2 Ịtọpa 15:12 - IWE ỌNỊNỊ

¹² Ẹnịnị ê wo oto yi Ohomorihi ka ẹnị vaa sị avaba ayị ẹnịnị ọnịrị ivehu ẹnịnịị hẹkẹ Ẹnẹyịmavara, Ohomorihi ohiku ẹnịnị.

2 Ịtọpa 15:12 ပူးပေါင်းရင်းမြစ်များ

1 Ohinọyị 8:48

Ẹnịnị ẹ zụ vara ebira odivi ẹnịnị ịzẹyịza ịzị a za wa ọrịhị nọ, di e và eyi kà ẹtẹ ọnị ụ sị yi ohiku ẹnịnị ọnịrị ẹkụra ọnị ụ nyị ọnịrị irehi ọnị mị dà wụ.

2 Ohinọyị 11:17

Ijehoyada, ohirẹsụ irehi Ohomorihi ộ kà a yị ohinọyị Ijowasi ọnịrị aza ana vọ ka ẹ̀ wo oto yị Ẹnẹyịmavara kà aza Ẹnẹyịmavara ẹnị vanaa vị pooro nị. Ộ vavọọ rẹ mẹ ka ohinọyị ọnịrị aza anị ẹ̀ vavọọ wo oto yị ẹngụ.

2 Ohinọyị 23:3

Ohinọyị ộ jẹẹ pe ọhẹ, di o tenyi eku hị́ ọvịdị Ẹnẹyịmavara kà ọnị vaa sị avaba ayị ọnịrị ivehu anị saasa a ọnịrị avaba ọda anị. Ọnị vaa mẹ avaba ịrẹyị ana chẹrẹ tụ ịnị iwe oto ọnọọ. Dị avaba aza ene hi ịzọọ hị́ eku ka ẹnị rẹ vavọọ vaa saasa a.

2 Ịtọpa 11:16

Avaba Anisirẹrị nịnị ana sị ayị ọnya aa hẹkẹ Ẹnẹyịmavara ana vị Ohomorihi ẹnịnị ệ saasa Anireevi nịnị nọ Ijerusarẹmị agụvị dị ẹ̀ mẹ̀ ịsọvọ hi Ẹnẹyịmavara ana vị Ohomorihi ohiku ẹnịnị.

2 Ịtọpa 15:4

Ama ụmẹ ọnị ẹngụkata tụ́ wa, dị ệ vaka Ẹnẹyịmavara Ohomorihi Anisirẹrị na. Ẹnịnị ê si ọ, di ê re e nị.

2 Ịtọpa 19:3

Ama ẹ yị vị avaba ebira ọnị ọ mẹ o divi, â nyị ebira ọyịza ọnị ọ vịdị mẹ. Ộ kụ́ avaba ọchị ori ọnẹẹ anaā hị́ Asẹra hụụnị avaba ẹtẹ, dị ọ sị avaba ẹngụ anị a sị dụ ịrẹyị Ẹnẹyịmavara nị.

2 Ịtọpa 23:16

Ijehoyada ộ hị́ ohinọyị ọnịrị aza ana vọ ka ẹ̀ vẹ, dị ọnịrị wa è dudu hị́ eku ka aza Ẹnẹyịmavara ẹnị vaa vị nị.

2 Ịtọpa 29:10

Ộ kà a booro aanị, ọnị ọ raà tenyi ẹngụ ka ọnị o tenyi eku hị́ yị Ẹnẹyịmavara Ohomorihi Anisirẹrị agụvị asị ọ kụkụ vavọọ kụ ayị hi ẹnị.

Inehemaya 10:29

ẹnịrị ọdọvịdị ẹnịnị ệ hị́ eku, dị é chì hi ọza ana àa sị ahụ jịnẹ eku ẹnẹ ẹ hị́ ka ẹnị vaa saasa ọda oni Ohomorihi sị tụ Imosiisi ana vị ozi ahụ anị hi ẹnị. Ẹ ka ẹnị vaa saasa avaba ịsa ọnị Ẹnẹyịmavara mẹ ọda anị yị ẹnị. Ẹnị vaa sị ụvọọ za avaba ọda ọnị ido anị.

Inehemaya 9:38

Agụvị avaba ịsa ana maanị mẹ aanị, yê wo oto ọvịdị awụ ajịnị dị ị ka à chẹrẹ ẹ tịtẹ dị ọdọvịdị ayị nịnị, Anireevi nịnị ọnịrị ohirẹsụ irehi Ohomorihi ayị nịnị ẹ̀ sị ụvọ tụ ọ nị.

Ijeremaya 50:5

Ẹnịnị vee họ̀ use ka ịzị ẹ vị oze, dị ẹnịnị và tụra a. Ẹnịnị vaa vẹ vee wo oto yị ọnị, ka ọnị ẹnị vanaa saasa pooro zịna-zịna nị. Ẹnịnị ẹ́ yị vee hi ayị oto ọnọọ paa.

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

2 Anịkọrịntị 8:5

Ẹnịnị ẹ raà mẹ huna ọpa ẹnẹ ẹyị tụra eyi, ệ vịdị raà sị ẹngụ ẹnịnị yị Ananyị yị, dị ẹ kụkụ va sị ẹngụ ẹnịnị ị nyị, anka Ohomorihi mé sì ọọ.

Iwe Ọhụhị Imosiisi ana aa hị́ Ọyịvatụrọda 10:12

Booro aanị, ẹwụ nịnị Anisirẹrị batọ, dị waa wụ̀ ịsị ọnị Ẹnẹyịmavara Ohomorihi ee si hụụnị ụvọ awụ nịnị. Hi angwa Ẹnẹyịmavara Ohomorihi awụ nịnị kẹnẹ, zị ụsẹ ịnị avaba oze anị, sì ịrẹyị anị, sị avaba ayị awụ ọnịrị ivehu awụ hẹkẹ Ẹnẹyịmavara Ohomorihi awụ.

Iwe Ọhụhị Imosiisi ana aa hị́ Ọyịvatụrọda 29:1

Ẹsẹnị ẹ vị ebira ọnị Ẹnẹyịmavaraa kà yị Imosiisi ka Anisirẹrị ẹ̀ mẹ agụvị ọta ọnị ọnịrị wa mẹ yị ẹngụ ịnị ẹtẹ Imowabi nị. Ịrẹyị ẹnẹnị vị irenyi ịsa ọnị ọ vịdị kà yị wa ịrẹsụ ataba Ịhọrẹbị.

Iwe Ọhụhị Imosiisi ana aa hị́ Ọyịvatụrọda 29:11

Ezweyi, anẹẹ ọnịrị azọga ana ra vahụra wa. Azọga ẹnẹẹ aa da ọkụ, dị ẹ yaa da enyi yị wa nị.

Iwe Ọhụhị Imosiisi ana aa hị́ Ọyịvatụrọda 29:12

Ụ ya ịzẹnị ajịnị ka ẹwụrị Ẹnẹyịmavara Ohomorihi ọ mẹ ọkatịtẹ, dị wa hị́ eku tụ ọ ya ẹngụ.

Iwe Ọhụhị Imosiisi ana aa hị́ Ọyịvatụrọda 4:29

Ịnị ẹkụra ẹnẹẹ, ẹnịnị vee si Ẹnẹyịmavara Ohomorihi ẹnịnị, ẹ̀ ẹ sị avaba ayị ẹnịnị si ọ, e vee re e.

Iwe Ọhụhị Imosiisi ana aa hị́ Ọyịvatụrọda 6:5

Sị avaba ayị awụ sì ịrẹyị Ẹnẹyịmavara ana vị Ohomorihi awụ, beri avaba ivehu ọnịrị avaba ụkata awụ.

Ijosuwa 24:25

Agụvị avọọ ẹnịrị Ijosuwa hị́ eku yị ẹngụ ịhị ọnọọ nị. Ịsẹkẹmị ịzọọ ọ ya sị ọda yị wa ẹnẹ ẹ vaa saasa mẹ̀ ẹhẹ ẹnịnị nị.