2 Ịsamụwẹrị 8:6 - IWE ỌNỊNỊ

⁶ Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

2 Ịsamụwẹrị 8:6 ပူးပေါင်းရင်းမြစ်များ

2 Ịsamụwẹrị 10:19

Ịjị ohinọyị ana vọ ana vịdị vị ozi ahụ Ihadadeza re ka Anisirẹrị ẹ sị wa huna, dị ẹ ka ẹmịrị Anisirẹrị ọ yị kụkụ zyaazị nị. Dị ẹ kụkụ va vara ọrịhị Anisirẹrị nị. Angwa kuku ee hi Anamọnị nịnị, dị ẹ yị kụkụ nyayịnẹ na gụ Anamọnị nịnị ụvọ nị.

2 Ịsamụwẹrị 23:14

Ịjọnọọ Idevidi ọnị yà aha ẹvagu. Isoja Anihwirisiti ẹnị hi Ịbẹtịrẹhẹmị.

2 Ịsamụwẹrị 3:18

O si tù ka wa sị ọ mẹ ohinọyị nịnị booro aanị. Wâ yẹ ka Ẹnẹyịmavara ộ vịdị sị ọ kà yi Idevidi ka ọnị Idevidi ọnị vaa mẹ ka ọ̀ dọ Anisirẹrị aza anị tụ́ hụụnị ụvọ Anihwirisiti ọnịrị avaba ọnịvị ẹnịnị nị.”

2 Ịsamụwẹrị 5:10

Idevidi vị ana a yịị nyị ụkataa hu avọọ agụvị ka Ẹnẹyịmavara ana vị Ohomorihi Ochẹtẹẹngụ vị ana jẹẹ ịrẹma anị.

2 Ịsamụwẹrị 7:9

Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

2 Ịsamụwẹrị 8:14

Idevidi ộ kụ́ isoja anị hi ịnị avaba ẹtẹ Anedomi, dị avaba Anedomi kụkụ vị ọrịhị anị nị. Avaba ịzị Idevidi ọ̀ọ nọ, di Ẹnẹyịmavara aa mẹ ka òo huna ọnịvị anị.

2 Ịsamụwẹrị 8:2

Idevidi ọnịrị Animowabi ẹ rẹ kụ̀ ịrẹkụ, di Idevidi re hu wa ẹtẹ nị. Idevidi ộ za isoja ẹnịnị dị ọ ka ẹ̀ hụtụ hi ini eteesu nị. Ẹ́ mẹ̀ vavọọ hụtụ di Idevidi sị obo mọ̄ wa nị. Ọ̀ọ dà ẹhụ ụgọdọ obo ẹẹva, dị ọ wụ̀ avaba ẹnị ọnị obo za, dị ọ navọ ẹnị ana àa tụ́ ọ ọhụta. Di Animowabi nịnị kụkụ vị ọrịhị Idevidi dị ẹ yaa tụ́ ẹkẹhirehi yị Idevidi yị Idevidi nị.

2 Ịsamụwẹrị 8:7

Di Idevidi kụ́ ogonto igooru oni isoja Ihadadeza kụ́ vẹ ịrẹkụ, dị ọ kụ́ wa vẹ Ijerusarẹmị nị.

1 Ohinọyị 4:21

Isoromọnị aa mẹ ohinọyị tụ́ ịrẹsụ avaba aha hụrị okuha Anihwirisiti huu na ẹhụ ẹtẹ Anijipiti. Pooro di Isoromọnị va hịrẹ ẹnịnị vị ana aa kụ́ ẹyịza vaa yọ, dị ọ rẹ yà dụụ anị.

2 Ohinọyị 1:1

 nyị ịrayị ọnya aanị, ịjọnọọ ohinọyị Ahabị ô wusu, dị Animowabi nịnị nyima aa kụ̀ụ hịrẹ Anisirẹrị nịnị nị.

2 Ohinọyị 14:28

 chẹrẹ avaba ụkọrọ ana vọ ọnị Ijerobowami ọhụva mẹ hi ini iwe ịtọpa ohinọyị Ísirẹrị nịnị. Ọ́ mẹmẹ sị ọtụtụrụma kụ̀ ịrẹkụ, ọnịrị ọ mẹmẹ dọ ẹtẹ Ịdamasịkọsị ọnịrị Ihamati varẹma yị Ísirẹrị vị ana a chẹrẹ saka-saka.

2 Ohinọyị 18:7

Avọọ, Ẹnẹyịmavara ộ ya pe e aha tụra aha ọnị ọ nọ; di o zee yọ ịnị avaba ịsa ọnị ọ mẹ nị. Ộ dọ ẹngụ anị hụrẹ ụvọ ohinọyị Ásiriya; ẹ yị vana dọ ka ọnị ọ̀ sị ịrẹsụ yọ.

2 Ohinọyị 3:4

Ụmẹ ọnọọ, Imesa, ohinọyị Imowabi vị anaā pa atẹmẹ. Ịrayị-ịrayị ọọ̄ sịị kụ ezi atẹmẹ akawụ-akawụ oze ẹvarẹwụ (100,000) naa yị ohinọyị Isirẹrị nị. Avọọ ọ mẹrẹ rẹ kụ ẹyị ịdẹba akawụ-akawụ oze ẹvarẹwụ ẹyị vaa yọ nị.

1 Ịtọpa 18:13

Ộ jị udi irenyi-irenyi ịzị ọ kụ́ isoja hi avaba ẹtẹ Edomi, dị Idevidi kụkụ aa mẹ ohinọyị tụra avaba aza ene hi ịzọọ ịrẹsụ nị. Avaba aha ọnị Idevidi ọ̀ọ nọ, vị ọnị Ẹnẹyịmavara sị ọ nyị ẹbẹẹba.

2 Ịtọpa 17:2

Ộ kụ́ isoja hi ẹkụra-ẹkụra ana jị ọvọ kara ịnị ẹtẹ Ijuda, dị ọ kụ́ ọba ẹnyị vị ọnị ọ kụ́ tụ́ Ijuda, dị ọ ga ẹnyị hi ẹkụra ene hi ịnị ẹtẹ Ehwireemi ọnị ada anị Asa vịdị dọ.

Ahẹ Ụgama 140:7

Ẹnẹyịmavara ana vị ohinọyị ene hu keekere, ẹwa vị ọnụkata ana aā dọ mịị tụ́ nị. Ẹwa dọ mị tụ́ ka asị a nyị ịsị ẹ mẹ̀ mị ịnị ụmẹ ịrẹkụ ọnọọ nị.

Ahẹ Ụgama 60:10

Ohomorihi, navọ dê! u wéé si yi yi tịtẹ saka-saka nị? Wẹ yị kụkụ saasa isoja ayị nọ ịrẹkụ?

Ụhịrẹyị 21:31

Ọza ọ zụ kanyị ọpa aa nọ ịrẹkụ ama Ẹnẹyịmavara ọ sị ọzaa nyị ẹbẹẹba ịrẹkụ nị.

1 Ịsamụwẹrị 13:3

Ijonatani ộ kụ́ ịrẹkụ na dụ Isoja Anihwirisiti ene hi Ịgẹba dị Anihwirisiti nịnị sị wụ́ nị. Dị Ịsọọrụ ka è hú ọpanyị che avaba ẹtẹ Anisirẹrị na para hu, dị a kà a avaba Anihiburu ẹ̀ wụ́.

1 Ịsamụwẹrị 14:1

Ẹkụhị ọnya di Ijonatani hí ozi ọnọrụ ọnya anaā za ẹnya ịrẹkụ anịị gụ ọ nị, dị ọ ka ọ̀ vẹ dị ẹnị ẹ̀ nọ ịzị isoja Anihwirisiti nịnị hí akẹnẹ eyi ọsọọ nị. Ama Ijonatani ọ yị kà yị ada anị Ịsọọrụ.

1 Ịsamụwẹrị 14:15

Angwahi ộ ka avaba isoja Anihwirisiti vẹ. Isoja ene hi udi ịnị avị ọnịrị ene hi ẹhẹ ana aa dụ aza, dị ẹ yaa dọ wa ẹnya vị ana angwahi ngụ ẹngụ. Ohomorihi ộ mẹ̀ ka ẹtẹ ò zizi.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”