2 Ịtọpa 4:4 - IWE ỌNỊNỊ

⁴ Uruku ọnọnị vị ana mẹ hi ịrẹma ụnọ enyusẹ ẹwụrẹva ana va eyi ka ẹhẹ. Ẹẹta vị ana va eyi ka ịzị ọyịị̄ zịị vẹ, dị ẹẹta ọsa va eyi ka ịzị ọyịị̄ zịị na ngụ ẹtẹ, dị ẹẹta ọsa va eyi ka eyi oze ẹbẹẹba, dị ẹẹta ana vọ va eyi ka oze eyi ụvẹtẹ.

2 Ịtọpa 4:4 ပူးပေါင်းရင်းမြစ်များ

1 Ohinọyị 7:25

Ịsa pata ẹnẹẹ vị ọrọ ẹẹva dị ahịka ịnị ịra a yà tụ́ wa nị. Ịsa ẹnẹẹ ene e tù vị ana yà ịrẹsụ ịsa ẹnyị aanị ana a mẹ anka imaaru avọọ. Imaaru ẹnẹẹ vị ẹwụrẹva. Ẹẹta ô và eyi kà eyi ẹbẹẹba, dị ẹẹta và eyi kà eyi ụvẹtẹ, dị ẹẹta ọsa ẹnị và eyi kà eyi ọnị ọyị zịị hụrẹ nị. Di enyi ọnọọ ọnị yà ịrẹsụ anị nị. Avaba ahụ ịrẹma imaaru ẹnẹẹ vị ana và eyi kà ịnị ịnẹ irehi.

2 Ịtọpa 4:3

A si enyusẹ tụ́ ịsa ene vene ụnọ dị a sị mẹ̀ uruku ọbanyị ọnọọ ọvị kara a ụtụụtọ nị. Ọrọ ẹẹva a mẹ̀ ẹ nị, dị ẹnyị tụra ọsa ịrẹsụ nị. A maa mẹ̀ uruku ọnọọ a rẹ mẹ̀ ịsa ọvị ẹnẹẹ vaka a nị.

2 Ịtọpa 4:5

Akaha uruku ọnọnị ọọ ratụpọ inchi ẹẹta, dị ụtụụtọ anị sị mẹẹ anka ụtọ ako, dị ọ ya nọ ẹhẹ anka ọchị ododo avọọ nị. Uruku ọnọọ ọ dọ enyi igaruwa akawụ-akawụ oze ẹwụrẹhị.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Ịmaakị 16:15

Dị Ijeesu kà a yị wa ka, “Waa nọ avaba ẹhẹ nịnị, dị ụ waa kà enube ọyịza yị avaba anẹhẹ nịnị.

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Anẹhwẹsọsị 2:20

Ẹwụ nịnị rẹ yà ini irehi ọnọọ ana odeyi nịnị ọnịrị ọnịsẹ nịnị ká ẹtẹ. Ijeesu Ikirisiti ọnị ụvọta ọ vị ohyẹtẹ irehi ọnọọ nị.

Ẹtore 21:14

Ọvọ ẹkụra ọnọọ vị ana a dà tụ́ ịrẹta ẹwụrẹva. Dị a chẹrẹ ịrẹha ezirẹma Ozi Atẹmẹ ọnọọ tụ́ ọnị.