Ahẹ Ụgama 127:3 - IWE ỌNỊNỊ

³ Ezi vi ogu ẹnị Ẹnẹyịmavara sịị yị ọza. Ize obooro ẹnịnị vị nị.

Ahẹ Ụgama 127:3 ပူးပေါင်းရင်းမြစ်များ

Oyinyima 1:28

Ohomorihi ka o vee zee yị wa, dị ọ ka, “Ẹ vaa ma ozii rụrụ, ezi ẹnịnị vaa ra avaba ẹhẹ, dị ẹ vi ohinọyị tụra ịrẹsụ ịsa ene hi ẹhẹ. Ẹ vaa nyị ọda tụra ivovo ọnịrị inomi ne beri avaba uye irenyi-irenyi.

Oyinyima 24:60

Dị anda Irebeka mẹ̀ aduwa yọ dị ẹ ka, “Ọyịnyara ayị, ọza ọ yị va zụụ za ozi ewu ịrịka. Ozi ewu ẹ vaa nyị ẹbẹẹba ọnịvị ẹnịnị dị ẹ dọ wa ẹkụra ẹnịnị.”

Oyinyima 33:5

Ịjị Iisọ kụ̀rà eyi di o re anẹẹ ọnịrị ezi, dị ọ ka, “Ene hi ẹtẹ pè e aanị?” Di Ijekọvụ ka, “Ezi oni Ohomorihi nyị ozi ahụ awụ iyi sị yọ.”

Oyinyima 4:1

Ẹkụhị ọnya Adamị ộ nọ ịda ose anị. Ịnị ụmẹ chee di ose anị ee zyẹẹ nị. Ộ ma ozi ọnọọ ọnọrụ. Di Iivi ka: Ẹnẹyịmavara Ohomorihi ọ raà mẹ ọgụvọ yị ọnị ka ọnị ọ̀ ma ozi ọnọrụ ọnya. Dị ọ ka agụvị avọọ ozi ọnọọ ọ rị Ikeeni nị.

Oyinyima 48:4

Dị ọ ka ọnị vaa mẹ ka ọnị ọ̀ ma ozi rụrụ ẹtẹẹtẹrẹ. Ọ kà ezi anị ẹ vaa vi ohiku anẹkụra ọrụrụ-ọrụrụ nị. Ọ kà dị ọ rẹ ka ọnị vaa sị ẹtẹ ọnọọ yị ezi anị ịrẹma-ịrẹma dị ahịka ẹnị ẹ kụkụ nyị pooro zịna-zịna nị.

2 Ịsamụwẹrị 3:5

Ana gụ wa ịhịnọnyị ọ rị Itireyami nị, ose Idevidi ana aā hị́ Egira ọ ma ọnọọ nị. Avaba ẹnẹẹ a ma yị Idevidi ọ́ mẹ̀ yà Ihebirọnị nị.

1 Ịtọpa 28:5

Idevidi ka Ohomorihi ộ sị ezi ọnọrụ ọrụrụ-ọrụrụ mẹ̀ ọnị ẹyịza, ini ezi ẹnẹẹ ọ́ nyị Isoromọnị ka ọ̀ vị ohinọyị Isirẹrị ana vị ẹkụra Ẹnẹyịmavara.

1 Ịtọpa 8:40

Ezi Urami nịnị vị isoja ọkọọka, dị ẹ yara kụ́ ịrẹkụ ẹtẹẹtẹrẹ nị. Avaba ezi anị ẹnịrị aazị anị nịnị vị ẹchịhịmba tụra ẹẹwụ (150). Avaba ịrẹha ana a hị́ hi ẹtẹ aanị vị Anịbẹnjamịnị nịnị.

Ijoovu 1:2

Ezi anị vị ẹẹwụ, ịhịmba vị anọrụ dị ẹẹta ana vọ vị anẹẹ nị.

Ayịsaya 13:18

Ezwọọmụha vi eni e vee che ọpa. Ẹnịnị ẹ yị vaa vayị ozweyi vụrụ-vụrụ.

Ayịsaya 8:18

Ẹmị yị, beri ezi ẹnẹ Ẹnẹyịmavara sị yị mị. Ẹnẹyịmavara Ochẹtẹẹngụ vị ana nyị aha ọkarẹyị tụ́ ịrẹsụ ataba. Ọ raà sị yị mẹ apọtẹrẹwa yị Anisirẹrị.

Iwe Ọhụhị Imosiisi ana aa hị́ Ọyịvatụrọda 28:11

Ẹnẹyịmavara vaa mẹ ka wa ma ezi rụrụ nịnị, dị imaaru awụ nịnị rẹ rụrụ. Ịsị ịnị aarẹ awụ nịnị vaa mẹ ẹtẹẹtẹrẹ ịnị ẹtẹ ọnị ọ wo oto anị yị ohiku awụ nịnị ka ọnị vaa sịị yị wụ nịnị.

Iwe Ọhụhị Imosiisi ana aa hị́ Ọyịvatụrọda 28:4

Ẹnẹyịmavara vaa mẹ ka ò ze yi ezi ewu. Ịsị ịnị aarẹ awụ vaa mẹ ẹtẹẹrẹ. Imaaru awụ ọnịrị atẹmẹ awụ vaa rụrụụ hu avọọ.

Ọdọvịdị 12:9

Ibizani ọnọnị ọ ma ezi ọnọrụ ohurẹẹwụ ọnịrị ezi anẹẹ ohurẹẹwụ. Ọọ kụ avaba ezi anẹẹ anị ga ọnọrụ, dị ọ rẹ nyị ezi anẹẹ ohurẹẹwụ hụrẹ ẹhẹ yị avaba ezi ọnọrụ anị nị. Ịrayị ịhịmba Ibizani mẹ ọdọvịdị yị Anisirẹrị nịnị vị nị.

1 Ịsamụwẹrị 1:27

Ozi ọnị mị mẹ̀ aduwa ka Ohomorihi ọ̀ sị mị ịhị ọnọọ yị. Ẹnẹyịmavara ọ raà sị yị mị.