Ahẹ Ụgama 67:4 - IWE ỌNỊNỊ

⁴ Navọ kwogwo wa mẹ ka anẹhẹ ẹ̀ẹ jẹ dị ẹ̀ẹ jị ahẹ. Ịzẹyịza ẹwụ aa sịị mẹ̀ ọkarẹyị aza nị. Ẹwụ aa sị oze zụ̀ anẹhẹ nị.

Ahẹ Ụgama 67:4 ပူးပေါင်းရင်းမြစ်များ

Ahẹ Ụgama 98:9

Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.

Ahẹ Ụgama 9:8

Ịzẹyịza ọ vaa sị mẹ̀ ọkarẹyị anẹhẹ nị. Ịzẹyịza ọ rẹ vaa sị mẹ ịjọvaa tụra wa nị.

Ahẹ Ụgama 82:6

Emi e si o ro ka wâ nyị ụkata nịnị, dị ẹmị aa hị́ ka avaba awụ nịnị vị ozi Ohomorihi ana yà ẹbẹẹba keekere nị.

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

Ayịsaya 55:4

Re, Ẹma mẹ̀ ẹ onivenu yị aza nị, dị mị mẹ̀ ẹ ọdọvịdị ọnịrị ọga isoja yị aza anị,

Ahẹ Ụgama 96:10

Waa kà a yị aza nịnị ka Ẹnẹyịmavara ọ vị ohinọyị nị. Ọ raà sị ẹhẹ jẹẹ nganganga, o yi zụ henyi Àa mẹ̀ ọkarẹyị aza, ọ yị vaa mẹ eyida.

Ahẹ Ụgama 2:8

Kà a ka ma sị avaba ẹhẹ yị wụ dị ọ̀ vi ogu awụ, m maa sị yị wụ nị. Dị ahịka ẹwa nyị huu na ngụ ịzị ẹhẹ na ta hi nị.

Iwe Ọhụhị Imosiisi ana aa hị́ Ọyịvatụrọda 32:43

Ẹwụ nịnị anẹhẹ wee beri Anisirẹrị aza anị jẹ ịrajẹ agụvị ka ọnị vaa sị ụya rị anaa wụ̀ wa. Ọnị e si ọnịvị atọ, dị ọnị jị eyi ve hụụnị ịvị aza anị.

Oyinyima 18:25

Ọchị ọnọọ ị́rẹsụ, ọnị ọ yẹ ka ộ yị zụ vavọọ mẹ, ọ ka ọ yị vaa wụ̀ aza ọyịza ọnịrị aza edivii vaa bẹ, dị ahịka ịngọ ọnya ọ vana sị aza ọyịza ọnịrị aza edivi nị. Ọchọnọyịrẹsụ! Ọ kà Ohomorihi ana vị ọmọkarẹyị avaba anẹhẹ, ẹ yị zụ nyị ka ọ yị mẹ̀ ịsa ana vọrọ.

Anigaratiya 4:27

 chẹrẹ tụ́ ini Iwe Ohomorihi ka: Ẹwụ ọbọrị ẹnẹ ẹ̀ yị ma ozi, waa jẹ! Ẹwụ ọnị ịrẹẹ ọọ̀ yị zị da, wee nowu ịrajẹ ẹtẹẹtẹrẹ, agụvị ka ọnẹẹ ana vị ọnịnya vaa nyị ozii huna ọnẹẹ ana nyị ọnọrụ.

Odeyi 17:31

Ohomorihi ộ nyị ẹkụhị ọnya ọnọọ vaa sị sị ịzẹyịzaa mẹ̀ ọkarẹyị avaba anẹhẹ. Ọ vavọọ vaa mẹ ini oze ọza ọnị ọ sị nyị. Ọ raà sị zụ̀ avaba aza ka ịzẹyịza yọ, ọ mẹ̀ ha ọza ọnọọ hụụnị isu.”

Ayịsaya 54:1

Ẹnẹyịmavara kà: Ẹwụ ọbọrị, waa jị ahẹ. Ẹwụ ẹnẹ ẹ̀ yị barẹẹ da, wa jị ahẹ booboro, dị ụ waa jẹ. Agụvị ka ụ vaa nyị ezii huna ọnẹẹ ana và ọnọrụ.

Ayịsaya 60:6

Osohu ẹbanyị-ẹbanyị ana asị ịnyaakụmị zị ụsẹ vaa hụrẹ Imidiyani ọnịrị Ehwa vẹ. Ẹnyị vaa kụ igooru ọnịrị eturare hụrị Ịshẹba vẹ yị wụ. Aza vaa ka enube ọyịza ịsị Ẹnẹyịmavara raà mẹ̀.