nị.

Ịdanịyẹrị 9:27

Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.

Imika 1:3

Ẹnẹyịmavara ọ sị hụrẹ ịzị ọ yà aa vẹ. O vee chii vẹ dị ọ̀ vaa zị ụsẹ ịrẹsụ ataba nịnị.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Ịmaakị 11:17

Dị aa zụ̀ wa ịsa nị, dị ọ ka, “Aanịka Iwe Ohomorihi ọ yị vịdị sị ọọ kà ka: ‘A vaa hị́ irehi amị ịzị avaba anẹhẹẹ̄ mẹ̀ aduwa’? Ama ẹwụ nịnị ọ kụkụ sị ọọ vara ịzị anako nịnịị̄ tẹ̀.”

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Ijosuwa 10:24

Ịrẹma ọnị Ijosuwa raa hị́ avaba isoja gụ, dị ọ kà ẹnị ọdọvịdị isoja anị ana nọ ịrẹkụ ohinọyị ẹnẹẹ, ẹ sị ahụ hi wa ọrọkọ jẹẹ. Dị ẹnịnị mẹ ịsị Ijosuwa kà yị wa nị.

Ẹtore 11:2

Ama asị ọnịngọ ẹtẹ ana kara irehi Ohomorihi avọọ; ma naavọ tịtẹ, agụvị ka anarịmadọwụ nịnị a sị yị nị. Ẹnịnị vaa kụ́ ahụụ hi ẹkụra Óhomorihi ọnọnịị mẹ̀ ụhwẹ ẹbẹẹva tụra ẹẹva (42).