2 Ịsamụwẹrị 9:7 - IWE ỌNỊNỊ

⁷ Di Idevidi ka, “Asị ụ hụrẹ ayị ịnẹ ka mị vaa vayị awụ agụvị Ijonatani ada awụ. Maa sị avaba ẹtẹ Ịsọọrụ ada awụ ọbanyị dị mị và a ịrẹmaa wụ. Ẹmịrị ẹwụ o dudu vaa rị ịsa pooro eyinị-eyinị nị.”

2 Ịsamụwẹrị 9:7 ပူးပေါင်းရင်းမြစ်များ

Oyinyima 43:18

A mẹ̀ kụ́ aza ẹnẹẹ nọ ini eehi Ijosẹẹhụ, dị angwa ee hi wa nị. Dị ẹ ka: áá yẹ ka agụvị ẹkẹhị ịhyọọ ana a sị varẹma tụ́ ini achuchu ẹnịnị a sị kụ́ ẹnị vẹ ịzẹnị aanị nị. Ẹ ka ee sì ka ọnị ọ za ẹnị dị ọ kụ́ ẹnị mẹ ọrịhị anị, dị ọ̀ rẹ dọ ẹnị ịkẹrịkẹtẹ ẹnịnị.

Oyinyima 43:23

Di ozi ahụ Ijosẹẹhụ ọnọọ tụ́ ohi dị ọ ka, “Và ayị nẹtẹ, asị u hí angwa nịnị. Ẹyịyara ahịka Ohomorihi awụ nịnị ọnịrị Ohomorihi ada awụ nịnị ọ sị ẹkẹhị va tụ́ ịnị achuchu awụ nịnị nị. Ẹmaa dọ ẹkẹhị ọnị ụ vịdị sị vẹ nịnị.” Dị ọ na dị ọ na sị Isimiyọnị jịnẹ va yị wa nị.

2 Ịsamụwẹrị 12:8

Dị ọnị rẹ sị irehi Ịsọọrụ ọga awụ dị ọnị sị yị wụ dị ọnị rẹ kú ese anị tụ́ ọ yị wụ nị. Ọ kà ọnị ọ rẹ sị Anisirẹrị ọnị Anijuda yị wụ. Ẹnẹyịmavara kà àa vị ụ ka ẹnẹẹ e si weyi nị, ọnị yaanị nyị tụ́ ọ yị wụ.

2 Ịsamụwẹrị 19:28

Taarụ Ohinọyị, vị a vọrọ ka wa wụ̀ avaba aneehi ada amị nị. Ama wa va raà sị mị ka ma hyakụ vaa rị ịsa ini itevuru awụ. Taarụ, ẹ yị nyị ịsị mi kụkụ zụ họ̀ use huna ọsọnị hụụnị ụvọ awụ.”

2 Ịsamụwẹrị 19:29

Di ohinọyị tụ́ ọ ohi dị ọ ka, “Ịrẹyị ọnị ọ kà aanị ô zee.” Ọ kà ọnị ọ sị ọ kà ka Imehwibọsẹtị ọnịrị Iziba e dudu vaa gẹ ẹtẹ Ịsọọrụ nị.

2 Ịsamụwẹrị 19:33

Di ohinọyị kà a yị Ibarizirayi dị ọ ka, “Saasa mị dị ya nọ Ijerusarẹmị, ka mị vaa tẹsị awụ ịzọọ.”

2 Ịsamụwẹrị 21:7

Ohinọyị ọ yị zẹẹ ka à nyị ịsị ẹ kanyị Imehwibọsẹtị ozi Ijonatani ana vị ozi Ịsọọrụ, agụvị ka â nyị eku ẹnị ẹnịrị Idevidi ne beri Ijonatani ozi Ịsọọrụ a vịdị sị hí yị ẹngụ. Ẹnịnị ệ sị Ẹnẹyịmavara tẹ ivenu ini eku ọnọọ.

2 Ịsamụwẹrị 9:1

Ẹkụhị ọnya di Idevidi va họ̀ aza use dị ọ ka áá kụkụ yịị nyị ịpa Ịsọọrụ ana vọ ana vọrọ ka ọnị ọ̀ hụ agụvị Ijonatani mẹ ayamva yị?

2 Ịsamụwẹrị 9:10

Ẹwụ Iziba ne beri ezi ewu ọnịrị ezi ahụ awụ ẹ̀ẹ kụ́ aarẹ Ịsọọrụ ịrịkụ. Ịsa anị ọ̀ọ sị mẹ dị waa kụ́ ọ vaa yị aazị ọga awụ, ọnị vị ẹnị ẹmịrịị vaa rị ịsa pooro.” Iziba ọnị ộ ma ezi anọrụ ẹwụrẹhị, di ezi ahụ anị vị oohu nị.

2 Ịsamụwẹrị 9:11

Di Iziba ka taarụ, ụ wàa mẹ̀ yị kà a kẹnẹ, avọọ m maa mẹ̀ ẹ nị. Ịzẹyịza dị ahịka Idevidi ohinọyị ọnịrị Imehwibọsẹtị aa rị ịsa aha ọnya anka ezi ohinọyị ana vọ avọọ nị.

2 Ịsamụwẹrị 9:13

Imehwibọsẹtị vị ene si sú ahụ ẹyịva, ama dị ahịka Ijerusarẹmị ọ yà nị agụvị ka ọnịrị ohinọyị aa rị ịsa pooro nị.

2 Ịsamụwẹrị 9:3

Di Idevidi ohinọyị rẹ ka áá kụkụ yịị nyị ịpa Ịsọọrụ ana vọ ana vọrọ ka ọnị ọ̀ hụ agụvị Ohomorihi mẹ ayamva yị? Di Iziba ka, “Taarụ, aa nyị ozi Ijonatani ọnya ana yị yà ịzọọ, ama ahụ anị ẹyịva vi ene sú.”

1 Ohinọyị 2:7

Rẹ tamayị ezi Ibiraziriya ana vị Anigiriyadi. Navọ dị wa vayị ayị. Ẹwụrị ọ ọ̀ọ rị ịsa aha ọnya, agụvị ka vị ọ nyayịnẹ sị ẹngụ gụrị mị m mèe zwe agụvị Abịsarọmị ọyịnyara awụ nị.

2 Ohinọyị 25:29

Evirimerodaki ô sị oze yọ ka ọ ngwa awuru ẹngwa anị tịtẹ, dị ọ kụ́ ẹnya ọsa hi ẹngụ, dị ọọ rị ịsa ịrẹsụ iteburu ohinọyị hụrị ụmẹ avọọ.

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Ijeremaya 52:33

Ijehoyakimi ộ ngwa awuru anịnẹngwa anị hị́ ẹtẹ, dị ọ kụ ẹnya ọsa hi ẹngụ nị. Dị ahịka ọnịrị ohinọyị Evirimerodaki ọ vanaa kụkụ aa rị ịsa pooro nị.

Ịzakaraya 7:9

Ịrẹyị ọnị Ẹnẹyịmavara Ochẹtẹẹngụ kà yị: Ọ kà ẹẹ̄ sị ịzẹyịza mẹ̀ ọkarẹyị, ẹẹ̄ ngụ ayị ọza, dị ẹẹ̄ vayị ọnụhụva.

Imatiwu 6:11

Sị ịsọyịrị ẹkụhị ajịnị yị yị,

Iruuku 22:30

ka wa yaayịtẹ aha ịsọyịrị amị ịzị mị yà aa mẹ ịjọva nịnị, dị ụ waa rị, di u wee hú nịnị. Ẹwụ nịnị rẹ vaa vị ohinọyị, dị ụ waa mẹ̀ ọkarẹyị tụ́ ịrẹsụ ovwoovu ẹwụrẹva Anisirẹrị nịnị.”

Ẹtore 3:20

Re, mị jẹẹ enoze, maa sị ụvọọ ká na. Di mee pee rị ịsa, dị oni ree pe mii rị ịsa.

1 Ịsamụwẹrị 12:24

Ama ẹwụ nịnị ò re ka wa nyị angwahi Ẹnẹyịmavara nịnị; dị waa sị avaba ayị awụ nịnị hẹkẹ ẹ. Tamayị ịsa ẹbanyị-ẹbanyị ọnị ọ mẹ̀ yị wụ nịnị.

1 Ịsamụwẹrị 20:15

Àa vị mi ne wusu nị, dị ụ navọ wa tamayị eku ọnị ẹmịrị ẹwụ hị́ yị ẹngụ, dị asị u hi ayị aneehi amị pooro. Ẹnẹyịmavara ọ̀ọ daka raà wụ̀ avaba ọnịvị awụ hụrẹ ẹhẹ.”

1 Ịsamụwẹrị 22:23

Yaayịtẹ pè mị, asị wu hí angwa. Ọza ana àa ka ọnị aa wụ̀ wụ ẹmị o ree sì ka ọnị ọ̀ wụ avọọ nị. Wàa yaayịtẹ pè mi ịzẹnị, ẹ yị nyị ịsị ẹ vaa mẹ wụ.”