2 Ịtọpa 2:3 - IWE ỌNỊNỊ

³ Avọọ, Isoromọnị mẹ rẹ tụ́ ụtụ ne tu Ihurami ana vị ohinọyị Ịtaya ka ọ ha ọchị Isida va yị ọnị anka ọ mẹ vịdị ha ọchị yị ada anị Idevidi ọnị ọ sị dà irehi yị ẹngụ.

2 Ịtọpa 2:3 ပူးပေါင်းရင်းမြစ်များ

2 Ịsamụwẹrị 5:11

Ẹkụhị ọnya á nyị ohinọyị Ịtaya ọnya aanị ana aā hị́ Ihirami. Ộ tụ́ ezi ahụ anị dị ọ ka ẹ̀ kụ́ ọchị ẹbanyị, ẹbanyị ne beri ikahunta ọnịrị aza anaā sịị ịrẹtaa dà irehi nọ ịda Idevidi nị. E mè tù ịzọọ dị ẹ sị dà irehi ohinọyị yị Idevidi nị.

1 Ịtọpa 14:1

 nyị ụmẹ ọnya, dị Ihurami ohinọyị Ịtaya tụ ọnụtụ anị nịnị ve tu Idevidi nị. Ộ kụ ọchị isida, dị ọ rẹ kụ aza anaā sịị ịrẹtaa tụra irehi ọnịrị Ikahunta nịnị ve tu Idevidi ka ẹ̀ va da irehi yọ nị.

2 Ịtọpa 13:11

Ẹnẹnẹ ọnịrị oruva vị ọnị ẹ ya rị eturare ọnịrị uye ịsọvọ ịra. Dị ẹ yaa sị ụbụrẹẹdị vẹ ịrẹsụ iteburu ana nị. Oruva-oruva vị ọnị e yee hu ịra ozotupa ọ nyị irenu ịhịmba ọnị ọchị anị vị igooru. Ẹ ka ẹnị vaa mẹ̀ ịsa ọnị Ẹnẹyịmavara mẹ ọda anị, ama ẹwụ nịnị ọ raà va ịrẹma anị.

2 Ịtọpa 24:14

Ịjị ụkọrọ ta mẹ, dị a kụ́ igooru ọnịrị isiriva ana vọ yị ohinọyị ọnịrị Ijehoyada ana sị hị́ ọnyị ẹnya ọnịrị ẹnya irehi Ohomorihi ana vọ nị. Ịnị ụmẹ ọnị Ijehoyada sị yara ịsọvọ vị ana a mẹ̀ ịnị irehi Ohomorihi ịnị ụmẹ tụra ụmẹ.

2 Ịtọpa 4:19

Avọọ Isoromọnị mẹ rẹ sị igooru mẹ ẹnya irehi Ohomorihi anka ụta ọnịrị iteburu ọnị aā kụ́ ụbụrẹẹdị ana á sị mẹ̀ ịsọvọ yị Ohomorihi tụ́.

2 Ịtọpa 8:13

Ộ mẹ̀ ịsọvọ ana a rị ịra irenyi-irenyi anka ọda Imosiisi mẹ ka a ịnị oze ịsọvọ Ẹnẹyịmavara ịnị eyinị-eyinị, ẹkụhị ụhwọtụ, eche ụhwẹ ọwọọwa ọnịrị eche asụsụ ịrayị ẹyịta. Eche asụsụ ịrayị ẹyịta ẹnẹẹ ẹ vị eche ịbụrẹdị ẹnẹ ẹ yị nyị owu ọnịrị eche ịsa ọyịna ne beri eche ajẹngụ.

Ẹzịra 6:3

 chẹrẹ ẹ ka ịnị ịrayị ịpaapa ọnị Ịsayịrọsị rị ohinọyị ọ́ mẹ ọda ka à da irehi Ohomorihi ana yị Ijerusarẹmị nị. Dị ọ ka à da a agụvị di è re aha mẹ̀ ịsọvọ. Dị ọ ka, à da a nẹba ahụ ẹnarẹwụ, dị ọ gana ahụ ẹnarẹwụ.

Inehemaya 10:34

Ẹ ka ẹnị aza ana vọ, ohirẹsụ irehi Ohomorihi nịnị ọnịrị Anireevi nịnị ẹ sị ọ ga ẹ yị ẹngụ ka ovwoovu ọzọza vee si ọkụụ vẹ ini irehi Ohomorihi ịrayị-ịrayị ana vaa sị rị ịsọvọ ana a mẹ hi Ẹnẹyịmavara Ohomorihi ayị ịra anka ọda mẹ̀ kà a.

Ọyịkụra 25:30

Dị ụ sị Ịbụrẹẹdị ana sị mị tụ́ ịrẹsụ itevuru ọnọọ, dị ọ̀ vavọọ yà ọvịdị amị pooro.

Ọyịkụra 29:38

Ịsị ụ vaa sị mẹ̀ ịsọvọ ịrẹsụ ụta ọnọọ eyinị-eyinị yị: ozi atẹmẹ ịrayị ọnya ẹẹva,

Ọyịkụra 29:39

Wàa wụ̀ ọnya mẹ̀ ịsọvọ ẹnẹnẹ, dị ụ rẹ wụ̀ ọsa mẹ̀ ịsọvọ oruva.

Ọyịkụra 29:41

Dị ụ rẹ vavọọ tọ̀ọ́ ẹnya beri ịdẹba ọhụva dị wa sị mẹ̀ ịsọvọ oruva. Ịsa ọyịrị ana a sị va yị ẹmị Ẹnẹyịmavara ọ vị ọnọọ nị. Àa rị ọ ịra, agụ anịị zee mi eyi ẹtẹẹtẹrẹ.

Ọyịkụra 30:7

Ẹnẹnẹ-ẹnẹnẹ, Eerọnị ọ̀ọ maanị ee nee tenyi ịra ozotupa ọnọọ, â nyị eturare ana vọrọ ka ọ̀ rị ịra ịrẹsụ ụta ọnọọ.

Ireevi 23:2

ọ̀ kà a yị Anisirẹrị nịnị ka, eche ẹnẹnị ẹnịnị vaa rị dị avaba ẹnịnị wara gụ ọ̀ yị hẹkẹ ọnị nị.

Ireevi 9:17

Ộ sị akụ ana aa sị mẹ̀ ịsọvọ, dị ọ́ ká ayị uvoku ọnya vaka a, dị ọ rị ịra ịrẹsụ ụta nị. Ịsọvọ ọnọnị vị ọnị ọ́ mẹ vaka ịsọvọ eyinị-eyinị ana aā rị ịra.

Ịrịka 28:11

Ama ịnị ẹkụhị ịpaapa ịnị ụhwẹ, Ẹnẹyịmavara kà a Anisirẹrị nịnị ẹ̀ sị ozi ụnọ ẹẹva ọnịrị ịdẹba ọnya, ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ.

Ịrịka 28:9

Ẹkụhị ụhwọtụ vị ana a sị atẹmẹ ịrayị ọnya ẹẹva ọnịrị ayị ana a kwọ vahụra angwẹ orivi ne beri eche mẹ̀ ịsọvọ yị Ẹnẹyịmavara.