2 Ịtọpa 7:1 - IWE ỌNỊNỊ

¹ Isoromọnị mẹ maanị mẹ̀ aduwa ta kẹnẹ, ịra hụrẹ ẹbẹẹba chi vẹ, dị ọ va rị ịsọvọ anaā rị ịra ana ya ịrẹsụ ụta ịra nị. Obobooro ọnọọ di ụbanyị Ẹnẹyịmavara vị ẹtohweyi dọ avaba irehi anị nị.

2 Ịtọpa 7:1 ပူးပေါင်းရင်းမြစ်များ

Oyinyima 15:17

Ịjị ọyị sị ngụ ẹtẹ, dị ẹtẹ si hozi, di o vene re ka ụgụga ana nyị ịra ọnịrị ọchị ene e si hū ịra ệ zi oze ịnị akakana uye ẹnẹẹ aa parahu nị.

1 Ohinọyị 18:24

Di u nowu hí ori awụ nịnị, dị ẹmị rẹ hị́ Ẹnẹyịmavara. Eni èe ne tụ́ ohi dị ọ sị ịra vẹ nị, dị a yẹ ka ọnọọ ọ vị Ohomorihi obooro nị.” Dị avaba aza ẹnẹẹ tụ́ ohi dị ẹ ka ịrẹyị eni Erija kà ô zoza nị.

1 Ohinọyị 18:38

Dị ịra vana hụrẹ ịda Ẹnẹyịmavara vẹ, dị ọ rị ịsa ịsọvọ ọnọọ ọnịrị ọkụ anị ịra nị. Ịrẹta ọnịrị ezi ne beri enyi ene hi ini ahata vị ọnị ịra ọnọọ rị saka-saka.

1 Ohinọyị 9:1

 nyị ẹkụhị ọnya aanị, ụmẹ ọnọọ Isoromọnị ọ sị irehi Ẹnẹyịmavara dà, ọ rẹ sị irehi anị ụvọta dà. Avaba ịsị ọ ka ọnị aa mẹ, ọ sị ọ mẹ.

1 Ịtọpa 21:26

Idevidi ô hí ụta ọ̀ yị mẹ̀ ịsọvọ hi Ẹnẹyịmavara tụ́ ịzọọ. Dị ọ mẹ̀ ịsọvọ ana aā rị ịra ọnịrị ịsọvọ ọ̀ yị mẹ uzee ịzọọ hi Ẹnẹyịmavara nị. Ộ mẹ̀ aduwa, dị Ẹnẹyịmavara tu ọ ohi nị. Ộ mẹ ka ịra ọ̀ hụrẹ ẹbẹẹba va rị ịsa ịsọvọ anị ịrẹsụ ụta nị.

Ahẹ Ụgama 26:8

Ẹnẹyịmavara, mê sì ịrẹyị irehi ọnị ụ ra ịnị anị Mị ka me sì ịrẹyị ịzị ụ yà.

Ọyịkụra 19:18

Ẹnẹyịmavara vị ana vẹ anka ịra avọọ di o chi hi ịrẹsụ ataba ọnọọ nị. Di areyi ọnọọ aa dà dụụmẹ vaa hịrẹ anka areyi ọrịra ụnọmị avọọ nị. Dị avaba ataba ọnọọ ee henyi jigi-jigi nị.

Ọyịkụra 29:43

Mị rẹ vaa vẹ vee tù Anisirẹrị nịnị ịzọọ. Ụbanyị amị vaa yà ịzọọ dị ọ̀ sị zụ̀ ka mị yà ịzọọ.

Ayịsaya 65:24

Dị à va nyị ka ẹnịnị ẹẹ hị́ mị, mi vee tu wa ohi. Ẹ̀ẹ yaa kà ịrẹyị kẹnẹ, mị vaa wụ́.

Ezikẹẹrị 43:5

Ụhwẹ Ẹnẹyịmavara ộ sị ọnị kwẹẹtẹ, dị ọ́ sị ọnị na ngụ ịnị ohweje ana ya ịnịnẹ nị. Dị ọnị ré ka avaba irehi Ohomorihi vị ohihi yị igirima Ohomorihi nị.

Ezikẹẹrị 44:4

Ịjị ọ maanị sị kà yị ọnị, dị ọ́ sị ọnị zị oze ọbanyị ana yà eyi ẹbẹẹba va ngụ ọvịdị irehi Ohomorihi nị. Ọnị ộ kana eyi, dị oni ré ka Irehi Ohomorihi vị ohihi yị igirima Ẹnẹyịmavara nị; dị ọnị và eyi ku ẹtẹ nị.

Ịdanịyẹrị 9:20

Ịdanịyẹrị ka, ọnị maà mẹ̀ aduwa dị ọnị aa dọ irenu ịvị anị ọnịrị ịvị aza anị Anisirẹrị nịnị nị. Dị ọnị aa da ịpẹ ka Ẹnẹyịmavara ana vị Ohomorihi anị ọ̀ navọ dị ọ varẹma tenyi irehi Ohomorihi anị dà nị.

Ịmarakayị 3:4

Ịjọnọọ ayị Ẹnẹyịmavara ve hine tu ịsa ịsọvọ Anijuda ọnịrị Anịjerusarẹmị nịnị anka ọ mẹ vịdị ya ịnị ịyẹẹyẹ nị.

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.

Ọdọvịdị 6:21

Anggẹẹrị Ẹnẹyịmavara ộ sị ịrẹsụ okutẹ ọnị ọ sị rị ụvọ kanyị uye ọnịrị ụbụrẹẹdị, dị ịra kwẹẹtẹ hụụnị ịda, dị ọ rị ịsa ẹnẹẹ nị. Obobooro ọnọọ dị anggẹẹrị ọnọọ vu nị.