2 Ịsamụwẹrị 8:3 - IWE ỌNỊNỊ

³ A rẹ nyị ụmẹ ọnya di ohinọyị Izoba ana aā hị́ Ihadadeza ana vi ozi Ịrẹhọbị sì ka ọnị ọ̀ varẹma na dọ ẹtẹ ana yà ụtọ Okuha Iyuhwireti nị. Di Idevidi na, dị ọnịrị ọ kụ̀ ịrẹkụ, di Idevidi hu ọ ẹtẹ nị.

2 Ịsamụwẹrị 8:3 ပူးပေါင်းရင်းမြစ်များ

Oyinyima 15:18

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

2 Ịsamụwẹrị 10:15

Anarami mè re ka Anisirẹrị ẹ sị ẹnị dụ, dị ẹ rẹ varẹma kụ́ ẹngụ gụ nị.

2 Ịsamụwẹrị 10:16

Ọnọrụ ọnya ana aā hị́ Ihadadeza ộ tụ́ na hị́ Anarami hụrẹ akẹnẹ okuha Eyihureti vẹ. Ọnọrụ ana aā hị́ Isobaki ana vị ọga isoja Ihadadeza ọ kụ́ aza ẹnẹẹ aa vẹ nị.

2 Ịsamụwẹrị 10:19

Ịjị ohinọyị ana vọ ana vịdị vị ozi ahụ Ihadadeza re ka Anisirẹrị ẹ sị wa huna, dị ẹ ka ẹmịrị Anisirẹrị ọ yị kụkụ zyaazị nị. Dị ẹ kụkụ va vara ọrịhị Anisirẹrị nị. Angwa kuku ee hi Anamọnị nịnị, dị ẹ yị kụkụ nyayịnẹ na gụ Anamọnị nịnị ụvọ nị.

2 Ịsamụwẹrị 10:6

Anamọnị e si re ka ẹnị ẹ sị ayị mẹ kụ́ Idevidi ẹnẹmẹhị, dị ẹ wụsẹ sị ẹkẹhị na hị́ isoja Anarami ẹnị akawụ-akawụ oze ẹẹwụ hụrẹ Ịbẹtị-Ịrẹhọbị ọnịrị Izoba nị. Ẹ rẹ na hị́ ohinọyị Imaaka isoja anị akahị. Dị ẹ rẹ na hị́ isoja ẹnị akawụ-akawụ oze ịhịnọnyị hụrẹ Itobi nị.

2 Ịsamụwẹrị 23:36

Ịgarị ozi Ịnatanị hụrị Izoba, Ibani Anigadi,

1 Ohinọyị 4:21

Isoromọnị aa mẹ ohinọyị tụ́ ịrẹsụ avaba aha hụrị okuha Anihwirisiti huu na ẹhụ ẹtẹ Anijipiti. Pooro di Isoromọnị va hịrẹ ẹnịnị vị ana aa kụ́ ẹyịza vaa yọ, dị ọ rẹ yà dụụ anị.

1 Ịtọpa 18:3

Idevidi ộ vana rẹ kụ́ ịrẹkụ ne tu Ihadadeza, ohinọyị Anisiriya ịnị ẹtẹ Izoba. Ịzọọ vị ana gụrị ẹhwị ẹtẹ Ihamati. Ịhadadeza vị ene vịdị eè sì ka ọnị ọ̀ọ mẹ ịjọva tụra ẹhwị ẹtẹ ana yà eyi ẹbẹẹba Iyuhwuretisi.

2 Ịtọpa 8:3

Ịrẹma anị, Isoromọnị kụ́ ịrẹkụ na dọ ẹtẹ Ihamati Izoba nị.

Ahẹ Ụgama 60:1

Ohomorihi, wa sị yị hụrẹ ụvọ, ộ! Wa raà mẹ ka ịrẹyị odivi ò tù yị Yâ yẹ ka waa kụ́ ayịị hi yi, navọ kwogwo wa varẹma za yị gụrị ẹngụ.

Ahẹ Ụgama 72:8

Ọnị ọ vaa vị ohinọyị avaba aha nị. Ọnị ọ vaa nyị ẹtẹ huu hụrẹ Okuha Iyuhwireti na ngụ ọzarẹyịrẹsụ ẹtẹ nị.

Ọyịkụra 23:31

Ẹhwị ẹtẹ awụ nịnị vaa nyima hụrẹ Oku ịkẹ-ịkẹ na ngụ Oku Anihwirisiti nị Ẹwụ nịnị ọ vavọọ vaa nyị ọ hụụnị ụnọmị na ngụ ini Oku nị. Mị vaa navọ ka aza ana vịdị ra hi ịnị ẹtẹ ọnọọ wa dụ wa kwooze nịnị.

Iwe Ọhụhị Imosiisi ana aa hị́ Ọyịvatụrọda 11:24

Aha tụra aha ọnị ẹ sị ahụ ẹnịnị hi, ọ vaa vị ẹnịnị nị. Ịsị ẹ sị ọ hụrị ụnọmị eyi ụvẹtẹ na ngụ ịrẹsụ ataba Ịrẹbanọnị, hụrị irehu Iyuhwuretisi na ngụ Òkū Imeditareniya.

1 Ịsamụwẹrị 14:47

Ịsọọrụ mè nyima dị aa mẹ ohinọyị tụra Anisirẹrị dị o pè avaba ọnịvị ẹnịnị kụ̀ ịrẹkụ nị. Ọnịvị ẹnẹẹ ẹ vị Animowabi, Anamọnị, Anedomi, ohinọyị Anizoba ọnịrị Anihwirisiti nịnị. Ịzị ọ̀ọ và zị kẹnẹ, dị ọ sị ụya rị ọnịvị ẹnẹẹ ẹtẹẹtẹrẹ.