2 Ịtọpa 7:3 - IWE ỌNỊNỊ

³ Ịjị aza maanị re ịra ọnịrị ẹtohweyi ụbanyị Ẹnẹyịmavara, ene hí irehi anị, dị ẹ vaku ẹtẹ, dị ẹ hẹkẹ ẹ, dị ẹ kụ́ ọ avọ agụvị ka ọ yẹ ịrẹyị dị oō sì ịrẹyị ọza pooro nị.

2 Ịtọpa 7:3 ပူးပေါင်းရင်းမြစ်များ

1 Ohinọyị 18:39

Ịjị avaba aza ẹnẹẹ vavọọ re e, dị ẹ tana tụra ẹtẹ dị ẹ kà, “Ẹnẹyịmavara ọnị ọ vị Ohomorihi nị, Ẹnẹyịmavara ọnị ọ vị Ohomorihi nị.”

1 Ịtọpa 16:34

Waa kụ́ Ẹnẹyịmavara avọ agụvị ka ịsa ene zoza ọ́ọ mẹ nị. Vị oō sị ịrẹyị ọza pooro nị.

1 Ịtọpa 16:41

 nyị Ihemani ọnịrị Ijedutuni ẹnịrị aza ana vọ ka ẹẹ jị ahẹ gono Ẹnẹyịmavara agụvị ka vị oō sì ịrẹyị ọza pooro nị.

1 Ịtọpa 29:20

Dị Idevidi kà a yị aza ẹnẹẹ ka; We gono Ẹnẹyịmavara, Ohomorihi awụ nịnị. Dị avaba ịragụ ana gụ ee gono Ẹnẹyịmavara, Ohomorihi ohiku ẹnịnị nị. Ẹnịnị ệ và ku ẹtẹ yị Ẹnẹyịmavara, dị ẹ́ rẹ và ku ẹtẹ yị ohinọyị Idevidi nị.

2 Ịtọpa 20:18

Ịjị Ijehosahwati maanị wụ́ enube kẹnẹ, dị ọnịrị aza anị vaku ẹtẹ, dị ẹ sị ịrẹsụ ka ẹtẹ, dị ẹ hẹkẹ Ẹnẹyịmavara nị.

2 Ịtọpa 20:21

Ịrẹma ọnị Ijehosahwati reè beri aza ka ịrẹyị, dị ọ kà ẹnyị ịnị ọjahẹ ẹnịnị e chire awuru ẹnẹē sị mẹ̀ ahẹkẹ ẹkụhị eche, dị ẹẹ jị ahẹ tụ́ ọvịdị isoja nịnị. Ẹ́ẹ jị ahẹ ka, ga Ẹnẹyịmavara! Oyisì anị vị ana ya ịzọọ pooro zịna-zịna.

2 Ịtọpa 29:28

dị avaba ọza ẹẹ hẹkẹ Ẹnẹyịmavara pooro dị a wụ̀ ịsụpa ọdịrẹma.

2 Ịtọpa 29:29

Ịjị avaba ịsọvọ ta mẹ, dị ohinọyị ọnịrị avaba ịragụ ana gụ va ku ẹtẹ aa hẹkẹ Ohomorihi nị.

2 Ịtọpa 29:30

Dị ohinọyị Ihezekaya ọnịrị ọdọvịdị ẹkụra nịnị mẹ̀ ọda ka Anireevi nịnị ẹẹ jị ahẹ ọnị Idevidi ọnịrị Asa jị. Dị ẹ va ku ẹtẹ aa ga Ohomorihi ẹ maa jị ahẹ ẹnẹẹ nị.

2 Ịtọpa 5:13

Ẹnị ene hú ịkakanchị ẹnịrị aza ana jị ahẹ vị ana vabẹ aa gama Ẹnẹyịmavara, dị ẹyaa kụ́ ọ avọọ. Isohu irenyi-irenyi ẹnịrị ịkakanchị beri ịchachaa ene hu vị ana sụ wanyị-wanyị kẹnẹ. Dị aza sị ọngwẹ tụ́ ẹba aa jị ahẹ gama Ẹnẹyịmavara nị. Ê jị ahẹ ga a, dị è kà, oo zoza, di o si ọza pooro. Ịnị ụmẹ ọnọọ eguhi chire ku avaba irehi Ẹnẹyịmavara,

Ẹzịra 3:11

Agụvị irehi ana a ka a ẹtẹ aanị, dị avaba aza sị ọngwẹ tụ ẹba aa ga Ẹnẹyịmavara nị. Dị ẹ yaa jị ahẹ gono o nị. Dị ẹ kà, “ọ yẹ ịrẹyị, di o sì ịrẹyị Anisirẹrị nịnị pooro zịna-zịna nị”. Dị ẹyaa kụ ọ avọ nị.

Ahẹ Ụgama 100:5

Ẹnẹyịmavara vị anaā mẹ̀ ịsa ene zoza, vi oō sì ịrẹyị ọza pooro nị. Ẹ yị nyị ụmẹ oni o ve sii vene ọza pooro pàá.

Ahẹ Ụgama 103:17

Ama Ẹnẹyịmavara vi eneē sì ịrẹyị aza eneē hí angwa anị pooro zịna-zịna. Ịsa ana vọrọ ọọ̄ mẹ yị ezi ẹnịnị ịrẹma-ịrẹma nị.

Ahẹ Ụgama 106:1

Waā kụ́ Ẹnẹyịmavara. Waa kụ́ ọ avọ nịnị agụvị ka ịsa ene zoza ọ́ọ mẹ nị Vi oō sì ịrẹyị ọza pooro nị.

Ahẹ Ụgama 107:1

Waā kụ́ Ẹnẹyịmavara avọ nịnị, agụvị ka ịsa ene zoza ọọ̄ mẹ nị. Vi oō sì ịrẹyị ọza pooro kẹnẹ nị.

Ahẹ Ụgama 118:1

Waa kụ́ Ẹnẹyịmavara avọ, agụvị ka ịsa ene zoza ọọ̄ mẹ nị. Avọọ ọ́ mẹ̀ ree sì ịrẹyị ọza pooro nị.

Ahẹ Ụgama 95:6

Vẹ yaa tanaa tụra ẹtẹẹ kụ́ ọ, dị yaa jị idinku kú ẹtẹ yị Ẹnẹyịmavara. Wâ yẹ ka ọnị ọ mẹ yị nị.

Ọyịkụra 4:31

Aza ẹnẹẹ ệ dọ ka ịrẹyị ẹnịnị vị ịzẹyịza. Ịjị ẹ wụ́ ọ ka Ẹnẹyịmavara o reè re ụya ọnị ẹnịnị aa rị, dị ịrẹyị ene tu Anisirẹrị zị ọ ẹngụ nị. Dị ẹ tana tụra ẹtẹ, dị ẹ hẹkẹ ẹ nị.

Ayịsaya 63:7

Ayịsaya ka ọnị vaa kà a Ẹnẹyịmavara mẹmẹ aa ngụ ayị ẹnịnị. Ọnị aa ga a agụvị avaba ọyịza ọnị ọ mẹ yị ẹnị, dị mẹ ize yị Anisirẹrị nịnị agụvị ka ộ vayị ẹnịnị, di o sì ịrẹyị ẹnịnị pooro nị.

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ireevi 9:24

Kẹnẹ, dị Ẹnẹyịmavara vana mẹ ka ịra ọọ za, dị ọ̀ rị avaba ịsị ịsọvọ ana aa rị ịra ọnịrị avaba ụhị ana ya ịrẹsụ ụta ịsọvọ nị. Ịjị avaba aza ana gụ ré e, dị ẹnịnị na owu zẹtẹ, dị e và eyi kú ẹtẹ nị.

Ịrịka 14:5

Dị Imosiisi ọnịrị Eerọnị tana tụra ẹtẹ ọvịdị ẹnịnị.

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Iruuku 1:50

Ọọ̄ vayị aza ana nyị angwahi anị pooro nị.