2 Ịtọpa 5:2 - IWE ỌNỊNỊ

² Dị ọ hị́ avaba azọkụ ọnịrị ohi ịrẹsụ-ịrẹsụ, ne beri ohi abara-abara ene hi Isirẹrị vẹ Ijerusarẹmị ka ẹ na sị apoti oto Ẹnẹyịmavara hụrẹ Ịzayọnị ana vị ẹkụra Idevidi.

2 Ịtọpa 5:2 ပူးပေါင်းရင်းမြစ်များ

2 Ịsamụwẹrị 5:7

Ama Idevidi ọ va sị ịzị isojaā tẹ̀ rị. Ịzọọ aā hị́ Ẹkụra Idevidi nị.

2 Ịsamụwẹrị 6:12

Dị a va kà a yi Idevidi ohinọyị ka Ẹnẹyịmavara aa mẹ ka ò zee yi aneehi Ọbẹdị Edomi ọnịrị avaba ịsa ọnị ọ nyị agụvị apoti oto Ohomorihi ana yà ịda anị! Di Idevidi va na sị apoti oto Ohomorihi hụụ ịda Ọbẹdị Edomi, dị ọ sị ọ va tụ́ ịda anị ịnị Ẹkụra Idevidi nị. Ọ́ mẹ̀ sị ọ aa vẹ, dị aa jẹ nị.

1 Ịtọpa 15:1

Idevidi ộ da irehi anị tụ ịzị aā hị́ ẹkụra Idevidi. Ô re tenyi aha tịtẹ yị apoti oto Ohomorihi, dị ọ́ jị ajẹngụ yọ nị.

1 Ịtọpa 15:12

Ẹnịnị ẹ vị ohi-ohi ezi Ireevi nịnị nị. Ọ kà ẹnịrị anda ẹnịnị ana vọ è tenyi ẹngụ, dị ẹ̀ sị ẹngụ tụ irenyi yị Ohomorihi, dị ẹ̀ na sị apoti oto Ẹnẹyịmavara, Ohomorihi Anisirẹrị va tụ ịzị ọnị reè tenyi tịtẹ yọ.

1 Ịtọpa 15:25

Avọọ ohinọyị Idevidi ọnịrị azọkụ-azọkụ Anisirẹrị beri ẹnị ọdọvịdị isoja ana a gà hị́ uche akahị-akahị mẹmẹ na sị apoti oto hụụnị eehi Obẹdị-Edomi nị, dị eyee hine ayị ẹtẹẹtẹrẹ nị.

1 Ịtọpa 15:3

Idevidi ộ kụ avaba Anisirẹrị nịnị gụ Ijerusarẹmị, ka à na sị apoti oto Ẹnẹyịmavara va tụ ịzị ọnị reè tenyi tịtẹ yọ.

1 Ịtọpa 16:1

Ịjị ẹ raà sị apoti oto ọnọnị vẹ, dị ẹ sị ọ na tụ ịnị ajẹngụ ọnị Idevidi mẹ tịtẹ yọ nị. Ẹnịnị ệ mẹ̀ ịsọvọ ana aā rị ịra ọnịrị ịsọvọ ọ̀yị pe Ohomorihi mẹ uzee hi Ohomorihi ịzọọ.

1 Ịtọpa 24:31

Ohirẹsụ ovwoovu ikonyi-ikonya ọnịrị ọyịnyara anị ana vị ozweyi ọnya ọ naa zama ẹtẹ ụvị ụkọrọ ẹnịnị nị. Avọọ anda ẹnịnị evere Eerọnị, ẹnị ana vị ohirẹsụ irehi Ohomorihi ẹnị mẹ̀ rẹẹ mẹ nị. Eyi ohinọyị Idevidi ọnịrị Ịzadọkị beri Ahimẹrẹkị ọnịrị azọkụ-azọkụ ovwoovu ohirẹsụ irehi Ohomorihi nịnị ọnịrị ovwoovu Anireevi nịnị ọ vị nị.

1 Ịtọpa 24:6

 nyị ọnọrụ ọnya ana aā hị́ isemaya ozi Inetaneri. Ọnị ọ vị ọchẹrịsa Anireevi nịnị nị. Ọnị ọ chẹrẹ ịrẹha ẹnịnị eyi ohinọyị, ọnịrị ọdọvịdị ana vọ anka: Ịzadọkị ohirẹsụ irehi Ohomorihi, Ahimẹrẹkị ozi Aviyata, ọnịrị ẹnị ohirẹsụ ovwoovu ẹnị ohirẹsụ irehi Ohomorihi nịnị, ọnịrị ovwoovu Anireevi nịnị. Àa sị ovwoovu ọnya hụụ ịdị aza Eriyaza, dị a rẹ sị ọnya hụụ ịdị aza Ịtama.

1 Ịtọpa 26:26

Iseromoti ọnịrị ovwoovu anị ẹ sị eyi pe avaba ẹyịza oni ohinọyị Idevidi sị va yị Ohomorihi nị. Ẹnị e si eyi pe ẹyịza ọnị ohirẹsụ ovwoovu-ovwoovu, ọnịrị ọdọvịdị ịrẹsụ-ịrẹsụ, beri ọdọvịdị isoja nịnị kụ́ va yị Ohomorihi nị.

1 Ịtọpa 28:1

Ẹkụhị ọnya, ohinọyị Idevidi ộ tụ́ hị́ avaba ọdọvịdị Anisirẹrị nịnị; ohi ịrẹsụ-ịrẹsụ nịnị, ọdọvịdị ịjọva nịnị, ọga isoja nịnị ọnịrị aza ene sị pè ẹnya ọnịrị ịsụpa ohinọyị ka ẹ̀ wara gụ Íjerusarẹmị. Ịzẹyịza dị avaba ẹnịnị bemi-bemi wara va gụ Íjerusarẹmị nị.

2 Ịtọpa 1:4

Ama Idevidi ọ̀ vịdị raà sị apoti oto Ohomorihi hụrị Ikiriyati-Ijeyarimi va tụ ịnị ajẹngụ ọnị ọ hụvị anị jị tụ́ Ijerusarẹmị.

2 Ịtọpa 5:1

Ịjị avaba ụkọrọ irehi Ẹnẹyịmavara ta Isoromọnị mẹ̀, dị ọ kụ́ avaba ẹnya ọnị ada anị Idevidi vịdị sị yị Ẹnẹyịmavara va tụ́ ịzị aa kụ́ ẹnya hi ịnị irehi Ohomorihi nị. Ộ kụ́ isiriva ọnịrị igooru ne beri avaba ẹnya ana vọ na hi ịzọọ.

2 Ịtọpa 5:12

Avaba Anireevi nịnị ana vị ọjahẹ ệ jẹẹ beri Asa, Ịhẹmanị Ijedutuni ẹnịrị ezi anị ne beri anda ẹnịnị. Ẹnịnị vị ana jẹẹ akaha eyi ịzị ọyịị̄ zịị hụrẹ vẹ, dị ẹ kụ́ ẹnya ọvwọọvụ, di e yee hu isohu nị. Ohirẹsụ ẹchẹhị tụra oohu ee hụ́ ịkakanchị beri wa nị.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ahẹ Ụgama 87:2

Ô sì ịrẹyị Ijerusarẹmị huna avaba ẹkụra ana vọ ịzị Anisirẹrị nịnị ra.

Ireevi 9:5

Dị ẹnịnị sị avaba ịsị ọnị Imosiisi kà yị wa vẹ enoze ajẹngụ ịzị ẹẹ gẹ, dị avaba ịragụ (Anisirẹrị nịnị) kụ ẹngụ gụ ịzọọ ọyị hẹkẹ Ẹnẹyịmavara nị.

Ịrịka 10:33

Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́.

Ịrịka 10:36

Ama ụmẹ ọnị e si chi apoti oto hi ẹtẹ, dị Imosiisi rẹ mẹ̀ aduwa ka Ẹnẹyịmavara ọ vaa ka ẹnị vẹ ụpẹ otomiroku.