2 Ịtọpa 32:3 - IWE ỌNỊNỊ

³ dị Ihezekaya hị́ ọdọvịdị ẹkụra nịnị ọnịrị ọga isoja nịnị ka ẹnịnị e gu oze enyi ana zị ịrẹma ẹkụra ngụ eehi. Dị ẹnịnị vavọọ gụ ọ ụvọ nị.

2 Ịtọpa 32:3 ပူးပေါင်းရင်းမြစ်များ

2 Ohinọyị 18:20

Ẹ ka: Ú wéé ro o ka ịrẹka irenu kẹnẹ ộ hwọọ kụ ịrẹkụ nị? Ẹnị u si eyi tụra, di u wee hiraa hi Asiriya?

2 Ohinọyị 20:20

Avaba ịsa ọnị Ihezekaya mẹ̀ vị ana a chẹrẹ tụ́ ịnị iwe ịtọpa ohinọyị Ijuda nịnị. Ịnị ụmẹ anị ộ dà uruku enyi, dị ọ chị ụsị ọnị enyi aa zị ngụ ẹkụra, dị ọ sị ayọvị mẹ̀ ịsa irenyi-irenyi.

2 Ịtọpa 30:2

Ohinọyị Ihezekaya ọnịrị ohi nịnị ne beri avaba ịragụ ệ gẹ Ijerusarẹmị dị ẹ geeyi ẹnị mẹ mẹ va rị eche ọyịparahu ịnị ụhwẹ ọhụva ịrayị.

2 Ịtọpa 32:2

Ịjị Ihezekaya re ka Isenakeribi ê si ka ọnị ọ kụ́ ịrẹkụ ngụ Ijerusarẹmị,

2 Ịtọpa 32:30

Ohinọyị Ihezekaya ộ gu oze enyi Igihoni, dị ọ tụ́ oze enyi ka o si zị ịnị ụsị oze ịnị ugene Ijerusarẹmị. Avaba ịsavịsavị ọnị ọ mẹ vi ene zee e ụvọ.

2 Ịtọpa 32:4

Ọkọnị anọrụ ệ kwẹẹtẹ di e gu avaba oze ọnị enyiī zi si ịnị ẹkụra ọnọọ nị. Dị ẹ ka, “sị ẹ vẹ dị ohinọyị Anasiriya ée ve tu enyi?”

Ụhịrẹyị 15:22

Ọza ọnị ẹ yị dọ ajuwe ọza vị anaa hyẹdụ, ama ọza anaa dọ ajuwe aza ọ yị me nyee eyi.

Ụhịrẹyị 20:18

Ajuwe ọyịza vị anaā sịị ọzaa ha. Ọza ọ̀ họ̀ use ajuwe obooro dị ọ vaa nọ ịrẹkụ.

Ụhịrẹyị 24:6

Eto ịrẹyọyẹ ọza sịị nọ ịrẹkụ nị. Anajuwe ọrụrụ ọọ sị ọza rị ịrẹkụ.

Ayịsaya 40:13

Ẹnẹ kà ọnị ọ̀ kà yị Ẹnẹyịmavara ịsa avọrọ ka ọ mẹ nị? Ẹnẹ hụ ọ zụ ọ ịsa, à vị ka ọ sị ajiwe yọ?

Ịnahụmị 3:14

Òo zee eyi wa chi ahata kara ẹkụra awụ, dị wa da enyi hi ọ, òo zee eyi wa jị ụvụ, dị wa tụra ọvọ kara ẹkụra awụ nịnị, ọnịvị awụ nịnị vị ana aa yịị vẹ.

Aniroomi 11:34

“Ẹnẹ ka ọnị ộ yẹ ịsị Ohomorihi Ananyị yị ee ro ịnị ayị anị? Ene zụ beri ọọ juwe?