2 Ịsamụwẹrị 9:10 - IWE ỌNỊNỊ

¹⁰ Ẹwụ Iziba ne beri ezi ewu ọnịrị ezi ahụ awụ ẹ̀ẹ kụ́ aarẹ Ịsọọrụ ịrịkụ. Ịsa anị ọ̀ọ sị mẹ dị waa kụ́ ọ vaa yị aazị ọga awụ, ọnị vị ẹnị ẹmịrịị vaa rị ịsa pooro.” Iziba ọnị ộ ma ezi anọrụ ẹwụrẹhị, di ezi ahụ anị vị oohu nị.

2 Ịsamụwẹrị 9:10 ပူးပေါင်းရင်းမြစ်များ

2 Ịsamụwẹrị 16:3

Di ohinọyị rẹ ka, “Ịzị Imehwibọsẹtị aazị Ịsọọrụ ana vị ọga awụ yà? Di Iziba ka, ọ yà Ijerusarẹmị. Ô ro o ka ajịnị Anisirẹrị vaa kà a ka ọnị ọ̀ rị ohinọyị ana ada anị ọbanyị vịdị rị nị.”

2 Ịsamụwẹrị 19:18

Ẹnị ana saasa ohinọyị ệ jịnẹ Okuha Ịjọdanị, ka ẹnị ẹ̀ na para irehi ohinọyị hu, dị ẹ̀ rẹ mẹ avaba ịsa oni ohinọyị òo sì. Óhinọyị màa jịnẹ Ijodani, di Isimeyi ozi Igera và kú ẹtẹ ọvịdị anị dị ọ ka ẹ yị ohinọyị

2 Ịsamụwẹrị 19:28

Taarụ Ohinọyị, vị a vọrọ ka wa wụ̀ avaba aneehi ada amị nị. Ama wa va raà sị mị ka ma hyakụ vaa rị ịsa ini itevuru awụ. Taarụ, ẹ yị nyị ịsị mi kụkụ zụ họ̀ use huna ọsọnị hụụnị ụvọ awụ.”

2 Ịsamụwẹrị 21:7

Ohinọyị ọ yị zẹẹ ka à nyị ịsị ẹ kanyị Imehwibọsẹtị ozi Ijonatani ana vị ozi Ịsọọrụ, agụvị ka â nyị eku ẹnị ẹnịrị Idevidi ne beri Ijonatani ozi Ịsọọrụ a vịdị sị hí yị ẹngụ. Ẹnịnị ệ sị Ẹnẹyịmavara tẹ ivenu ini eku ọnọọ.

2 Ịsamụwẹrị 9:7

Di Idevidi ka, “Asị ụ hụrẹ ayị ịnẹ ka mị vaa vayị awụ agụvị Ijonatani ada awụ. Maa sị avaba ẹtẹ Ịsọọrụ ada awụ ọbanyị dị mị và a ịrẹmaa wụ. Ẹmịrị ẹwụ o dudu vaa rị ịsa pooro eyinị-eyinị nị.”

1 Ohinọyị 2:7

Rẹ tamayị ezi Ibiraziriya ana vị Anigiriyadi. Navọ dị wa vayị ayị. Ẹwụrị ọ ọ̀ọ rị ịsa aha ọnya, agụvị ka vị ọ nyayịnẹ sị ẹngụ gụrị mị m mèe zwe agụvị Abịsarọmị ọyịnyara awụ nị.

2 Ohinọyị 25:29

Evirimerodaki ô sị oze yọ ka ọ ngwa awuru ẹngwa anị tịtẹ, dị ọ kụ́ ẹnya ọsa hi ẹngụ, dị ọọ rị ịsa ịrẹsụ iteburu ohinọyị hụrị ụmẹ avọọ.

Ijeremaya 52:34

Eyinị-eyinị pooro dị ọ su, vị anaa vanaa sị ẹkẹhịị yọ ka ịsị ee sì kẹnẹ, ọ̀ sịị mẹ̀ ẹ.

Iruuku 14:15

Ọza ịnya ịnị aza ana yaayịtẹ ịzọọ aa rị ịsa, ộ wụ́ ịrẹyị ẹnẹnị, dị ọ kà a yị Ijeesu ka, “Aza ana vaa rị ịsa ịzị Ohomorihi yà aa mẹ ịjọva, vaa daa jẹ kẹnẹ.”