Ahẹ Ụgama 24:3 - IWE ỌNỊNỊ

³ Ẹ̀nị ẹ nyẹngụ hịrẹ nọ ịnị ataba Ẹnẹyịmavara mị ka ẹnẹ nyẹngụ na jẹẹ ini Irehi Ọnịnị anị?

Ahẹ Ụgama 24:3 ပူးပေါင်းရင်းမြစ်များ

1 Ịtọpa 15:1

Idevidi ộ da irehi anị tụ ịzị aā hị́ ẹkụra Idevidi. Ô re tenyi aha tịtẹ yị apoti oto Ohomorihi, dị ọ́ jị ajẹngụ yọ nị.

Ahẹ Ụgama 15:1

Ẹnẹyịmavara, ye re ẹngụ ọza ana nyẹngụ yà ini eehi awụ kẹ? Ye re ẹngụ ọza ana zụ ra ịnị ataba ọnịnị awụ?

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ahẹ Ụgama 65:4

Aza ọnị ụ sị nyị di u tura wa pè ẹngụ ka ẹ̀ va ra ịda awụ vaa dàa jẹ kẹnẹ Avaba ịsa ozoza ene hi ini eehi awụ vaa mẹ ka ịnẹ ọ̀ há yị.

Ahẹ Ụgama 68:18

Ộ hịrẹ nọ ẹbẹẹba dị ọ kú aza ọnị ọ za éyi ịrẹkụ aa na nị. Ộ dọ ịsa ẹtẹ hụụnị ụvọ aza Aza ana hyakụ kwẹẹtẹ tù ọ vị ọnị za agụvị dị ọ̀ ra ịzọọ. Dị ẹkụkụ aa tụ́ ịsa ẹtẹẹ yọ nị.

Ezikẹẹrị 44:5

Ẹnẹyịmavara ộ kà a yị ọnị ka, ozi-ọza, ọnị ọ̀ sị eyi pe avaba ẹtẹ ọnị ọnị vee ré ọnịrị ịrẹyị ọnị ọnị vaa wụ́ o, ọnị Ẹnẹyịmavara vaa kà avaba ido irehi Ohomorihi ọnọnị yị ọnị beri avaba ọda anị. Ọ kà ọnị ọ̀ tangwa sị eyi ngwọ ẹngụ aza ana á vaa zẹ̀ẹ ka ẹ ngụ ịnị irehi Ohomorihi ọnọnị ọnịrị ẹngụ aza ẹnẹẹ vaa ngụ ọ.

Ezikẹẹrị 44:9

Ọnị Ẹnẹyịmavara Ananyị ụkata hu ka, ẹ́ yị anẹkụra ọsa ẹnẹ ẹ̀ yị và ebira odivi anị ha, dị ẹ̀ yị ma saasa ịrẹyị anị ana vaa ngụ ịnị irehi anị, òo zee eyi ẹnịrị Anisirẹrị nịnị ẹ̀ ra vabẹ.

Ireevi 10:3

Dị Imosiisi kà a yị Eerọnị ka, á vị ịsị Ẹnẹyịmavara aa kà yịị ka, ọnị vaa sì ẹngụ anịị zụ avaba aza anaa mẹ̀ ụkọrọ anị ka ọnịnị ọnị vị nị, dị ọnị sị igirima anị zụ aza anị. Ama dị Eerọnị vavọọ ee ré ẹtẹ hẹẹ nị.

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Ịjọọnụ 13:36

Di Ịsayịmọnị Ipita họ̀ ọ ka, “Ananyị yị, ịzị ụ waa nọ kẹ?” Dị Ijeesu ka, “Ịzị maa nọ aanị, wẹ yị zụ dụ mị vẹ booro aanị; ama ụ vaa dụ mịị vẹ, òo kù chee.”

Ịjọọnụ 20:17

Dị Ijeesu kà a yọ ka, “Asị ụ sị ụvọ kanyị mị, agụvị ka mẹ yị varẹma nọ ẹbẹẹba ị́dị Ada amị! Ama na kà a yị ẹyịnyara amị ka: maa nọ ẹbẹẹba ị́dị Ada amị ana rẹ vị Ada ẹwụ nịnị; ọnị ọ vị Ohomorihi amị, dị ọ rẹ vị Ohomorihi awụ nịnị nị.”

Anihiburu 12:28

Agụvị avọọ, à vẹ vị yaa kụ́ Ohomorihi avọ, agụvị ka ọ raà sị aha ịjọvaa yị, ana ahịka o yi zụ henyi. À vẹ ya zẹẹ ka Ohomorihi ọ̀ vayị ayị, dị ya zụ hẹkẹ ẹ ini oze ana ahịka óo zé e eyi; dị ya zụụ sị ụbanyịị yọ, dị ya rẹ zụ nyị angwahi anị!