2 Ịtọpa 27:3 - IWE ỌNỊNỊ

³ Ohinọyị Ijotami ộ dà oze ovwoovu ọbanyị ana ya eyi ẹbẹẹba irehi Ohomorihi, dị ọ rẹ nyayịnẹ tụra ọvọ Ijerusarẹmị ẹtẹẹtẹrẹ ịnị okokooro ana aā hị́ Ọpẹrị.

2 Ịtọpa 27:3 ပူးပေါင်းရင်းမြစ်များ

2 Ohinọyị 15:35

Ama ệ navọ ịzị aza anaā hẹkẹ ori nịnị yàa mẹ ori tịtẹ. Dị aza aa yịị nọ ịzọọ naa mẹ̀ ịsọvọ, dị ẹ rẹ yaa rị eturare ịra ịzọọ nị. Ijotami ọ dà oze ọbanyị ana yà eyi ẹbẹẹba Irehi Ẹnẹyịmavara nị.

2 Ịtọpa 23:20

Ẹnị ọdọvịdị isoja nịnị, beri ohi-ohi ozi-ẹtẹ ẹkụra nịnị ọnịrị ọdọvịdị ẹkụra nịnị beri aza ana vọ ệ saasa Ijehoyada, dị ẹ sị ohinọyị hụụnị irehi Ohomorihi va ngụ ini Irehi Ohinọyị nị. Ẹnịnị ệ zị oze ọbanyị obooro ngụ eehi, di ohinọyị na yaatụ ịnị aga ohinọyị nị.

2 Ịtọpa 33:14

Ịrẹma ịsa ana mẹ tu ọ aanị, Ịmanasẹ da tụ ịnị ụgọdọ ọvọ ẹhẹ ana ya eyi ịzị ọyị zị vẹ ịnị ẹkụra Idevidi hụrẹ inozi ana gụrị oswe Igihoni ẹbẹẹba oze ọbanyị ana a hị́ ivovo ọnịrị okokooro ana a hị́ Ohwẹrị. Dị ọ sị ọga isoja ana si eyi pe aza ẹnị ohu tu ịnị ẹkụra ọbanyị-ọbanyị ọnyọọnya ịnị ẹtẹ Ijuda ka ee sere e nị.

Ijeremaya 20:2

dị ọ kà a yị aza ka è tụ́ ọnị, dị à kụ́ ẹba hi ọnị ahụ tụ oze eyi ẹbẹẹba ana a zị ngụ ịnị irehi Ohomorihi nị. Eyi ọnọọ aā hị́ oze Ịbẹnjamịnị nị.

Ijeremaya 26:10

Ijeremaya ka ịjị ẹnị ọdọvịdị ẹkụra wụ ịsị ana mẹ, dị ẹnịnị hụụnị irehi ohinọyị va ngụ ịnị irehi Ohomorihi nị. Ẹ va sị ngụ ịnị irehi Ohomorihi, dị ẹ yaatụ enoze ọwọọwa ana a zịị ngụ ịnị irehi Ohomorihi nị.