2 Ịtọpa 26:1 - IWE ỌNỊNỊ

¹ Amaziya me wusu kwooze, avaba Anijuda nini si Uzaya ozi anị rị ohinọyị tụ́ udi ada anị. Ụmẹ ọnọọ Uzaya vị ịrayị ẹwụrịhịnọnyị.

2 Ịtọpa 26:1 ပူးပေါင်းရင်းမြစ်များ

2 Ohinọyị 14:1

Ịnị ana tụ ọ ịrayị ọhụva ọnị Ijehoyasi ozi Ijehoyahazi rị ohinọyị Ísirẹrị, Amaziya ozi Ijoyasi ộ rị ohinọyị Íjuda.

2 Ohinọyị 14:21

Anijuda nịnị ệ sị ozi anị ana aā hị́ Uzaya rị ohinọyị dọ ọ ịrẹsụ. Ozi ịrayị ẹwụrịhịnọnyị ọ vị nị.

1 Ịtọpa 3:12

Ọnị ọ ma Amaziya, Uzziya, ọnịrị Ijotami nị.

2 Ịtọpa 22:1

 nyị ụmẹ ọnyara aanị, ọnị Anarabi nịnị sị kụ́ ịrẹkụ nọ ẹtẹ Ijuda, dị ệ wụ̀ Ijehorami ohinọyị ọnịrị ezi anị, dị ahịka ajẹmọ anị ana a hị́ Ahaziya kẹnẹ ộ ha nị. Avọọ dị Anijerusarẹmị nịnị sị ọ rị ohinọyị tụ́ udi ada anị nị.

2 Ịtọpa 25:28

Oku anị vị ana sị tụra umaata vẹ Ijerusarẹmị ịzị e ne pe ohiku ẹnịnị, ịnị ẹkụra Idevidi.

2 Ịtọpa 26:2

Ọnị ọ dọ ẹkụra ana a hị́ Erati, di o tenyi ọ dà ịrẹma ada anị su nị.

2 Ịtọpa 33:25

Dị Anijuda wụ̀ aza ana wụ̀ Amọnị, dị ẹ sị Ijosaya ozi anị rị ohinọyị tụ́ udi anị nị.

Ayịsaya 1:1

Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.

Ihoseya 1:1

 nyị ọza ọnya aanị ana aa hị́ Ihoseya, ana vị ozi Ibeeri. Ẹnẹyịmavara ộ tụ́ ọ ụtụ ịnị ụmẹ ọnị Uziya, Ijotami, Ahazi, ọnịrị Ihezekaya nịnị sị mẹ̀ ohinọyị Ijuda vọ yị ẹngụ. Ịnị ụmẹ ọnọọ gẹdẹ-gẹdẹ, Ijerobowami ozi Ijowasi ọnị rẹ sị vị ohinọyị Isirẹrị nị.

Emọsị 1:1

 nyị ọnọrụ ọnya aanị ana aā hị́ Emọsị. Ọza ịnya ọ vị ịnị ẹnị anaā pa ịsụpa ẹkụra ana aā hị́ Itekowa nị. Ẹnẹyịmavara ộ tụ ọ ụtụ hi Anisirẹrị ịnị ụmẹ ọnị Uziya si vị ohinọyị ẹtẹ Ijuda. Ụmẹ ọnọọ Ijerobowami, ozi Ijehowasi ọnị rẹ sị vị ohinọyị tụ ẹtẹ Isirẹrị nị. Ịrayị ana tụ́ ọ ọhụva ọnị Emọsị kà enube ọnọọ kwooze, ẹtẹ ve henyi jigi-jigi nị.